Patiala News : ਪਟਿਆਲਾ ਦੀ ਤਾਨੀਆ 49 ਮੈਂਬਰੀ ਵਿਧਾਨ ਸਭਾ ’ਚ ਜਿੱਤਣ ਵਾਲੀ ਇਕਲੌਤੀ ਭਾਰਤੀ ਬਣੀ
Patiala News : ਪਟਿਆਲਾ ਦੇ ਪਿੰਡ ਕੌਰਜੀਵਾਲਾ ਦੀ ਨੂੰਹ ਤਾਨੀਆ ਸੋਢੀ ਨੇ ਕੈਨੇਡਾ ਦੇ ਬਰੋਂਜਵਿਕ ਸੂਬੇ ਦੀ ਮਨੱਕਟੋਨ ਨੌਰਥ ਵੈਸਟ ਵਿਧਾਨ ਸਭਾ ਸੀਟ ਤੋਂ ਕੈਨੇਡਾ ਦੇ ਸਾਬਕਾ ਵਿੱਤ ਮੰਤਰੀ ਏਰੀਨ ਸਟੀਵਸ ਕੰਜਰਵੇਟਿਵ ਪਾਰਟੀ ਨੂੰ ਵੱਡੇ ਅੰਤਰ ਨਾਲ ਹਰਾ ਕੇ ਜਿੱਤ ਪ੍ਰਾਪਤ ਕੀਤੀ ਹੈ।
ਲਿਬਰਲ ਪਾਰਟੀ ਵੱਲੋਂ ਚੋਣ ਲੜ ਰਹੀ ਤਾਨੀਆ ਸੋਢੀ ਨੇ ਲਗਭਗ 47 % ਤੇ ਵਿਰੋਧੀ ਉਮੀਦਵਾਰ ਨੂੰ 43% ਦੇ ਕਰੀਬ ਵੋਟਾਂ ਪਈਆਂ। 49 ਮੈਂਬਰੀ ਵਿਧਾਨ ਸਭਾ ’ਚ ਜਿੱਤਣ ਵਾਲੀ ਉਹ ਇਕਲੌਤੀ ਭਾਰਤੀ ਹੈ। ਵੱਡੀ ਜਿੱਤ ਕਾਰਨ ਉਨ੍ਹਾਂ ਨੂੰ ਸੰਭਾਵਿਤ ਮੰਤਰੀ ਦੇ ਤੌਰ ਤੇ ਵੀ ਦੇਖਿਆ ਜਾ ਰਿਹਾ ਹੈ।
ਇਹ ਵੀ ਪੜੋ :Batala News : ਵਿਜੀਲੈਂਸ ਨੇ ਪੁਲਿਸ ਸਿਪਾਹੀ ਨੂੰ 2000 ਰੁਪਏ ਦੀ ਰਿਸ਼ਵਤ ਲੈਂਦਿਆਂ ਰੰਗੇ ਹੱਥੀਂ ਕੀਤਾ ਕਾਬੂ
ਦੱਸਣਯੋਗ ਹੈ ਕਿ ਉਹ ਹਰਿੰਦਰਪਾਲ ਸ਼ਰਮਾ ਕੌਰਜੀਵਾਲਾ ਸਾਬਕਾ ਚੇਅਰਮੈਨ ਬ੍ਰਾਹਮਣ ਭਲਾਈ ਬੋਰਡ ਪੰਜਾਬ ਅਤੇ ਬ੍ਰਾਹਮਣ ਵੈਲਫੇਅਰ ਫਰੰਟ ਪੰਜਾਬ ਦੇ ਪ੍ਰਧਾਨ ਦੀ ਨੂੰਹ ਅਤੇ ਕਿਸਾਨਾਂ ਆਗੂ ਡਾ ਦਰਸ਼ਨ ਪਾਲ ਪ੍ਰਧਾਨ ਭਾਰਤੀ ਕਿਸਾਨ ਯੂਨੀਅਨ ਕ੍ਰਾਂਤੀਕਾਰੀ ਦੀ ਭਤੀਜ ਨੂੰਹ ਹੈ। ਤਾਨੀਆ ਸੋਢੀ ਦੇ ਪਤੀ ਨਮਨ ਸ਼ਰਮਾ ਪੇਸ਼ੇ ਤੋਂ ਵਕੀਲ ਹਨ ਤੇ ਕਨੈਡਾ ਦੇ ਵਾਸੀ ਹਨ। ਪਟਿਆਲਾ ਦੀ ਇਸ ਧੀ ਦੀ ਇਸ ਉਪਲਬਧੀ ਤੇ ਉਨ੍ਹਾਂ ਜੱਦੀ ਪਿੰਡ ਕੌਰਜੀਵਾਲਾ ਵਿਖੇ ਵਧਾਈ ਦੇਣ ਵਾਲਿਆਂ ਦਾ ਤਾਂਤਾ ਲੱਗਿਆ ਹੋਇਆ ਹੈ।
(For more news apart from daughter of Punjab created history by winning MLA election from Manuckton North West, Canada News in Punjabi, stay tuned to Rozana Spokesman)
