ਮ੍ਰਿਤਕ ਜਵਾਨ ਦਾ ਆਪਣੇ ਰਿਸ਼ਤੇਦਾਰਾਂ, ਜੋ ਕਿ ਰਾਂਝੇ ਦੇ ਕੋਠੇ ਥਾਣਾ ਸਦਰ ਪਠਾਨਕੋਟ ਦੇ ਰਹਿਣ ਵਾਲੇ ਹਨ, ਨਾਲ ਕਿਸੇ ਜਾਤੀ ਮਸਲੇ ਨੂੰ ਲੈ ਕੇ ਤਕਰਾਰ ਹੋਇਆ ਸੀ।
ਤਿੱਬੜ - ਪਿੰਡ ਮਾਨ ਨਿਵਾਸੀ ਬੀ. ਐਸ. ਐਫ. ਦੇ ਜਵਾਨ ਦਾ ਉਸ ਦੇ ਨਜ਼ਦੀਕੀ ਰਿਸ਼ਤੇਦਾਰਾਂ ਵਲੋਂ ਹੀ ਦੇਰ ਰਾਤ ਕਿਰਚਾਂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ। ਜਾਣਕਾਰੀ ਅਨੁਸਾਰ ਸ਼ਰਨਜੀਤ ਸਿੰਘ (27) ਪੁੱਤਰ ਸਵ. ਜੋਗਿੰਦਰਪਾਲ ਵਾਸੀ ਮਾਨ ਥਾਣਾ ਤਿੱਬੜ, ਜੋ ਚੂੜਾ ਚਾਂਦਪੁਰ ਮਨੀਪੁਰ ਵਿਖੇ ਐਸ. ਟੀ. ਸੀ ਵਿਖੇ ਤਾਇਨਾਤ ਸੀ ਅਤੇ ਕੁਝ ਦਿਨ ਪਹਿਲਾਂ ਹੀ ਆਪਣੇ ਪਿੰਡ ਛੁੱਟੀ ਆਇਆ ਸੀ।
Sharanjeet Singh
ਮ੍ਰਿਤਕ ਜਵਾਨ ਦਾ ਆਪਣੇ ਰਿਸ਼ਤੇਦਾਰਾਂ, ਜੋ ਕਿ ਰਾਂਝੇ ਦੇ ਕੋਠੇ ਥਾਣਾ ਸਦਰ ਪਠਾਨਕੋਟ ਦੇ ਰਹਿਣ ਵਾਲੇ ਹਨ, ਨਾਲ ਕਿਸੇ ਜਾਤੀ ਮਸਲੇ ਨੂੰ ਲੈ ਕੇ ਤਕਰਾਰ ਹੋਇਆ ਸੀ। ਉਸੇ ਰੰਜਿਸ਼ ਤਹਿਤ ਦੋਸ਼ੀਆਂ ਨੇ ਮ੍ਰਿਤਕ ਦੇ ਪਿੰਡ ਮਾਨ ਵਿਖੇ ਉਸ ਦੇ ਘਰ ਪਹੁੰਚ ਕੇ ਦੇਰ ਰਾਤ ਝਗੜਾ ਕੀਤਾ ਅਤੇ ਕਿਰਚਾਂ ਨਾਲ ਵਾਰ ਕਰਕੇ ਉਸ ਨੂੰ ਗੰਭੀਰ ਜ਼ਖ਼ਮੀ ਕਰ ਦਿੱਤਾ ਅਤੇ ਜ਼ਖ਼ਮਾਂ ਨੂੰ ਨਾ ਸਹਾਰਦੇ ਹੋਏ ਉਸ ਨੇ ਦਮ ਤੋੜ ਦਿੱਤਾ।
ਪੁਲਿਸ ਥਾਣਾ ਮੁਖੀ ਇੰਸਪੈਕਟਰ ਕੁਲਵੰਤ ਸਿੰਘ ਮਾਨ ਨੇ ਦੱਸਿਆ ਕਿ ਦੋਸ਼ੀ ਦੀ ਪਹਿਚਾਣ ਕੁਲਦੀਪ ਸਿੰਘ ਉਰਫ਼ ਮਿੰਟੂ ਪੁੱਤਰ ਸੋਹਣ ਲਾਲ ਅਤੇ ਮਿੰਟੂ ਦਾ ਚਾਚਾ ਪ੍ਰੇਮ ਪੁੱਤਰ ਗਿਆਨ ਚੰਦ ਵਾਸੀ ਰਾਂਝੇ ਦੇ ਕੋਠੇ ਥਾਣਾ ਪਠਾਨਕੋਟ ਸਦਰ ਵਜੋਂ ਹੋਈ ਹੈ। ਦੋਸ਼ੀ ਰਾਤ ਦੇ ਹਨੇਰੇ ਦਾ ਫ਼ਾਇਦਾ ਲੈਂਦੇ ਹੋਏ ਭੱਜਣ 'ਚ ਕਾਮਯਾਬ ਹੋ ਗਏ। ਪੁਲਿਸ ਨੇ ਦੋਸ਼ੀਆਂ ਖ਼ਿਲਾਫ਼ ਮੁਕੱਦਮ ਦਰਜ ਕਰਕੇ ਅਤੇ ਮ੍ਰਿਤਕ ਦੀ ਲਾਸ਼ ਕਬਜ਼ੇ 'ਚ ਲੈ ਕੇ ਪੋਸਟਮਾਰਟਮ ਕਰਵਾ ਕੇ ਵਾਰਸਾਂ ਹਵਾਲੇ ਕਰ ਦਿੱਤੀ ਹੈ।
