ਬਾਰਡਰ ਖੁਲ੍ਹਣ ਤੇ ਹੀ ਮਿਲਣਗੀਆਂ ਸਸਤੇ ਭਾਅ ਸਬਜ਼ੀਆਂ ਅਤੇ ਹੋਰ ਸਮਾਨ : ਸਿੱਧੂ
ਅੰਮ੍ਰਿਤਸਰ, 19 ਨਵੰਬਰ ( ਸੁਖਵਿੰਦਰਜੀਤ ਸਿੰਘ ਬਹੋੜੂ) : ਕਾਂਗਰਸ ਨੇਤਾ ਨਵਜੋਤ ਸਿੰਘ ਸਿੱਧੂ ਸਾਬਕਾ ਕੈਬਨਿਟ ਮੰਤਰੀ ਨੇ ਮੰਗ ਕੀਤੀ ਹੈ ਕਿ ਹਿੰਦ-ਪਾਕਿ ਬਾਰਡਰ ਖੋਲ੍ਹਿਆ ਜਾਵੇ ਤਾਂ ਜੋ ਦੋਹਾਂ ਮੁਲਕਾਂ ਨੂੰ ਸਾਜੋ ਸਮਾਨ ਸਹੀ ਤੇ ਰਿਆਇਤੀ ਦਰਾਂ ਤੇ ਮਿਲ ਸਕੇ। ਉਹ ਅੱਜ ਸਬਜ਼ੀ ਮੰਡੀ ਵੱਲਾ ਅੰਮ੍ਰਿਤਸਰ ਵਿਖੇ ਪੀੜਤ ਦੁਕਾਨਦਾਰਾਂ,ਆੜਤੀਆਂ ਮਜ਼ਦੂਰਾਂ ਨੂੰ ਮਿਲੇ ਜੋ ਗੁਰਬਤ ਦੇ ਝੰਬੇ ਬੇਸ਼ਮਾਰ ਮੁਸ਼ਕਲਾਂ ਦਾ ਸਾਹਮਣਾ ਕਰ ਰਿਹਾ ਹੈ।
ਇਸ ਮੌਕੇ ਸਿੱਧੂ ਨੂੰ ਸੈਕੜੇ ਦੀ ਗਿਣਤੀ 'ਚ ਦਸਿਆ ਕਿ ਹਿੰਦ-ਪਾਕਿ ਬਾਰਡਰ ਬੰਦ ਹੋਣ ਨਾਲ ਮਹਿੰਗਾਈ ਚਰਮ ਸੀਮਾ 'ਤੇ ਪਹੁੰਚ ਰਹੀ ਹੈ। 10 ਰੁਪਏ ਵਿਕਣ ਵਾਲਾ ਪਿਆਜ਼ 50 ਰੁਪੇ ਵਿਕ ਰਿਹਾ ਹੈ ਜੋ 75 ਰੁਪਏ ਤੋ ਹੇਠਾ ਆਇਆ ਹੈ। 55 – 60 ਰੁਪਏ ਵਾਲੀ ਦਾਲ ਅੱਜ 130 ਤੇ ਵਿਕ ਰਹੀ ਹੈ । ਸਿੱਧੂ ਨੇ ਸਪੱਸ਼ਟ ਕੀਤਾ ਕਿ ਸਬਜ਼ੀ ਮਾਰਕੀਟ ਤੇ ਕਬਜ਼ਾ ਅੰਡਾਨੀ ਤੇ ਹੋਰ ਪੂੰਜੀਪਤੀਆਂ ਦਾ ਹੈ ਸੇਬ ਵੀ ਅਡਾਨੀ, ਅੰਬਾਨੀ ਦੇ ਕਬਜ਼ੇ 'ਚ ਹੈ। ਸਿੱਧੂ ਕਿਹਾ ਕਿ ਪੁਜੀਪਤੀਆਂ ਕੋਲ ਸਟੋਰ ਹਨ। ਪਰ ਗਰੀਬ ਕਿਸਾਨਾਂ, ਆੜਤੀਆਂ ਕੋਲ ਅਜਿਹੀ ਸਹੂਲਤ ਨਹੀ ਹੈ। ਪਰ ਵੱਡੇ ਵਪਾਰੀਆਂ ਕੋਲ 6–6 ਕਿਲੋਮੀਟਰ ਦੇ ਸਟੋਰਜ ਵੀ ਹਨ।
ਉਹ ਬੇਹੱਦ ਸਸਤਾ ਫਰੂਟ ਤੇ ਸਬਜ਼ੀ ਕੌਡੀਆਂ ਦੇ ਭਾਅ ਖਰੀਦ ਤੇ ਇਨਾਂ ਦਾ ਭੰਡਾਰ ਕਰ ਲੈਦੇ ਹਨ ਫਿਰ ਮਾਰਕੀਟ ਚ ਚੀਜ਼ਾਂ ਦੀ ਥੁੜ ਲਿਆਂ ਦੇਦੇ ਹਨ । ਜਦ ਸਬਜ਼ੀਆਂ ਤੇ ਫਰੂਟ ਬਹੁਤ ਮਹਿੰਗੀਆਂ ਹੋ ਜਾਂਦੇ ਹਨ ਤਾਂ ਇਹ ਕੌਡੀਆਂ ਦੇ ਭਾਅ ਖਰੀਦਿਆਂ ਬਹੁਤ ਜਿਆਦਾ ਉੱਚੇ ਭਾਅ ਤੇ ਵੇਚਕੇ ਮਾਲੋ-ਮਾਲ ਹੋ ਜਾਂਦੇ ਹਨ। ਸਿੱਧੂ ਮੁਤਾਬਕ ਇਕ ਫ਼ੀ ਸਦੀ ਬਹੁ-ਗਿਣਤੀ ਅਮੀਰ ਹੈ ਤੇ 99 ਫ਼ੀ ਸਦੀ ਗਰੀਬ ਹੈ। ਸਿੱਧੂ ਨੇ ਕਿਹਾ ਕਿ ਜੇਕਰ ਵੱਡੇ ਲੋਕਾਂ ਕੋਲ ਜ਼ਮੀਨਾਂ ਚਲੇ ਗਈਆਂ ਤਾਂ ਕਿਸਾਨ ਮੰਡੀ ਚ ਮਜ਼ਦੂਰ ਹੋਵੇਗਾ। ਛੋਟੀ ਕਿਸਾ ਨੀ ਇਕ ਸਾਲ ਚ ਖਤਮ ਕਰ ਦੇਣਗੇ ਤੇ ਵੱਡੀ ਕਿਸਾਨੀ ਨੂੰ ਕੌਡੀਆਂ ਦੇ ਭਾਅ ਖਰਦੀਣਗੇ। ਸਿੱਧੂ ਨੂੰ ਮਜ਼ਦੂਰਾਂ ਨੇ ਦਸਿਆ ਕਿ ਉਹ 250 ਤੋ 300 ਰੁਪਏ ਦਿਹਾੜੀ ਕਮਾਂਉਦਾ ਹੈ ਤੇ ਘਰ ਵਾਸਤੇ ਸਬਜ਼ੀ ਵੀ ਇਥੋ ਖੜਦਾ ਹੈ ਤੇ ਵੱਡੇ ਲੋਕ ਆ ਗਏ ਤਾਂ ਉਨਾ ਨੂੰ ਵੀ ਬਹੁਤ ਮਹਿੰਗੀ ਸਬਜ਼ੀ ਵਿਕੇਗੀ। ਸਿੱਧੂ ਨੇ ਕਿਹਾ ਕਿ ਇਹ ਮਸਲਾ ਉਹ ਕੌਮੀ ਤੇ ਸੂਬਾ ਪੱਧਰ ਤੇ ਉਠਾਂਉਣਗੇ। ਜੋ ਵਡਿਆਂ ਦੀ ਥਾਂ ਛੋਟਿਆਂ ਨੂੰ ਰਾਹਤ ਦਿਤੀ ਜਾਵੇ।