File Photo
ਕੋਰੋਨਾ ਦੇ ਖੌਫ ਹੇਠਾਂ ਜਲੰਧਰ ਦੇ ਵਡਾਲਾ ਰੋਡ ਸਥਿਤ ਫਰੈਂਡਸ ਕਾਲੋਨੀ ਅਤੇ ਬੀ.ਐਸ.ਐਫ਼. ਚੌਕ ਨੇੜੇ ਉਸ ਸਮੇਂ ਦਹਿਸ਼ਤ ਦਾ ਮਾਹੌਲ ਬਣ ਗਿਆ ਜਦੋਂ ਇਥੇ
ਜਲੰਧਰ, 22 ਅਪ੍ਰੈਲ (ਪਪ) : ਕੋਰੋਨਾ ਦੇ ਖੌਫ ਹੇਠਾਂ ਜਲੰਧਰ ਦੇ ਵਡਾਲਾ ਰੋਡ ਸਥਿਤ ਫਰੈਂਡਸ ਕਾਲੋਨੀ ਅਤੇ ਬੀ.ਐਸ.ਐਫ਼. ਚੌਕ ਨੇੜੇ ਉਸ ਸਮੇਂ ਦਹਿਸ਼ਤ ਦਾ ਮਾਹੌਲ ਬਣ ਗਿਆ ਜਦੋਂ ਇਥੇ 500-500 ਦੇ ਤਿੰਨ ਅਤੇ 100-100 ਦੇ 7 ਨੋਟ ਸੜਕ 'ਤੇ ਸੁੱਟੇ ਹੋਏ ਪਾਏ ਗਏ। ਦਰਅਸਲ ਫਰੈਂਡਸ ਕਾਲੋਨੀ 'ਚ ਅਣਪਛਾਤਿਆਂ ਵਲੋਂ 500-500 ਦੇ ਅਤੇ ਬੀ.ਐਸ.ਐਫ਼. ਚੌਕ ਨੇੜੇ ਪੈਂਦੇ ਪਟਰੌਲ ਪੰਪ ਕੋਲ 100-100 ਦੇ ਨੋਟ ਪਏ ਦੇਖ ਕੇ ਲੋਕ ਹੈਰਾਨ ਹੋ ਗਏ
ਅਤੇ ਇਸ ਬਾਰੇ ਤੁਰਤ ਪੁਲਿਸ ਨੂੰ ਸੂਚਿਤ ਕੀਤਾ। ਇਸ ਦੀ ਵੀਡੀਉ ਵੀ ਸ਼ੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਹੀ ਹੈ। ਸੂਚਨਾ ਪਾ ਕੇ ਮੌਕੇ 'ਤੇ ਪਹੁੰਚੀ ਦੋਵੇਂ ਥਾਵਾਂ ਦੀ ਸਬੰਧਤ ਪੁਲਿਸ ਨੇ ਨੋਟਾਂ ਨੂੰ ਕਬਜ਼ੇ 'ਚ ਲੈ ਕੇ ਅਗਲੀ ਜਾਂਚ ਸ਼ੁਰੂ ਕਰ ਦਿਤੀ ਹੈ। ਫਿਲਹਾਲ ਇਹ ਪਤਾ ਨਹੀਂ ਲੱਗ ਸਕਿਆ ਕਿ ਇਹ ਨੋਟ ਕਿਸ ਨੇ ਸੁੱਟੇ ਹਨ। ਪੁਲਿਸ ਵਲੋਂ ਜਾਂਚ ਜਾਰੀ ਹੈ।
