ਪਾਕਿ ਨੂੰ ਖ਼ਤਰਨਾਕ ਮੁਲਕ ਦੱਸ ਕੇ ਹੁਣ ਮੁਕਰਿਆ ਅਮਰੀਕਾ

ਕਿਹਾ, ਪਾਕਿਸਤਾਨ 'ਤੇ ਪੂਰਨ ਭਰੋਸਾ

ਵਾਸ਼ਿੰਗਟਨ, 20 ਅਕਤੂਬਰ : ਪਾਕਿਸਤਾਨ 'ਚ ਚੱਲ ਰਹੀ ਸਿਆਸੀ ਉਥਲ-ਪੁਥਲ ਦਰਮਿਆਨ ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਈਡੇਨ ਦੇ ਬਿਆਨ ਨੇ ਅੱਗ 'ਤੇ ਤੇਲ ਪਾਉਣ ਦਾ ਕੰਮ ਕੀਤਾ ਹੈ | ਬਾਈਡੇਨ ਵਲੋਂ ਪਾਕਿਸਤਾਨ ਨੂੰ  ਪਰਮਾਣੂ ਯੁਕਤ ਸੱਭ ਤੋਂ ਖ਼ਤਰਨਾਕ ਦੇਸ਼ ਦੱਸਣ ਤੋਂ ਬਾਅਦ ਪਾਕਿਸਤਾਨ ਦੇ ਨੇਤਾ, ਅਦਾਕਾਰਾਂ ਤੋਂ ਲੈ ਕੇ ਪੱਤਰਕਾਰਾਂ ਅਤੇ ਡਿਪਲੋਮੈਟਾਂ ਤਕ, ਅਮਰੀਕਾ ਵਿਰੁਧ ਅੱਗ ਉਗਲ ਰਹੇ ਹਨ |
ਪਾਕਿਸਤਾਨੀ ਸਰਕਾਰ ਨੇ ਅਮਰੀਕੀ ਰਾਜਦੂਤ ਨੂੰ  ਤਲਬ ਕਰ ਕੇ ਅਪਣਾ ਇਤਰਾਜ਼ ਉਠਾਇਆ ਅਤੇ ਰਾਸ਼ਟਰਪਤੀ ਜੋਅ ਬਾਈਡੇਨ ਨੂੰ  ਅਪਣੇ ਬਿਆਨ 'ਤੇ ਸਪੱਸ਼ਟੀਕਰਨ ਦੇਣ ਲਈ ਕਿਹਾ | ਇਸ ਦਬਾਅ ਤੋਂ ਬਾਅਦ ਅਮਰੀਕਾ ਦੀ ਸਥਿਤੀ ਉਲਟਦੀ ਨਜ਼ਰ ਆ ਰਹੀ ਹੈ | ਅਮਰੀਕੀ ਵਿਦੇਸ਼ ਵਿਭਾਗ ਦੇ ਬੁਲਾਰੇ ਵੇਦਾਂਤਾ ਪਟੇਲ ਨੇ ਇਕ ਬਿਆਨ ਜਾਰੀ ਕਰ ਕੇ ਇਸ ਮਾਮਲੇ ਦੀ ਜਾਣਕਾਰੀ ਦਿਤੀ ਹੈ | ਉਨ੍ਹਾਂ ਕਿਹਾ, 'ਅਮਰੀਕਾ ਨੂੰ  ਅਪਣੇ ਪਰਮਾਣੂ ਹਥਿਆਰਾਂ ਨੂੰ  ਸੁਰੱਖਿਅਤ ਕਰਨ ਦੀ ਪਾਕਿਸਤਾਨ ਦੀ ਵਚਨਬੱਧਤਾ ਅਤੇ ਸਮਰਥਾ 'ਤੇ ਭਰੋਸਾ ਹੈ |'
ਬਾਈਡੇਨ ਪ੍ਰਸ਼ਾਸਨ ਨੇ ਕਿਹਾ ਹੈ ਕਿ ਅਮਰੀਕਾ ਸਾਰੇ ਖੇਤਰੀ ਅਤੇ ਗਲੋਬਲ ਅਤਿਵਾਦੀ ਖ਼ਤਰਿਆਂ ਨੂੰ  ਖ਼ਤਮ ਕਰਨ ਲਈ ਪਾਕਿਸਤਾਨ ਦੇ ਸਹਿਯੋਗ ਦੀ ਉਮੀਦ ਕਰਦਾ ਹੈ | ਅਮਰੀਕਾ ਨੇ ਹਮੇਸ਼ਾ ਸੁਰੱਖਿਅਤ ਅਤੇ ਖ਼ੁਸ਼ਹਾਲ ਪਾਕਿਸਤਾਨ ਨੂੰ  ਅਮਰੀਕੀ ਹਿੱਤਾਂ ਲਈ ਮਹੱਤਵਪੂਰਨ ਮੰਨਿਆ ਹੈ | ਅਮਰੀਕਾ ਪਾਕਿਸਤਾਨ ਨਾਲ ਅਪਣੇ ਲੰਬੇ ਸਮੇਂ ਤੋਂ ਚੱਲ ਰਹੇ ਸਹਿਯੋਗ ਨੂੰ  ਵੀ ਮਹੱਤਵ ਦਿੰਦਾ ਹੈ | ਵਿਦੇਸ਼ ਮੰਤਰਾਲੇ ਦੇ ਉਪ ਬੁਲਾਰੇ ਵੇਦਾਂਤ ਪਟੇਲ ਨੇ ਇਥੇ ਪੱਤਰਕਾਰਾਂ ਨੂੰ  ਕਿਹਾ, Tਪਾਕਿਸਤਾਨ ਵਰਗੇ ਕੱੁਝ ਦੇਸ਼ਾਂ ਨੇ ਅਤਿਵਾਦ ਦਾ ਸਾਹਮਣਾ ਕੀਤਾ ਹੈ ਅਤੇ ਉਹ ਟੀਟੀਪੀ (ਤਹਿਰੀਕ-ਏ-ਤਾਲਿਬਾਨ ਪਾਕਿਸਤਾਨ) ਵਰਗੇ ਖੇਤਰੀ ਅਸਥਿਰਤਾ ਅਤੇ ਖੇਤਰੀ ਸੁਰੱਖਿਆ ਲਈ ਖ਼ਤਰਿਆਂ ਦਾ ਮੁਕਾਬਲਾ ਕਰਨ ਵਿਚ ਸਾਂਝੀ ਦਿਲਚਸਪੀ ਚਾਹੁੰਦੇ ਹਾਂ |''
ਉਨ੍ਹਾਂ ਕਿਹਾ, 'ਅਸੀਂ ਪਾਕਿਸਤਾਨ ਨਾਲ ਅਤਿਵਾਦ ਵਿਰੁਧ ਮਜ਼ਬੂਤ ਸਾਂਝੇਦਾਰੀ ਚਾਹੁੰਦੇ ਹਾਂ |
 ਸਾਰੇ ਅਤਿਵਾਦੀਆਂ ਅਤੇ ਅਤਿਵਾਦੀ ਸਮੂਹਾਂ ਵਿਰੁਧ ਲਗਾਤਾਰ ਕਾਰਵਾਈ ਦੀ ਉਮੀਦ ਰਖਦੇ ਹਾਂ | ਅਸੀਂ ਸਾਰੇ ਖੇਤਰੀ ਅਤੇ ਗਲੋਬਲ ਅਤਿਵਾਦੀ ਖ਼ਤਰਿਆਂ ਨੂੰ  ਖ਼ਤਮ ਕਰਨ ਲਈ ਸਹਿਯੋਗ ਦੀ ਉਮੀਦ ਰਖਦੇ ਹਾਂ |U ਪਟੇਲ ਨੇ ਪਾਕਿਸਤਾਨ ਵਿਚ ਅਮਰੀਕੀ ਰਾਜਦੂਤ ਨੂੰ  ਤਲਬ ਕੀਤੇ ਜਾਣ ਬਾਰੇ ਸਵਾਲਾਂ ਦਾ ਜਵਾਬ ਦੇਣ ਤੋਂ ਗੁਰੇਜ਼ ਕੀਤਾ | (ਏਜੰਸੀ)