ਪੁਲਿਸ ਨੇ ਬਾਕੀ ਮੁਲਜ਼ਮਾਂ ਦੀ ਵੀ ਭਾਲ ਕੀਤੀ ਸ਼ੁਰੂ

ਅੰਮ੍ਰਿਤਸਰ: ਅੰਮ੍ਰਿਤਸਰ 'ਚ ਇਕ ਸੁਨਿਆਰੇ ਦੀ ਦੁਕਾਨ 'ਤੇ 15 ਲੱਖ ਦੇ ਸੋਨੇ ਦੀ ਲੁੱਟ ਦਾ ਮਾਮਲਾ ਪੁਲਿਸ ਨੇ 24 ਘੰਟਿਆਂ 'ਚ ਸੁਲਝਾ ਲਿਆ ਹੈ। ਵਾਰਦਾਤ ਨੂੰ ਅੰਜਾਮ ਦੇਣ ਵਾਲੇ ਲੁਟੇਰੇ ਨੂੰ ਪੁਲਿਸ ਨੇ ਕਾਬੂ ਕਰ ਲਿਆ। ਫੜਿਆ ਗਿਆ ਲੁਟੇਰਾ ਕੋਈ ਹੋਰ ਨਹੀਂ ਸਗੋਂ ਸੁਨਿਆਰੇ ਦਾ ਗੁਆਂਢੀ ਹੈ। ਫੜੇ ਗਏ ਮੁਲਜ਼ਮ ਦੀ ਪਛਾਣ ਸੁਜਲ ਬੱਬਰ ਵਾਸੀ ਚੌਕ ਮਾਨਾ ਸਿੰਘ ਵਜੋਂ ਹੋਈ ਹੈ।

 ਪੜ੍ਹੋ ਇਹ ਵੀ -ਬੀਕਾਨੇਰ ਦੇ ਤਿੰਨ ਲੋਕਾਂ ਕਤਲ ਮਾਮਲੇ 'ਚ 19 ਲੋਕਾਂ ਨੂੰ ਉਮਰ ਕੈਦ, 14 ਸਾਲ ਬਾਅਦ ਆਇਆ ਫੈਸਲਾ

ਪੁਲਿਸ ਨੇ ਦੱਸਿਆ ਕਿ ਗ੍ਰਿਫ਼ਤਾਰ ਸੁਜਲ ਸੁਨਿਆਰੇ ਦਾ ਗੁਆਂਢੀ ਹੈ। ਮੁਲਜ਼ਮ ਨੇ ਉਸ ਤੋਂ ਕੰਮ ਸਿੱਖਿਆ ਸੀ ਪਰ ਉਸਦੇ ਇਰਾਦੇ ਵਿਗੜ ਗਏ ਅਤੇ ਉਸਨੇ ਆਪਣੇ ਦੋ ਸਾਥੀਆਂ ਨੂੰ ਲੁੱਟ ਦੀ ਵਾਰਦਾਤ ਨੂੰ ਅੰਜਾਮ ਦੇਣ ਲਈ ਭੇਜਿਆ। ਇੰਨਾ ਹੀ ਨਹੀਂ ਗ੍ਰਿਫਤਾਰ ਮੁਲਜ਼ਮਾਂ ਨੇ ਲੁੱਟ ਤੋਂ ਪਹਿਲਾਂ ਇੱਕ ਖਿਡੌਣਾ ਪਿਸਤੌਲ ਵੀ ਖਰੀਦਿਆ ਸੀ। ਜਲਦੀ ਹੀ ਬਾਕੀ ਦੋ ਦੋਸ਼ੀਆਂ ਨੂੰ ਵੀ ਗ੍ਰਿਫਤਾਰ ਕਰ ਲਿਆ ਜਾਵੇਗਾ।

 ਪੜ੍ਹੋ ਇਹ ਵੀ-ਪਾਣੀਪਤ 'ਚ ਕੈਮੀਕਲ ਨਾਲ ਭਰੇ ਕੈਂਟਰ 'ਚ ਧਮਾਕਾ, 2 ਲੋਕਾਂ ਦੀ ਮੌਕੇ 'ਤੇ ਹੀ ਮੌਤ 

ਸੁਜਲ ਨੇ ਚੋਰੀ ਨੂੰ ਅੰਜਾਮ ਦੇਣ ਲਈ ਚੁਣੇ ਗਏ ਆਪਣੇ ਦੋ ਸਾਥੀਆਂ ਨੂੰ ਆਪਣਾ ਮੋਟਰਸਾਈਕਲ ਦਿੱਤਾ ਸੀ। ਜਦੋਂ ਪੁਲਿਸ ਸੀਸੀਟੀਵੀ ਦੀ ਮਦਦ ਨਾਲ ਲੁਟੇਰਿਆਂ ਦਾ ਪਤਾ ਲਗਾ ਰਹੀ ਸੀ ਤਾਂ ਉਨ੍ਹਾਂ ਨੇ ਮੋਟਰਸਾਈਕਲ ਨੂੰ ਦੇਖਿਆ। ਜਦੋਂ ਮੋਟਰਸਾਈਕਲ ਦੇ ਵੇਰਵਿਆਂ ਦੀ ਜਾਂਚ ਕੀਤੀ ਗਈ ਤਾਂ ਸੁਜਲ ਦਾ ਨਾਂ ਸਾਹਮਣੇ ਆਇਆ।

ਇਸ ਘਟਨਾ 'ਚ ਕਰੀਬ 300 ਗ੍ਰਾਮ ਸੋਨਾ ਲੁੱਟਿਆ ਗਿਆ। ਜਿਸ ਵਿੱਚੋਂ ਪੁਲਿਸ ਨੇ ਸੁਜਲ ਕੋਲੋਂ 123 ਗ੍ਰਾਮ ਸੋਨਾ ਬਰਾਮਦ ਕੀਤਾ ਹੈ। ਬਾਕੀ ਸੋਨਾ ਦੋਵਾਂ ਲੁਟੇਰਿਆਂ ਕੋਲ ਹੈ। ਜਿਸ ਨੂੰ ਫੜ ਕੇ ਪੁਲਿਸ ਜਲਦੀ ਹੀ ਬਾਕੀ ਸੋਨਾ ਵੀ ਬਰਾਮਦ ਕਰ ਲਵੇਗੀ।