ਗੈਸ ਸਿਲੰਡਰਾਂ ਦੇ ਗੁਦਾਮ ਵਿਚੋਂ 20ਦੇ ਕਰੀਬ ਸਿਲੰਡਰ ਭਰਕੇ ਛੋਟੇ ਹਾਥੀ ਦਾ ਚਾਲਕ ਜਦ ਸ਼ਹਿਰ ਵੱਲ ਨੂੰ ਆ ਰਿਹਾ ਸੀ
ਜੈਤੋ: ਗੈਸ ਦੇ ਭਰੇ ਸਿਲੰਡਰਾਂ ਦੇ ਤਿੰਨ ਪਹੀਏ ਵਹੀਕਲ ਨੂੰ ਅਚਾਨਕ ਲੱਗੀ ਅੱਗ ਨਾਲ ਵੱਡਾ ਹਾਦਸਾ ਹੋਣ ਤੋਂ ਟਲ ਗਿਆ ਹੈ। ਜਾਣਕਾਰੀ ਦੇ ਅਨੁਸਾਰ ਸਥਾਨਕ ਰਣ ਸਿੰਘ ਵਾਲਾ ਰੋਡ 'ਤੇ ਸਥਿਤ ਗੈਸ ਸਿਲੰਡਰਾਂ ਦੇ ਗੁਦਾਮ ਵਿਚੋਂ 20ਦੇ ਕਰੀਬ ਸਿਲੰਡਰ ਭਰਕੇ ਛੋਟੇ ਹਾਥੀ ਦਾ ਚਾਲਕ ਜਦ ਸ਼ਹਿਰ ਵੱਲ ਨੂੰ ਆ ਰਿਹਾ ਸੀ ਕਿ ਰਸਤੇ ਵਿਚ ਅਚਾਨਕ
ਉਕਤ ਵਹੀਕਲ ਨੂੰ ਅੱਗ ਲੱਗ ਗਈ, ਸਾਹਮਣੇ ਤੋਂ ਆ ਰਹੇ ਵਹੀਕਲ ਚਾਲਕ ਨੂੰ ਪਤਾ ਲੱਗਿਆ ਤਾਂ ਉਸ ਨੇ ਆਪਣਾ ਵਹੀਕਲ ਅੱਗੇ ਲੰਘਾਕੇ ਤਿੰਨ ਪਹੀਏ ਉਕਤ ਚਾਲਕ ਨੂੰ ਅੱਗ ਲੱਗਣ ਸਬੰਧੀ ਦੱਸਿਆ ਤਾਂ ਉਸ ਨੇ ਥਾਣਾ ਜੈਤੋ ਦੇ ਨੇੜੇ ਪੈਂਦੇ ਚੁਰਾਸਤੇ (ਆਰ.ਓ.ਪਲਾਂਟ ਕੋਲ) ਕੋਲ ਆਪਣਾ ਵਹੀਕਲ ਰੋਕ ਕੇ ਅੱਗ 'ਤੇ ਕਾਬੂ ਪਾਉਣ ਲਈ ਨੇੜਿਓ ਲੰਘਦੇ ਗੰਦੇ ਨਾਲੇ 'ਚੋਂ ਪਾਣੀ ਭਰ-ਭਰ ਕੇ ਅੱਗ 'ਤੇ ਪਾਉਣ ਸ਼ੁਰੂ ਕਰ ਦਿੱਤਾ। ਉਸ ਪਾਣੀ ਪਾਉਂਦੇ ਨੂੰ ਵੇਖਦਿਆ ਹੋਇਆ ਲੋਕ ਇਕੱਠੇ ਹੋ ਗਏ 'ਤੇ ਲੋਕਾਂ ਨੇ ਵੀ ਅੱਗ 'ਤੇ ਪਾਣੀ ਪਾ ਕੇ ਅੱਗ ਤੇ ਕਾਬੂ ਪਾ ਲਿਆ।