ਅਪਣੀ ਪਾਰਕ ਵਿਚ ਵੱਖ-ਵੱਖ ਸਖ਼ਸ਼ੀਅਤਾਂ ਦੇ ਬਣਾਏ ਬੂਤ
to
ਮੋਗਾ, 22 ਅਗੱਸਤ (ਅਮਜਦ ਖ਼ਾਨ): ਅੱਜ ਤੁਹਾਨੂੰ ਮੋਗੇ ਦੇ ਪਿੰਡ ਘੱਲ ਕਲਾ ਵਿਖੇ ਇਕ ਅਜਿਹੇ ਬੁੱਤ ਬਣਾਉਣ ਵਾਲੇ ਕਲਾ ਦੇ ਪ੍ਰੇਮੀ ਨੂੰ ਮਿਲਾਉਂਦੇ ਹਾਂ ਜੋਂ ਅਪਣੀ ਸਰਕਾਰੀ ਨੌਕਰੀ ਨੂੰ ਇਸ ਕਲਾ ਮੁਕਾਬਲੇ 'ਚ ਤਿਆਗ਼ ਕੇ ਅਪਣੇ ਛੋਟੇ ਭਰਾ ਨਾਲ ਮਿਲ ਕੇ ਨਾ ਕੇਵਲ ਅਪਣੀ ਪੰਜਾਬੀਅਤ ਦੇ ਹੀਰੇਆ ਨੂੰ ਸੰਭਾਲਣ ਦੀ ਕੋਸ਼ਿਸ਼ ਕਰ ਰਹੇ ਹਨ ਬਲਕਿ ਦੁਨੀਆ ਭਰ ਦੀਆਂ ਮਹਾਨ ਸਖ਼ਸ਼ੀਅਤਾਂ ਨੂੰ ਅਪਣੇ ਪਾਰਕ ਵਿਚ ਉਨ੍ਹਾਂ ਦੀਆਂ ਮੂਰਤੀਆਂ ਇਸ ਕਦਰ ਬਣਾਉਦੇ ਨੇ ਕੇ ਦੇਖਣ ਵਾਲਾ ਹੈਰਾਨ ਰਹਿ ਜਾਂਦਾ ਹੈ ਕੇ ਉਹ ਜਿਸ ਨੂੰ ਦੇਖ ਰਿਹਾ ਹੈ ਉਹ ਮੂਰਤੀ ਹੈ ਜਾ ਅਸਲੀ।
ਪਿੰਡ ਘੱਲਕਲਾਂ ਵਾਸੀ ਮਨਜੀਤ ਸਿੰਘ ਗਿੱਲ ਨੇ ਵਿਸ਼ੇਸ਼ ਤੌਰ 'ਤੇ 'ਰੋਜ਼ਾਨਾ ਸਪੋਕਸਮੈਨ' ਨਾਲ ਗੱਲਬਾਤ ਕਰਦਿਆਂ ਦਸਿਆ ਕਿ ਉਹ ਸਾਢੇ ਤਿੰਨ ਸਾਲਾਂ ਦੇ ਸਨ ਉਦੋਂ ਤੋਂ ਹੀ ਉਹ ਮਿੱਟੀ ਦੇ ਖ਼ਿਡਾਉਣੇ ਬਣਾਉਣਾ ਪਸੰਦ ਕਰਦੇ ਸਨ ਜਿਵੇਂ-ਜਿਵੇਂ ਉਹ ਵੱਡੇ ਹੁੰਦੇ ਗਏ ਉਨ੍ਹਾਂ ਦਾ ਸ਼ੋਕ ਇਸ ਕਲਾ ਵਲ ਵਧਦਾ ਗਿਆ। ਅੱਜ ਉਨ੍ਹਾਂ ਦੇ ਪਾਰਕ ਵਿਚ ਭਾਰਤ ਦੇ ਮਿਜਾਇਲ ਮੈਨ ਮਹਰੂਮ ਏ.ਪੀ.ਜੇ.ਅਬਦੁਲ ਕਲਾਮ, ਡਾ. ਸਵਾਮੀ ਨਾਥਨ ਜਿਨ੍ਹਾਂ ਨੇ ਕਿਸਾਨਾਂ ਬਾਰੇ ਰਿਪੋਰਟ ਜਾਰੀ ਕਰਨ ਲਈ ਦਸਿਆ ਸੀ ਕਿ ਕਿਵੇਂ ਕਿਸਾਨੀ ਨੂੰ ਬਚਾਇਆ ਜਾ ਸਕਦਾ ਹੈ ਜਿਸ ਦਾ ਬਹੁਤ ਸਾਰੇ ਕਿਸਾਨ ਵੀਰਾਂ ਨੂੰ ਪਤਾ ਹੀ ਨਹੀਂ ਕਿ ਸਵਾਮੀ ਨਾਥਨ ਰਿਪੋਰਟ ਹੈ ਕੀ? ਪਾਕਿਸਤਾਨੀ ਸ਼ਾਇਰ ਤੇ ਲੇਖ਼ਕ ਬਾਬਾ ਨਜ਼ਮੀ, ਬਾਬਾ ਰਜਬ ਅਲੀ ਜੋ ਪੰਜਾਬ ਦੀ ਵੱਡੀ ਸ਼ਖ਼ਸ਼ੀਅਤ ਸਨ ਵੰਡ ਵੇਲੇ ਪਾਕਿਸਤਾਨ ਚਲੇ ਗਏ। ਉਹ ਮੋਗਾ ਜ਼ਿਲ੍ਹੇ ਦੇ ਪਿੰਡ ਸਾਹੋਕੇ ਦੇ ਸਨ ਅਤੇ ਅਕਸਰ ਹੀ ਆਜ਼ਾਦੀ ਤੋਂ ਬਾਅਦ ਵੀ ਇਥੇ ਆਉਂਦੇ ਸਨ ਤੋਂ ਇਲਾਵਾਂ ਗੋਆ ਦੀ ਆਜ਼ਾਦੀ ਮੌਕੇ ਸ਼ਹੀਦ ਹੋਏ ਸ. ਕਰਨੈਲ ਸਿੰਘ, ਸ. ਨਰਿੰਦਰ ਸਿੰਘ ਜੋ ਮੋਗੇ ਦੇ ਹੀ ਹਨ।
ਦੁਨੀਆਂ ਨੂੰ ਫ਼ਾਈਬਰ ਆਫ਼ ਕੇਬਲ ਦੀ ਖ਼ੋਜ ਕੀਤੀ ਅਤੇ ਇਸ ਨਾਲ ਜੋੜਿਆ ਅਤੇ ਹੁਣ ਉਹ ਅਮਰੀਕਾ ਰਹਿ ਰਹੇ ਹਨ। ਸ਼ਹੀਦ ਭਗਤ ਸਿੰਘ, ਸ਼ਹੀਦ ਸੁਖਦੇਵ ਸਿੰਘ, ਸ਼ਹੀਦ ਰਾਜਗੁਰੂ, ਸ਼ਹੀਦ ਕਰਤਾਰ ਸਿੰਘ ਸਰਾਭਾ, ਲਾਲਾ ਰਾਜਪਤ ਰਾਏ ਆਦਿ ਤੋਂ ਇਲਾਵਾਂ ਅਨੇਕਾਂ ਹੀ ਸ਼ਹੀਦਾਂ, ਦੇਸ਼ ਦਾ ਮਾਣ ਵਧਾਉਣ ਵਾਲੀਆਂ ਸ਼ਖ਼ਸ਼ੀਅਤਾ ਦੇ ਬੁੱਤ ਬਣਾਏ ਹਨ। 1986 ਵਿਚ ਕਰਾਈ ਏਅਰਪੋਰਟ 'ਤੇ ਅਗਵਾ ਕੀਤੇ ਗਏ ਭਾਰਤੀ ਜਹਾਜ਼ ਜਿਸ ਵਿਚ ਨੀਰਜ਼ਾ ਭਨੋਟ ਨਾਮਕ ਲੜਕੀ ਜੋ ਸਿਰਫ਼ 23 ਸਾਲ ਦੀ ਸੀ ਅਤੇ ਉਸ ਦਾ ਦੋ ਦਿਨ ਬਾਅਦ ਜਨਮ ਦਿਨ ਵੀ ਸੀ ਪਰ ਉਸ ਨੇ ਛੋਟੀ ਉਮਰੇ ਹੀ ਅਪਣੀ ਜਾਨ ਦੀ ਪਰਵਾਹ ਨਾ ਕਰਦਿਆ ਸਵਾਰੀਆਂ ਨੂੰ ਬਚਾਉਣ 'ਚ ਸ਼ਹੀਦ ਹੋ ਗਈ ਜਿਸ ਨੂੰ ਬਾਅਦ ਵਿਚ ਵੀਰ ਚੱਕਰ ਨਾਲ ਸਨਮਾਨਤ ਕੀਤਾ ਗਿਆ। ਸਾਡੇ ਵਲੋਂ ਨੀਰਜਾ ਦੇ ਬੁੱਤ ਬਣਾਉਣ ਦਾ ਜਦੋਂ ਉਸ ਦੇ ਘਰ ਵਾਲਿਆ ਨੂੰ ਪਤਾ ਲੱਗਾ ਤਾਂ ਉਹ ਇਥੇ ਆਏ ਤੇ ਬੁੱਤ ਦੇਖਣ ਤੋਂ ਬਾਅਦ ਉਨ੍ਹਾਂ ਦੇ ਚਹਿਰੇ ਦੇ ਅਜੀਬ ਖ਼ੁਸ਼ੀ ਦੇਖਣ ਨੂੰ ਮਿਲੀ।
ਮਨਜੀਤ ਗਿੱਲ ਤੇ ਉਸ ਦੇ ਭਰਾ ਨੇ ਮੱਝਾਂ, ਗਾਵਾਂ, ਬਲਦਾ ਦੀਆਂ ਜੋੜੀਆ, ਜਾਨਵਰਾਂ ਅਤੇ ਪੰਛੀਆ ਦੇ ਬੁੱਤ ਵੀ ਬਣਾਏ ਜੋ ਅਪਣੀ ਹਕੀਕੀ ਬਿਆਨ ਕਰਦੇ ਹਨ। ਮਨਜੀਤ ਸਿੰਘ ਨੇ ਦਸਿਆ ਕਿ ਉਹ ਆਉਣ ਵਾਲੇ ਸਮੇਂ 'ਚ ਇਸ ਪਾਰਕ ਨੂੰ ਹੋਰ ਵੱਡਾ ਕਰਨਗੇ ਅਤੇ 40 ਦੇ ਕਰੀਬ ਹੋਰ ਵੱਖ-ਵੱਖ ਬੁੱਤ ਤਿਆਰ ਕੀਤੇ ਹਨ ਜੋ ਇਸ ਪਾਰਕ ਦੀ ਸ਼ਾਨ ਵਧਾਉਣਗੇ। 18 ਫ਼ੁੱ
IMAGEਟ ਉੱਚੀ ਰੇਗੀਸਤਾਨ ਦਾ ਜਹਾਜ਼ ਅਖਵਾਉਣ ਵਾਲੇ ਮਿਲਖਾ ਸਿੰਘ ਦੀ ਮੂਰਤੀ ਦੇਖ ਕੇ ਇੰਝ ਜਾਪਦਾ ਹੈ ਕਿ ਮਿਲਖਾ ਸਿੰਘ ਸਾਡੇ ਵਿਚ ਹੀ ਮੌਜੂਦ ਹਨ। ਮਨਜੀਤ ਸਿੰਘ ਗਿੱਲ ਨੇ ਦਸਿਆ ਕਿ ਉਨ੍ਹਾਂ ਨੂੰ ਇਸ ਗੱਲ ਦੀ ਖ਼ੁਸ਼ੀ ਹੈ ਕਿ ਜਿੱਥੇ ਕਿੱਤੇ ਉਹ ਜਾਣ ਬਾਰੇ ਸੋਚਦੇ ਵੀ ਨਹੀਂ ਉਥੇ ਉਨ੍ਹਾਂ ਵਲੋਂ ਤਿਆਰ ਕਿੱਤੇ ਹੋਏ ਸਟੈਚੂ ਪਹੁੰਚ ਚੁੱਕੇ ਹਨ।
ਉਨ੍ਹਾਂ ਕਿਹਾ ਕਿ ਅਸੀਂ ਦੋਵੇਂ ਭਰਾ ਅਪਣੀ ਮਿੱਟੀ ਨਾਲ ਹੀ ਪਿਆਰ ਕਰਦੇ ਹਾਂ ਅਤੇ ਵਿਦੇਸ਼ 'ਚ ਜਾਣਾ ਪਸੰਦ ਨਹੀਂ ਕਰਾਂਗੇ। ਅਸੀ ਇਥੇ ਰਹੀ ਕੇ ਹੀ ਅਪਣੇ ਪਿੰਡ ਸ਼ਹਿਰ ਅਤੇ ਸੂਬੇ ਦਾ ਨਾਮ ਰੋਸ਼ਨ ਕਰਨ ਲਈ ਹਰ ਉਪਰਾਲਾ ਕਰਨ ਦੀ ਕੋਸ਼ਿਸ਼ ਕਰਾਂਗੇ।
ਤਸਵੀਰ ਨੰਬਰ : 21 ਮੋਗਾ 6
