ਬਿਟਕੁਆਇਨ 23,000 ਤੋਂ ਡਿਗਿਆ, ਪਿਛਲੇ 24 ਘੰਟਿਆਂ ’ਚ ਐਥਰੀਅਮ ਵੀ ਆਇਆ ਹੇਠਾਂ

ਨਵੀਂ ਦਿੱਲੀ, 21 ਜੁਲਾਈ : ਪਿਛਲੇ 8 ਮਹੀਨਿਆਂ ਤੋਂ ਕ੍ਰਿਪਟੋਕਰੰਸੀ ਦੀ ਕੀਮਤ ਵਿਚ ਰਿਕਾਰਡ ਗਿਰਾਵਟ ਆਈ ਹੈ। ਫ਼ਿਲਹਾਲ, ਕ੍ਰਿਪਟੋਕਰੰਸੀ ਵਿਚ ਅਸਥਿਰਤਾ ਜਾਰੀ ਹੈ। ਬਿਟਕੁਆਇਨ ਮਾਰਕੀਟ ਪੂੰਜੀਕਰਣ ਦੁਆਰਾ ਸੱਭ ਤੋਂ ਵੱਡੀ ਕ੍ਰਿਪਟੋਕੁਰੰਸੀ ਵਿਚ ਪਿਛਲੇ 24 ਘੰਟਿਆਂ ਵਿਚ ਮਾਮੂਲੀ ਗਿਰਾਵਟ ਦੇਖੀ ਗਈ ਹੈ। 
ਇਸ ਦੇ ਨਾਲ ਹੀ, ਦੂਜੀ ਸੱਭ ਤੋਂ ਵੱਡੀ ਕ੍ਰਿਪਟੋਕਰੰਸੀ ਐਥਰੀਅਮ ਵਿਚ ਵੀ ਪਿਛਲੇ 24 ਘੰਟਿਆਂ ਵਿਚ ਗਿਰਾਵਟ ਦੇਖੀ ਗਈ ਹੈ। ਜ਼ਿਕਰਯੋਗ ਹੈ ਕਿ ਪਿਛਲੇ 8 ਦਿਨਾਂ ’ਚ ਐਥਰੀਅਮ ’ਚ ਕਾਫੀ ਤੇਜ਼ੀ ਸੀ ਪਰ ਹੁਣ ਪਿਛਲੇ ਇਕ ਦਿਨ ਤੋਂ ਇਸ ’ਚ ਗਿਰਾਵਟ ਦਰਜ ਕੀਤੀ ਜਾ ਰਹੀ ਹੈ। 
ਸੱਭ ਤੋਂ ਵੱਡੇ ਕ੍ਰਿਪਟੋਕੁਰੰਸੀ ਬਿਟਕੁਆਇਨ ਦੀ ਗੱਲ ਕਰੀਏ ਤਾਂ ਇਸ ਵਿਚ ਪਿਛਲੇ 24 ਘੰਟਿਆਂ ਵਿਚ 2.5 ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ। 
ਇਸ ਦੇ ਨਾਲ ਹੀ ਜੇਕਰ ਪਿਛਲੇ 7 ਦਿਨਾਂ ਦੀ ਗੱਲ ਕਰੀਏ ਤਾਂ ਇਸ ’ਚ 13.5 ਫ਼ੀ ਸਦੀ ਦਾ ਵਾਧਾ ਦੇਖਣ ਨੂੰ ਮਿਲਿਆ ਹੈ। ਇਸ ਨਾਲ ਬਿਟਕੁਆਇਨ ਦੀ ਕੀਮਤ 23,418 ਡਾਲਰ ਤੋਂ ਡਿੱਗ ਕੇ 22,956 ਡਾਲਰ ’ਤੇ ਆ ਗਈ। ਦੂਜੀ ਸੱਭ ਤੋਂ ਵੱਡੀ ਕ੍ਰਿਪਟੋਕਰੰਸੀ ਐਥਰੀਅਮ ’ਚ ਪਿਛਲੇ 7 ਦਿਨਾਂ ’ਚ 35 ਫ਼ੀ ਸਦੀ ਦਾ ਵਾਧਾ ਹੋਇਆ ਹੈ। ਇਸ ਦੇ ਨਾਲ ਹੀ ਪਿਛਲੇ 24 ਘੰਟਿਆਂ ’ਚ 2.7 ਫ਼ੀ ਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਹਾਲਾਂਕਿ ਖ਼ਬਰ ਲਿਖਣ ਦੇ ਸਮੇਂ ਇਸ ਵਿਚ 1,509.83 ਡਾਲਰ ’ਤੇ ਐਥਰੀਅਮ ਦੀ ਕੀਮਤ ਦੇ ਨਾਲ, 1-6 ਫ਼ੀ ਸਦੀ ਦੀ ਛਾਲ ਦੇਖਣ ਨੂੰ ਮਿਲੀ।
ਈਥਰ ਕ੍ਰਿਪਟੋਕਰੰਸੀ ’ਚ ਪਿਛਲੇ 7 ਦਿਨਾਂ ’ਚ 0.1 ਫ਼ੀ ਸਦੀ ਦੀ ਗਿਰਾਵਟ ਦੇਖਣ ਨੂੰ ਮਿਲੀ ਹੈ। ਇਸ ਦੇ ਨਾਲ ਹੀ ਜੇਕਰ ਅਸੀਂ ਪਿਛਲੇ 24 ਘੰਟਿਆਂ ਦੀ ਗੱਲ ਕਰੀਏ ਤਾਂ ਇਸ ਦੀ ਕੀਮਤ ਸਥਿਰ ਹੈ। ਪਿਛਲੇ 24 ਘੰਟਿਆਂ ਵਿੱਚ, ਇਸ ਦੀ ਕੀਮਤ ਵਿਚ ਕੋਈ ਗਿਰਾਵਟ ਜਾਂ ਵਾਧਾ ਨਹੀਂ ਹੋਇਆ ਹੈ।  (ਏਜੰਸੀ)