ਦਲਿਤ ਨਹੀਂ ਡਰਨਗੇ, ਵੱਧ ਚੜ੍ਹ ਕੇ ਕਾਂਗਰਸ ਦਾ ਸਾਥ ਦੇਣਗੇ : ਡਾ. ਵੇਰਕਾ
Published : Jan 21, 2022, 12:15 am IST
Updated : Jan 21, 2022, 12:15 am IST
SHARE ARTICLE
image
image

ਦਲਿਤ ਨਹੀਂ ਡਰਨਗੇ, ਵੱਧ ਚੜ੍ਹ ਕੇ ਕਾਂਗਰਸ ਦਾ ਸਾਥ ਦੇਣਗੇ : ਡਾ. ਵੇਰਕਾ

 

ਚੰਡੀਗੜ੍ਹ, 20 ਜਨਵਰੀ (ਜੀ.ਸੀ.ਭਾਰਦਵਾਜ) : ਕੇਂਦਰੀ ਈ.ਡੀ. ਵਲੋਂ ਮੁੱਖ ਮੰਤਰੀ ਮੰਤਰੀ ਚੰਨੀ ਦੇ ਭਣੇਵਾੇ ਦੇ ਠਿਕਾਣਿਆਂ 'ਤੇ ਪਿਛਲੇ ਕਈ ਦਿਨਾਂ ਤੋਂ ਕੀਤੀ ਜਾ ਰਹੀ ਛਾਪੇਮਾਰੀ ਅਤੇ 10 ਕਰੋੜ ਨਕਦੀ ਸਮੇਤ ਹੋਰ ਕੀਮਤੀ ਵਸਤਾਂ ਦੀ ਬਰਾਮਦਗੀ ਨੂੰ  ਵਡਾ ਮੁੱਦਾ ਬਣਾ ਕੇ, ਲਗਾਤਾਰ ਤਿੰਨ ਮੀਡੀਆ ਕਾਨਫ਼ਰੰਸਾਂ ਰਾਹੀਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਤੇ ਬੀਜੇਪੀ ਵਿਰੁਧ ਭੜਾਸ ਕੱਢਦੇ ਹੋਏ ਪੰਜਾਬ ਕਾਂਗਰਸ ਦੇ ਚੋਟੀ ਦੇ ਨੇਤਾਵਾਂ ਨੇ ਅੱਜ ਫਿਰ ਸ਼ਬਦੀ ਹਮਲਾ ਜਾਰੀ ਰਖਿਆ |
ਕਾਂਗਰਸ ਭਵਨ 'ਚ ਪ੍ਰੈੱਸ ਕਾਨਫ਼ਰੰਸ ਨੂੰ  ਸੰਬੋਧਨ ਕਰਦਿਆਂ ਦਲਿਤ ਕੈਬਿਨਟ ਮੰਤਰੀ ਅਤੇ ਅਨੁਸੂਚਿਤ ਜਾਤੀ ਕਮਿਸ਼ਨ ਦੇ ਸਾਬਕਾ ਵਾਈਸ ਚੇਅਰਮੈਨ ਡਾ.ਰਾਜ ਕੁਮਾਰ ਵੇਰਕਾ ਨੇ ਦਲਿਤ ਮੁੱਖ ਮੰਤਰੀ, ਪੰਜਾਬ ਦੇ ਦਲਿਤ ਵੋਟਰ, ਦਲਿਤ ਵਰਕਰ, ਨਹੀਂ ਡਰਨਗੇ, ਨਹੀਂ ਦਬਣਗੇ, ਉਲਟਾ ਡੱਟ ਕੇ ਮੁਕਾਬਲਾ ਕਰਨਗੇ ਅਤੇ ਕਾਂਗਰਸ ਦਾ ਸਾਥ ਦੇੇਣਗੇ | ਜ਼ਿਕਰਯੋਗ ਹੈ ਕਿ ਇਸ ਈ.ਡੀ. ਛਾਪੇਮਾਰੀ ਨੂੰ  ਚੋਣਾਂ ਮੌਕੇ ਵੱਡਾ ਮੁੱਦਾ ਬਣਾ ਕੇ, ਕਾਂਗਰਸ ਦੇ ਮੁੱਖ ਮੁੰਤਰੀ, ਉਸ ਦੇ ਕੈਬਨਿਟ ਸਾਥੀਆਂ ਤੇ ਹੋਰ ਚੋਟੀ ਦੀ ਲੀਡਰਸ਼ਿੱਪ ਨੇ ਪਿਛਲੇ 4 ਦਿਨਾਂ ਤੋਂ, ਭਾਜਪਾ ਖ਼ਿਲਾਫ਼ ਮੋਰਚਾ ਖੋਲਿ੍ਹਆ ਹੋਇਆ ਹੈ |
ਅੱਜ ਕਾਂਗਰਸੀ ਮੰਤਰੀਆਂ, ਦਲਿਤ ਵਿਧਾਇਕਾਂ ਤੇ ਹੋਰ ਦਲਿਤ ਨੇਤਾਵਾਂ ਨੇ ਪੰਜਾਬ ਦੇ ਕਈ ਜ਼ਿਲ੍ਹਾ ਮੁਕਾਮ 'ਤੇ ਈ.ਡੀ. ਵਲੋਂ ਛਾਪੇਮਾਰੀ ਖ਼ਿਲਾਫ਼ ਮੁਜ਼ਾਹਰੇ ਵੀ ਕੀਤੇ | ਡਾ. ਵੇਰਕਾ ਤੇ ਮੀਡੀਆ ਇਨਚਾਰਜ ਅਲਕਾ ਲਾਂਬਾ ਨੇੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਤੇ ਉਸ ਦੇ ਕਈ ਮੰਤਰੀਆਂ ਤੇ ਵਿਧਾਇਕਾਂ ਵਿਰੁਧ ਪਿਛਲੇ ਸਾਲਾਂ 'ਚ ਈ.ਡੀ. ਛਾਪੇਮਾਰੀ ਦੀ ਖ਼ਬਰਾਂ, ਤਸਵੀਰਾਂ ਤੇ ਹੋਰ ਦਸਤਾਵੇਜ ਵੀ ਜਾਰੀ ਕੀਤੇ ਅਤੇ ਕਿਹਾ ਕਿ ਮੋਦੀ ਸਰਕਾਰ, ਇਹੋ ਜਿਹੇ ਹੱਥਕੰਡੇ ਅਪਣਾ ਕੇ ਦਲਿਤ ਮੁੱਖ ਮੰਤਰੀ ਚੰਨੀ ਨੂੰ  ਹਟਾਉਣਾ ਚਾਹੁੰਦੀ ਹੈ |
ਉਰਦੁ, ਦੀਆਂ ਕੁੱਝ ਭੜਕਾਉ ਗਜ਼ਲਾਂ ਤੇ ਸ਼ੇਰੋ ਸ਼ਾਇਰੀ, ਪੈ੍ਰੱਸ ਕਾਨਫ਼ਰੰਸ 'ਚ ਦੁਹਰਾਉਂਦੇ ਹੋਏ, ਡਾ.ਵੇਰਕਾ ਨੇ ਤਾਂ ਇਥੋਂ ਕਹਿ ਦਿਤਾ ਕਿ, 'ਜੇ ਮੋਦੀ ਸਰਕਾਰ ਤੇ ਇਸ ਦੀ ਭਾਜਪਾ ਲੀਡਰਸ਼ਿੱਪ ਨੇ ਈ.ਡੀ. ਦੀ ਦੁਰਵਰਤੋਂ ਕਰਨੀ ਜਾਰੀ ਰੱਖੀ ਤਾਂ ਦਲਿਤ ਵਰਗ ਕਲਮ ਛੱਡ ਕੇ ਤਲਵਾਰ ਚੁੱਕ ਲੈਣਗੇ |' ਡਾ.ਵੇਰਕਾ ਨੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ, ਆਪ ਨੇਤਾ ਕੇਜਰੀਵਾਲ ਅਤੇ ਹੋਰ ਕਾਂਗਰਸੀ ਨੇਤਾਵਾਂ, ਜੋ ਪਾਰਟੀ ਛੱਡ ਕੇ ਭਾਜਪਾ 'ਚ ਚਲੇ ਗਏ, ਨੂੰ  ਕੋਸਦਿਆਂ ਕਿਹਾ ਕਿ ਕੇਂਦਰ ਦੀ ਭਾਜਪਾ ਸਰਕਾਰ, ਨੇ ਦਲਿਤ ਵਿਰੋਧੀ ਮੁਹਿੰਮ ਚਲਾਈ ਹੋਈ ਹੈ ਅਤੇ ਪਜੰਾਬ 'ਚ ਅਨੁਸੂਚਿਤ ਜਾਤੀ ਵੋਟਰ, ਲਾਮਬੰਦ ਹੋ ਕੇ, 20 ਫ਼ਰਵਰੀ ਦੀਆਂ ਚੋਣਾਂ 'ਚ ਭਾਜਪਾ ਨੂੰ  ਸਬਕ ਸਿਖਾਉਣਗੇ |    

SHARE ARTICLE

ਏਜੰਸੀ

Advertisement

Advocate Sunil Mallan Statement on Leaders and Migrants: ਲੀਡਰਾਂ ਨੇ ਸਾਰੇ ਪ੍ਰਵਾਸੀਆਂ ਦੀਆਂ ਬਣਵਾਈਆਂ ਵੋਟਾਂ

15 Sep 2025 3:01 PM

Sukhjinder Randhawa Interview On Rahul Gandhi Punjab'S Visit In Dera Baba nanak Gurdaspur|News Live

15 Sep 2025 3:00 PM

"100 ਰੁਪਏ ਲੁੱਟ ਕੇ 2 ਰੁਪਏ ਦੇ ਕੇ ਆਖੇ ਮੈਂ ਵੱਡਾ ਦਾਨੀ, Sukhbir Badal ਨੂੰ ਸਿੱਧੇ ਹੋਏ Gurdeep Brar | SGPC

13 Sep 2025 1:07 PM

Hoshiarpur Child Muder Case : ਆਹ ਪਿੰਡ ਨਹੀਂ ਰਹਿਣ ਦਵੇਗਾ ਇੱਕ ਵੀ ਪਰਵਾਸੀ, ਜੇ ਰਹਿਣਾ ਪਿੰਡ 'ਚ ਤਾਂ ਸੁਣ ਲਓ ਕੀ.

13 Sep 2025 1:06 PM

ਕਿਸ਼ਤਾਂ 'ਤੇ ਲਿਆ New Phone, ਘਰ ਲਿਜਾਣ ਸਾਰ ਥਾਣੇ 'ਚੋਂ ਆ ਗਈ ਕਾਲ,Video ਦੇਖ ਕੇ ਤੁਹਾਡੇ ਵੀ ਉੱਡ ਜਾਣਗੇ ਹੋਸ਼

12 Sep 2025 3:27 PM
Advertisement