ਉਸ ਨੂੰ ਬਾਕਸਿੰਗ ਖੇਡਦਿਆਂ ਲਗਭਗ 15 ਸਾਲ ਬੀਤ...
ਸੰਗਰੂਰ: ਪੰਜਾਬ ਵਿਚ ਬਹੁਤ ਸਾਰੇ ਅਜਿਹੇ ਨੌਜਵਾਨ ਹਨ ਜੋ ਕਿ ਉੱਚ ਪੱਧਰੀ ਪੜ੍ਹਾਈ ਕਰ ਕੇ ਵੀ ਬੇਰੁਜ਼ਗਾਰ ਤੁਰੇ ਫਿਰਦੇ ਹਨ ਤੇ ਕੁੱਝ ਕੁ ਤਾਂ ਅਪਣਾ ਗੁਜ਼ਾਰਾ ਕਰਨ ਲਈ ਦਿਹਾੜੀ ਕਰਦੇ ਹਨ। ਅਜਿਹਾ ਹੀ ਇਕ ਖਿਡਾਰੀ ਮਨੋਜ ਕੁਮਾਰ ਜੋ ਕਿ ਬਾਕਸਿੰਗ ਦਾ ਖਿਡਾਰੀ ਹੈ।
Manoj Kumar
ਉਸ ਨੂੰ ਬਾਕਸਿੰਗ ਖੇਡਦਿਆਂ ਲਗਭਗ 15 ਸਾਲ ਬੀਤ ਚੁੱਕੇ ਹਨ। ਸਟੇਟ ਬਾਕਸਿੰਗ ਚੈਂਪੀਅਨਸ਼ਿਪ ਤੋਂ ਉਹ ਲਗਾਤਾਰ 15 ਵਾਰ ਚੈਂਪੀਅਨ ਰਹੇ ਹਨ, ਜੂਨੀਅਰਸ ਸੀਨੀਅਰ, ਤੇ ਯੂਥ ਮੈਡਲਿਸਟ ਹਨ। ਉਹਨਾਂ ਨੇ ਅਪਣੇ ਅਧਿਆਪਕਾਂ ਪਾਸੋਂ ਚੰਗੀ ਸਿਖਿਆ ਹਾਸਲ ਕੀਤੀ ਸੀ। ਯੂਨੀਅਰ, ਸੀਨੀਅਰ ਤੇ ਹੋਰ ਕਈ ਮੁਕਾਬਲਿਆਂ ਵਿਚ ਉਹਨਾਂ ਨੇ ਜਿੱਤ ਹਾਸਲ ਕੀਤੀ ਹੈ ਤੇ ਕਈ ਮੈਡਲ ਵੀ ਅਪਣੇ ਨਾਮ ਕਰ ਚੁੱਕੇ ਹਨ।
Manoj Kumar
2012 ਵਿਚ ਵੀ ਉਹਨਾਂ ਨੇ ਭਰਤੀ ਲਈ ਟ੍ਰਾਇਲ ਦਿੱਤਾ ਸੀ ਪਰ ਉਸ ਵਿਚ ਵੀ ਉਹਨਾਂ ਨੂੰ ਨੌਕਰੀ ਨਹੀਂ ਮਿਲੀ। 2014 ਵਿਚ ਉਹਨਾਂ ਨੇ CRPF ਦੀ ਭਰਤੀ ਲਈ ਟ੍ਰਾਇਲ ਦਿੱਤਾ ਸੀ ਉਥੇ ਉਹਨਾਂ ਦਾ ਮੈਡੀਕਲ ਤਾਂ ਕਲੀਅਰ ਹੋ ਗਿਆ ਸੀ ਉਹਨਾਂ ਨੂੰ ਹਾਈਟ ਵਿਚੋਂ ਕੱਢ ਦਿੱਤਾ ਗਿਆ।
Manoj Kumar
ਉਹਨਾਂ ਦਾ ਵਿਆਹ ਹੋ ਚੁੱਕਾ ਹੈ ਤੇ ਉਹ ਘਰ ਦੇ ਕੰਮਾਂ ਨਾਲ ਬਾਕਸਿੰਗ ਨੂੰ ਵੀ ਸਮਾਂ ਦਿੰਦੇ ਹਨ। ਉਹਨਾਂ ਨੇ ਸਰਕਾਰ ਤੋਂ ਇਹੀ ਮੰਗ ਕੀਤੀ ਹੈ ਕਿ ਉਹਨਾਂ ਨੂੰ ਕੋਈ ਨੌਕਰੀ ਜ਼ਰੂਰ ਦਿੱਤੀ ਜਾਵੇ। ਦਸ ਦਈਏ ਕਿ ਦੇਸ਼ 'ਚ ਬੇਰੁਜ਼ਗਾਰੀ ਭਿਆਨਕ ਰੂਪ ਧਾਰਨ ਕਰ ਚੁੱਕੀ ਹੈ। ਅੱਜ ਹਰ ਘਰ 'ਚ ਕੋਈ ਨਾ ਕੋਈ ਵਿਅਕਤੀ ਰੁਜ਼ਗਾਰ ਤੋਂ ਵਾਂਝਾ ਹੈ।
Manoj Kumar
ਵੱਧਦੀ ਆਬਾਦੀ ਕਾਰਨ ਦੇਸ਼ 'ਚ ਬੇਰੁਜ਼ਗਾਰੀ ਦੀ ਦਰ 'ਚ ਵੀ ਭਿਆਨਕ ਵਾਧਾ ਹੋਇਆ ਹੈ। ਵੱਧਦੀ ਬੇਰੁਜ਼ਗਾਰੀ ਦੇ ਨਤੀਜੇ ਬਹੁਤ ਹੀ ਭਿਆਨਕ ਨਿਕਲ ਰਹੇ ਹਨ। ਸਾਡੇ ਦੇਸ਼ ਵਿਚ ਕਿਸਾਨ ਹੀ ਨਹੀਂ ਬਲਕਿ ਬੇਰੁਜ਼ਗਾਰ ਵਰਗ ਵੀ ਖ਼ੁਦਕੁਸ਼ੀਆਂ ਕਰ ਰਿਹਾ ਹੈ। ਸੰਨ 2017-18 ਵਿਚ ਕਿਸਾਨਾਂ ਤੋਂ ਵੱਧ ਬੇਰੁਜ਼ਗਾਰਾਂ ਨੇ ਖ਼ੁਦਕੁਸ਼ੀਆਂ ਕੀਤੀਆਂ ਜਿਸ ਦਾ ਖ਼ੁਲਾਸਾ ਨੈਸ਼ਨਲ ਕ੍ਰਾਈਮ ਰਿਕਾਰਡ ਬਿਊਰੋ ਨੇ ਕੀਤਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
