image
ਪੰਜਾਬ ਦੇ ਕਾਂਗਰਸੀ ਉਮੀਦਵਾਰਾਂ ਦੀ ਦੂਜੀ ਸੂਚੀ ਭਲਕੇ ਆਵੇਗੀ
ਸੋਨੀਆ ਗਾਂਧੀ ਨੇ ਕੇਂਦਰੀ ਚੋਣ ਕਮੇਟੀ ਦੀ ਸਨਿਚਰਵਾਰ ਨੂੰ ਮੀਟਿੰਗ ਸੱਦੀ
ਚੰਡੀਗੜ੍ਹ, 20 ਜਨਵਰੀ (ਭੁੱਲਰ) : ਪੰਜਾਬ ਦੇ ਕਾਂਗਰਸੀ ਉਮੀਦਵਾਰਾਂ ਦੀ ਦੂਜੀ ਸੂਚੀ ਉਪਰ ਸਕਰੀਨਿੰਗ ਕਮੇਟੀ ਵਲੋਂ ਮੰਥਨ ਜਾਰੀ ਹੈ | ਪਹਿਲਾਂ ਐਲਾਨੀਆਂ 86 ਸੀਟਾਂ 'ਚੋਂ ਕੁੱਝ ਉਪਰ ਹੋਈ ਬਗਾਵਤ ਦੀ ਸਥਿਤੀ 'ਤੇ ਵੀ ਚਰਚਾ ਕਰ ਕੇ ਕੋਈ ਹੱਲ ਲੱਭਣ ਦੇ ਯਤਨ ਹੋ ਰਹੇ ਹਨ |
ਇਕ-ਦੋ ਸੀਟਾਂ 'ਤੇ ਕੁੱਝ ਤਬਦੀਲੀ ਵੀ ਸੰਭਵ ਹੈ | ਦੂਜੀ ਸੂਚੀ 'ਚ 20 ਦੇ ਕਰੀਬ ਉਮੀਦਵਾਰ ਐਲਾਨੇ ਜਾ ਸਕਦੇ ਹਨ | ਪਾਰਟੀ ਪ੍ਰਧਾਨ ਸੋਨੀਆ ਗਾਂਧੀ ਨੇ ਨਾਵਾਂ ਨੂੰ ਪ੍ਰਵਾਨਗੀ ਦੇਣ ਲਈ 22 ਜਨਵਰੀ ਸਨਿਚਰਵਾਰ ਨੂੰ ਮੀਟਿੰਗ ਸੱਦੀ ਹੈ | ਇਸੇ ਦਿਨ ਸ਼ਾਮ ਤਕ ਅਗਲੀ ਸੂਚੀ ਜਾ ਹੋ ਜਾਵੇਗੀ | 10 ਕੁ ਸੀਟਾਂ ਦਾ ਫ਼ੈਸਲਾ ਅੰਤ 'ਚ ਕੀਤਾ ਜਾਵੇਗਾ, ਜਿਨ੍ਹਾਂ ਨੂੰ ਲੈ ਕੇ ਪੁਰੀ ਸਹਿਮਤੀ ਨਹੀਂ ਬਣ ਰਹੀ | ਦੋ-ਤਿੰਨ ਹੋਰ ਮੌਜੂਦਾ ਵਿਧਾਇਕਾਂ ਦੀ ਟਿਕਟ ਕੱਟੀ ਜਾ ਸਕਦੀ ਹੈ ਜਦ ਕਿ ਪਹਿਲੀ ਸੂਚੀ 'ਚ 4 ਮੈਂਬਰਾਂ ਦੀ ਟਿਕਟ ਕੱਟੀ ਗਈ ਸੀ |
