ਆਸਟ੍ਰੇਲੀਆ ਵਿਚ ਕੋਵਿਡ-19 ਟੀਕਾਕਰਨ ਫ਼ਰਵਰੀ ਦੇ ਅੱਧ ਤੋਂ ਤਕਰੀਬਨ 65,000 ਵੀਜ਼ਾ ਧਾਰਕਾਂ ਨੂੰ ਕਰਨਾ ਪਏਗਾ ਭੁਗਤਾਨ

ਬਿ੍ਸਬੇਨ, 23 ਜਨਵਰੀ (ਜਗਜੀਤ ਖੋਸਾ): ਆਸਟਰੇਲੀਆ ਦੇ ਪ੍ਰਧਾਨ ਮੰਤਰੀ ਸਕਾਟ ਮੌਰੀਸਨ ਨੇ ਕੋਵਿਡ-19 ਟੀਕਾਕਰਨ ਪ੍ਰੋਗਰਾਮ ਤਹਿਤ ਫ਼ਰਾਈਜਰ-ਬਾਇਓਨਟੈਕ ਟੀਕੇ ਦੀ ਸੁਰੂਆਤ ਫ਼ਰਵਰੀ ਮਹੀਨੇ ਦੇ ਅੱਧ ਤੋਂ ਉਲੀਕੀ ਹੈ ਅਤੇ ਮਾਰਚ ਦੇ ਅੰਤ ਤਕ 4 ਲੱਖ ਲੋਕਾਂ ਦੇ ਟੀਕਾਕਰਣ ਦਾ ਟੀਚਾ ਮਿਥਿਆ ਹੈ | ਆਸਟ੍ਰੇਲੀਆ ਦੀ ਕੋਵੀਡ-19 ਟੀਕਾਕਰਨ ਨੀਤੀ ਦੇ ਤਹਿਤ ਇਹ ਟੀਕਾ ਕੁੱਝ ਵੀਜਾ ਸ੍ਰੇਣੀਆਂ ਨੂੰ ਛੱਡ ਕੇ ਸਾਰੇ ਆਸਟ੍ਰੇਲਿਅਨ ਨਾਗਰਿਕਾਂ ਅਤੇ ਸਥਾਈ ਨਿਵਾਸੀਆਂ ਲਈ ਮੁਫ਼ਤ ਹੋਵੇਗਾ | 
   ਸਬਕਲਾਸ 600 (ਟੂਰਿਸਟ) ਵੀਜਾ, ਸਬ ਕਲਾਸ 771 (ਟ੍ਰਾਂਜਟਿ), 651 (ਈਵਿਜਟਿਰ) ਅਤੇ 601 (ਇਲੈਕਟ੍ਰਾਨਿਕ ਟਰੈਵਲ ਅਥਾਰਟੀ) ਨੂੰ ਇਸ ਸਮੇਂ ਮੁਫ਼ਤ ਟੀਕਾਕਰਨ ਯੋਜਨਾ ਤੋਂ ਬਾਹਰ ਰਖਿਆ ਗਿਆ ਹੈ ਅਤੇ ਇਨ੍ਹਾਂ ਸ੍ਰੇਣੀਆਂ ਅਧੀਨ ਆਉਾਦੇ ਤਕਰੀਬਨ 65,000 ਵੀਜਾ ਧਾਰਕਾਂ ਨੂੰ ਇਸ ਟੀਕੇ ਲਈ ਭੁਗਤਾਨ ਕਰਨਾ ਪੈ ਸਕਦਾ ਹੈ |  ਆਸਟ੍ਰੇਲੀਆ ਵਿਚ ਲਗਭਗ 69,000 ਲੋਕ ਇਨ੍ਹਾਂ ਸ੍ਰੇਣੀਆਂ ਅਧੀਨ ਆਉਾਦੇ ਹਨ | ਆਸਟ੍ਰੇਲਿਅਨ ਸਰਕਾਰ ਨੇ ਫ਼ਾਈਜਰ-ਬਾਇਓਨਟੈਕ ਵੈਕਸੀਨ ਦੇ 10 ਮਿਲੀਅਨ ਟੀਕੇ ਅਤੇ 54 ਮਿਲੀਅਨ ਟੀਕੇ ਐਸimageਟ੍ਰਾਜੇਨੇਕਾ ਕੰਪਨੀ ਤੋਂ ਵੀ ਪ੍ਰਾਪਤ ਕਰਣ ਲਈ ਲੋੜੀਂਦੀ ਕਾਰਵਾਈ ਪੂਰੀ ਕਰ ਲਈ ਗਈ ਹੈ |