Auto Refresh
Advertisement

ਖ਼ਬਰਾਂ, ਪੰਜਾਬ

ਰਾਜਨੀਤਕੋ! ਰੱਬ ਦਾ ਵਾਸਤਾ ਜੇ, ਪੰਜਾਬ ਨੂੰ ਗੁਰਾਂ ਦੇ ਨਾਮ ’ਤੇ ਜੀਊਣ ਦਿਓ : ਜਾਚਕ

Published Jan 21, 2022, 12:15 am IST | Updated Jan 21, 2022, 12:15 am IST

ਰਾਜਨੀਤਕੋ! ਰੱਬ ਦਾ ਵਾਸਤਾ ਜੇ, ਪੰਜਾਬ ਨੂੰ ਗੁਰਾਂ ਦੇ ਨਾਮ ’ਤੇ ਜੀਊਣ ਦਿਓ : ਜਾਚਕ

image
image

ਕੋਟਕਪੂਰਾ, 20 ਜਨਵਰੀ (ਗੁਰਿੰਦਰ ਸਿੰਘ) : ਵਿਧਾਨ ਸਭਾ ਚੋਣਾਂ ਦਾ ਮਾਹੌਲ ਹੋਣ ਨਾਤੇ ਦਿੱਲੀ ਦੇ ਰਿਮੋਟ ਕੰਟਰੋਲ ਨਾਲ ਚੱਲਣ ਵਾਲੀਆਂ ਰਾਜਨੀਤਕ ਪਾਰਟੀਆਂ ਦੇ ਆਗੂ ਅੱਜ-ਕਲ ਨਵੇਂ, ਰੰਗਲੇ ਤੇ ਸੁਨਹਿਰੇ ਪੰਜਾਬ ਦੇ ਸੁਪਨੇ ਵਿਖਾ ਕੇ ਪੰਜਾਬੀਆਂ ਨੂੰ ਲੁੱਟਣ, ਲਭਾਉਣ ਅਤੇ ਅਪਣੇ ਗ਼ੁਲਾਮ ਬਣਾਉਣ ਦੇ ਯਤਨ ਕਰ ਰਹੀਆਂ ਹਨ ਪਰ ਗੁਰੂ ਨਾਨਕ ਸਾਹਿਬ ਜੀ ਦੇ ‘ਕਿਰਤ ਕਰੋ’-ਨਾਮ ਜਪੋ ਤੇ ਵੰਡ ਕੇ ਛਕੋ ਵਰਗੇ ਦੈਵੀ-ਗੁਣਾਂ ’ਤੇ ਅਧਾਰਤ ਮਨੁੱਖੀ ਸਮਾਨਤਾ ਤੇ ਸਰਬੱਤ ਦੇ ਭਲੇ ਵਾਲੇ ਸਮਾਜਕ ਮਾਡਲ ਅਤੇ ਬੇਗਮਪੁਰੇ ਵਾਲੇ ਹਲੇਮੀ ਰਾਜ ਦੀ ਤਾਂਘ ਰੱਖਣ ਵਾਲੇ ਦੇਸ਼-ਵਿਦੇਸ਼ ਅੰਦਰਲੇ ਬਹੁਤੇ ਪੰਜਾਬੀਆਂ ਦੀ ਦਿਲੀ-ਹੂਕ ਹੈ ਕਿ ਰਾਜਨੀਤਕੋ! ਰੱਬ ਦਾ ਵਾਸਤਾ ਜੇ, ਪੰਜਾਬ ਨੂੰ ਗੁਰੂਆਂ ਦੇ ਨਾਮ ’ਤੇ ਜੀਊਣ ਦਿਓ, ਕਿਉਂਕਿ ਇਸ ਤਰ੍ਹਾਂ ਇਹ “ਭਗਤਾਂ ਕੀ ਚਾਲ ਨਿਰਾਲੀ” ਦੇ ਗੁਰਵਾਕ ਮੁਤਾਬਕ ਬਾਕੀ ਸੂਬਿਆਂ ਤੋਂ ਨਵਾਂ, ਨਿਵੇਕਲਾ, ਰੰਗਲਾ ਤੇ ਸੁਨਹਿਰਾ ਅਪਣੇ-ਆਪ ਹੀ ਬਣ ਜਾਵੇਗਾ। 
ਉਕਤ ਵਿਚਾਰ ਹਨ ਆਨਰੇਰੀ ਅੰਤਰਰਾਸ਼ਟਰੀ ਸਿੱਖ ਪ੍ਰਚਾਰਕ ਗਿਆਨੀ ਜਗਤਾਰ ਸਿੰਘ ਜਾਚਕ ਦੇ, ਜੋ ਉਨ੍ਹਾਂ ਅਦਾਰਾ ‘ਰੋਜ਼ਾਨਾ ਸਪੋਕਸਮੈਨ’ ਦੇ ਪੱਤਰਕਾਰ ਨਾਲ ਗੱਲਬਾਤ ਕਰਦਿਆਂ ਪ੍ਰਗਟਾਏ ਕਿ ‘ਪੰਜਾਬ ਜਿਊਂਦਾ ਗੁਰਾਂ ਦੇ ਨਾਮ ’ਤੇ’ ਪੰਜਾਬੀ ਦਾ ਪ੍ਰਸਿੱਧ ਕਾਵਿਕ ਕਥਨ ਹੈ ਰੂਹਾਨੀ ਅਨੁਭਵ ਦੇ ਮਾਲਕ ਪ੍ਰੋ. ਪੂਰਨ ਸਿੰਘ (1881-1931) ਜੀ ਦਾ, ਜਿਸ ਦਾ ਭਾਵਾਰਥ ਹੈ ਕਿ ਪੰਜਾਬੀਆਂ ਦੇ ਜੀਵਨ ਦਾ ਆਧਾਰ ਗੁਰੂ ਨਾਨਕ-ਵਿਚਾਰਧਾਰਾ ਹੈ। ਇਸ ਦਾ ਸਰਬਸਾਂਝਾ ਤੇ ਮਨੁੱਖੀ ਸਮਾਨਤਾ ਵਾਲਾ ਪ੍ਰਤੱਖ ਸਰੂਪ ਹੈ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਸੰਪਾਦਨ-ਕਲਾ, ਜਿਸ ਦੇ ਬਾਣੀਕਾਰਾਂ ’ਚ ਛੇ ਗੁਰੂ ਸਾਹਿਬਾਨ ਤੋਂ ਇਲਾਵਾ ਇਸਲਾਮੀ ਪਿਛੋਕੜ ਦੇ ਭਗਤ ਬਾਬਾ ਫ਼ਰੀਦ ਤੇ ਸਧਨਾ ਜੀ ਅਤੇ ਬ੍ਰਾਹਮਣੀ ਪਿਛੋਕੜ ਦੇ ਭਗਤ ਰਾਮਾਨੰਦ ਤੇ ਤਿ੍ਰਲੋਚਨ ਜੀ ਸਮੇਤ ਬਿਪਰਵਾਦ ਦੇ ਪਛਾੜੇ ਤੇ ਲਿਤਾੜੇ ਵਰਗਾਂ ’ਚੋਂ ਭਗਤ ਕਬੀਰ, ਭਗਤ ਰਵੀਦਾਸ, ਭਗਤ ਨਾਮਦੇਵ ਜੀ ਤੇ ਭਗਤ ਧੰਨਾ ਜੀ ਵਰਗੇ ਕੁਲ 15 ਭਗਤਾਂ, 11 ਭੱਟਾਂ ਅਤੇ ਸੇਵਕ ਸਿੱਖ ਬਾਬਾ ਸੁੰਦਰ ਜੀ ਸਣੇ ਭਾਈ ਮਰਦਾਨਾ ਵੰਸ਼ੀ ਭਾਈ ਸੱਤਾ ਤੇ ਬਲਵੰਡ ਜੀ ਵੀ ਸ਼ਾਮਲ ਹਨ। ਸਦਾ ਯਾਦ ਰੱਖੋ, ਸਰਬ ਵਿਆਪਕ ਰੱਬੀ-ਜੋਤ ਦੀ ਇਕਾਈ ’ਚ ਵਿਸ਼ਵਾਸ਼ ਰਖਣ ਤੇ ਸਰਬੱਤ ਦਾ ਭਲਾ ਮੰਗਣ ਵਾਲੀ ਸਿੱਖੀ, ਰੱਬੀ ਨਾਂ ਦੇ ਸਹਾਰੇ ਸਮੁੱਚੀ ਮਨੁੱਖਤਾ ਦੀ ਚੜ੍ਹਦੀਕਲਾ ਚਾਹੁੰਦੀ ਹੈ, ਨਾ ਕਿ ਕੇਵਲ ਪੰਜਾਬ ਦੀ। ਇਹੀ ਹੈ ਇਸ ਵਿਚਾਰਧਾਰਾ ਦਾ ਵਿਸ਼ੇਸ਼ ਨਿਰਾਲਾਪਨ, ਜਿਹੜਾ ਕਿਰਤ ਕਰੋ-ਨਾਮ ਜਪੋ ਤੇ ਵੰਡ ਕੇ ਛਕੋ ਦਾ ਸੁਨੇਹਾ ਦਿੰਦਾ ਪੰਜਾਬੀਆਂ ਨੂੰ ਨਵਾਂ, ਨਿਵੇਕਲਾ ਤੇ ਸੁਨਹਿਰਾ ਰੂਪ ਬਖ਼ਸ਼ਦਾ ਹੈ।
ਫੋਟੋ :- ਕੇ.ਕੇ.ਪੀ.-ਗੁਰਿੰਦਰ-20-2ਬੀ

ਏਜੰਸੀ

Advertisement

 

Advertisement

Health Minister Vijay Singla Arrested in Corruption Case

24 May 2022 6:44 PM
ਸਿਹਤ ਮੰਤਰੀ ਵਿਜੇ ਸਿੰਗਲਾ ਦੀ AAP ਸਰਕਾਰ ਨੇ ਕੀਤੀ ਛੁੱਟੀ, ਪੰਜਾਬ ਸਰਕਾਰ 1 ਰੁਪਏ ਦੀ ਹੇਰਾ ਫੇਰੀ ਵੀ ਬਰਦਾਸ਼ਤ ਨਹੀਂ ਕਰੇਗੀ

ਸਿਹਤ ਮੰਤਰੀ ਵਿਜੇ ਸਿੰਗਲਾ ਦੀ AAP ਸਰਕਾਰ ਨੇ ਕੀਤੀ ਛੁੱਟੀ, ਪੰਜਾਬ ਸਰਕਾਰ 1 ਰੁਪਏ ਦੀ ਹੇਰਾ ਫੇਰੀ ਵੀ ਬਰਦਾਸ਼ਤ ਨਹੀਂ ਕਰੇਗੀ

ਪੰਚਾਇਤੀ ਜ਼ਮੀਨਾਂ 'ਤੇ ਕਾਰਵਾਈ ਤੋਂ 15 ਦਿਨ ਪਹਿਲਾਂ ਨੋਟਿਸ ਭੇਜੇਗੀ ਪੰਜਾਬ ਸਰਕਾਰ - ਮੰਤਰੀ ਕੁਲਦੀਪ ਧਾਲੀਵਾਲ

ਪੰਚਾਇਤੀ ਜ਼ਮੀਨਾਂ 'ਤੇ ਕਾਰਵਾਈ ਤੋਂ 15 ਦਿਨ ਪਹਿਲਾਂ ਨੋਟਿਸ ਭੇਜੇਗੀ ਪੰਜਾਬ ਸਰਕਾਰ - ਮੰਤਰੀ ਕੁਲਦੀਪ ਧਾਲੀਵਾਲ

ਟਿੱਬਿਆਂ ਤੇ ਜੰਗਲਾਂ ਨੂੰ ਸਾਫ਼ ਕਰ ਕੇ ਉਪਜਾਊ ਬਣਾਈਆਂ ਜ਼ਮੀਨਾਂ ਨੂੰ ਕਿਸਾਨਾਂ ਤੋਂ ਛੁਡਵਾਉਣਾ ਬਿਲਕੁਲ ਗ਼ਲਤ - ਜਗਜੀਤ ਡੱਲੇਵਾਲ

ਟਿੱਬਿਆਂ ਤੇ ਜੰਗਲਾਂ ਨੂੰ ਸਾਫ਼ ਕਰ ਕੇ ਉਪਜਾਊ ਬਣਾਈਆਂ ਜ਼ਮੀਨਾਂ ਨੂੰ ਕਿਸਾਨਾਂ ਤੋਂ ਛੁਡਵਾਉਣਾ ਬਿਲਕੁਲ ਗ਼ਲਤ - ਜਗਜੀਤ ਡੱਲੇਵਾਲ

Advertisement