28 ਸਾਲਾਂ ਬਾਅਦ ਮਿਲਿਆ ਸਿਸਟਰ ਅਭਿਆ ਕਤਲ ਕੇਸ ਨੂੰ ਇਨਸਾਫ਼

ਉਮਰ ਕੈਦ ਤੇ ਪੰਜ ਲੱਖ ਦਾ ਜੁੁਰਮਾਨਾ
 

ਤਿਰੂਵਨੰਤਪੁਰਮ, 23 ਦਸੰਬਰ : ਕੇਰਲ ਦੀ ਵਿਸ਼ੇਸ਼ ਸੀ. ਬੀ. ਆਈ. ਅਦਾਲਤ ਨੇ 28 ਸਾਲ ਪੁਰਾਣੇ ਸਿਸਟਰ ਅਭਿਆ ਹੱਤਿਆ ਮਾਮਲੇ ’ਚ ਕਤਲ ਦੇ ਦੋਸ਼ੀ ਪਾਦਰੀ ਅਤੇ ਇਕ ਨਨ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ ਹੈ। ਇਸ ਦੇ ਨਾਲ ਹੀ ਜੁਰਮਾਨਾ ਵੀ ਲਾਇਆ ਗਿਆ ਹੈ। ਦਸਣਯੋਗ ਹੈ ਕਿ ਇਸ ਕੇਸ ਵਿਚ ਫਾਦਰ ਥਾਮਸ ਕੋਟੱਰ ਅਤੇ ਨਨ ਸਿਸਟਰ ਸੇਫੀ ਨੂੰ ਸਿਸਟਰ ਅਭਿਆ ਦੇ ਕਤਲ  ਦਾ ਦੋਸ਼ੀ ਠਹਿਰਾਇਆ ਸੀ। ਦੱਸ ਦਈਏ ਕਿ ਉਂਝ ਤਾਂ ਇਸ ਕੇਸ ’ਚ ਦੋਵਾਂ ਮੁਲਜ਼ਮਾਂ ਦੀ ਸੁਣਵਾਈ 10 ਦਸੰਬਰ ਨੂੰ ਪੂਰੀ ਹੋ ਗਈ ਸੀ। ਹੁਣ ਉਨ੍ਹਾਂ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ’ਤੇ ਪੰਜ ਲੱਖ ਰੁਪਏ ਦਾ ਜੁਰਮਾਨਾ ਵੀ ਲਾਇਆ ਗਿਆ ਹੈ। ਦਸਣਯੋਗ ਹੈ ਕਿ ਸਾਲ 1992 ’ਚ ਸਿਸਟਰ ਅਭਿਆ ਦੀ ਲਾਸ਼ ਕੋਟਾਯਮ ਦੇ ਇਕ ਕਾਨਵੈਂਟ ਦੇ ਖੂਹ ’ਚੋਂ ਮਿਲੀ ਹੈ। ਦਸਿਆ ਜਾ ਰਿਹਾ ਹੈ ਕਿ ਪਹਿਲਾਂ ਸਿਸਟਰ ਅਭਿਆ ਦੀ ਹਤਿਆ ਕੀਤੀ ਸੀ ਅਤੇ ਫਿਰ ਅਪਰਾਧ ਲੁਕਾਉਣ ਲਈ ਉਸ ਦੀ ਲਾਸ਼ ਨੂੰ ਕਾਨਵੈਂਟ ਦੇ ਕੰਪਲੈਕਸ ’ਚ ਮੌਜੂਦ ਇਕ ਖੂਹ ’ਚ ਸੁੱਟ ਦਿਤਾ।
 ਥਾਮਸ ਕੋਟੱਰ ਕੋਟਾਯਮ ਦੇ ਬੀ. ਸੀ. ਐਮ. ਕਾਲਜ ’ਚ ਸਿਸਟਰ ਅਭਿਆ ਨੂੰ ਮਨੋਵਿਗਿਆਨ ਪੜ੍ਹਾਉਂਦੇ ਸਨ। ਇਸ ਕੇਸ ’ਚ ਦੂਜੇ ਮੁਲਜ਼ਮ ਫਾਦਰ ਫੁਥਰਕਿਆਲ ਨੂੰ ਸਬੂਤਾਂ ਦੀ ਘਾਟ ਕਾਰਨ ਬਰੀ ਕਰ ਦਿਤਾ  ਹੈ। (ਸਸਸ)