ਸਸਤੀ ਕੀਮਤ 'ਤੇ ਵੇਚਦੇ ਸਨ ਕਾਰਾਂ
ਚੰਡੀਗੜ੍ਹ: ਸੋਨੀਪਤ ਐਸਟੀਐਫ ਟੀਮ ਨੇ ਮੂਰਥਲ ਟੋਲ ਤੋਂ ਦੇਰ ਰਾਤ ਹਰਿਆਣਾ ਦੇ ਖ਼ਤਰਨਾਕ ਗਰੋਹ ਦੇ ਚਾਰ ਬਦਮਾਸ਼ਾਂ ਨੂੰ ਕਾਬੂ ਲਿਆ ਹੈ। ਇਹ ਚਾਰੇ ਬਦਮਾਸ਼ਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਇਹਨਾਂ ਦੀ ਪਛਾਣ ਨਿਰੰਜਨ ਨਿਵਾਸੀ ਚਰਖੀ ਦਾਦਰੀ, ਨਵਨੀਤ ਉਰਫ ਡਾਕਟਰ ਨਿਵਾਸੀ ਹਿਸਾਰ, ਪ੍ਰਦੀਪ ਨਿਵਾਸੀ ਪਿਪਲੀ ਤੇ ਅਜੇ ਨਿਵਾਸੀ ਮੋਰਖੇੜੀ ਰੋਹਤਕ ਵਜੋਂ ਕੀਤੀ ਗਈ ਹੈ। ਇਹਨਾਂ ਚਾਰਾਂ ਬਦਮਾਸ਼ਾਂ ਨੂੰ ਅੱਜ ਅਦਾਲਤ ਵਿਚ ਪੇਸ਼ ਕਰ ਕੇ ਰਿਮਾਂਡ 'ਤੇ ਲਿਆ ਜਾਵੇਗਾ।
Photo
ਇਹਨਾਂ ਬਦਮਾਸ਼ਾਂ ਕੋਲੋਂ 2 ਫਾਰਚੂਨਰ, ਇਕ ਸਕਾਰਪੀਓ ਤੇ ਇਕ ਕਰੇਟਾ ਕਾਰ ਬਰਾਮਦ ਹੋਈ ਹੈ। ਇਹ ਚਾਰੇ ਬਦਮਾਸ਼ ਪਹਿਲਾਂ ਲੁੱਟੀਆਂ ਹੋਈਆਂ ਕਾਰਾਂ ਦੇ ਇੰਜਨ ਨੰਬਰ ਬਦਲ ਕੇ ਦੁਬਾਰਾ ਪਾਸ ਕਰਾ ਕੇ ਨਵਾਂ ਨੰਬਰ ਲੈਂਦੇ ਤੇ ਫਿਰ ਗੱਡੀ ਨੂੰ ਸਸਤੇ ਭਾਅ ਵਿਚ ਵੇਚ ਦਿੰਦੇ ਸਨ। ਹੁਣ ਐਸਟੀਐਫ ਨੂੰ ਇਹਨਾਂ ਤੋਂ ਕਈ ਵਾਰਦਾਤਾਂ ਦੇ ਖ਼ੁਲਾਸੇ ਹੋਣ ਦੀ ਉਮੀਦ ਹੈ। ਕਾਬੂ ਕੀਤੇ ਬਦਮਾਸ਼ਾਂ ਵਿੱਚੋਂ ਨਵਨੀਤ ਉਰਫ ਡਾਕਟਰ ਇੰਜਣ ਤੇ ਚੇਸਿਸ ਨੰਬਰ ਬਦਲਵਾਉਣ ਵਾਲੇ ਗੈਂਗ ਦਾ ਮੁਖੀ ਹੈ।
ਨਿਰੰਜਨ ਤੇ ਅਜੇ ਦੋਵੇਂ ਫਰਜ਼ੀ ਕਾਗਜ਼ਾਤ ਤਿਆਰ ਕਰਵਾਉਂਦੇ ਸੀ ਤੇ ਆਰਟੀਓ ਤੋਂ ਗੱਡੀ ਦਾ ਨਵਾਂ ਨੰਬਰ ਲੈਂਦੇ ਸੀ। ਪੁਲਿਸ ਦੀ ਜਾਂਚ ਵਿਚ ਆਰਟੀਓ ਦਫ਼ਤਰ ਦੇ ਮੁਲਾਜ਼ਮ ਵੀ ਦੋਸ਼ੀ ਪਾਏ ਜਾ ਸਕਦੇ ਹਨ। ਇਸ ਮਾਮਲੇ ਵਿਚ ਸੋਨੀਪਤ ਐਸਟੀਐਫ ਦੇ ਡੀਐਸਪੀ ਰਾਹੁਲ ਦੇਵ ਨੇ ਪ੍ਰੈਸ ਕਾਨਫਰੰਸ ਕਰਕੇ ਮਾਮਲੇ ਬਾਰੇ ਜਾਣਕਾਰੀ ਦਿੱਤੀ। ਉਹਨਾਂ ਦੱਸਿਆ ਕਿ ਫੜੇ ਗਏ ਚਾਰੇ ਬਦਮਾਸ਼ ਵਿਕਾਸ ਭਦਾਨਾ, ਪ੍ਰਦੀਪ ਪਿਪਲੀ ਤੇ ਡਾਕਟਰ ਉਰਫ ਸੁਨੀਲ ਗੈਂਗ ਲਈ ਕੰਮ ਕਰਦੇ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
