ਬਿਨਾਂ ਡਰਾਈਵਰ ਤੋਂ ਚੱਲਣ ਵਾਲਾ ਟਰੈਕਟਰ ਸ਼ਾਮਲ ਹੋਵੇਗਾ ਦਿੱਲੀ ਪਰੇਡ 'ਚ
ਲੁਧਿਆਣਾ, 24 ਜਨਵਰੀ (ਆਰ.ਪੀ.ਸਿੰਘ): ਪੰਜਾਬ ਦਾ ਕਿਸਾਨ ਅਜਕਲ ਕਿੰਨਾ ਪੜਿ੍ਹਆ ਲਿਖਿਆ ਹੈ ਇਹ ਸਾਬਤ ਕਰ ਦਿਤਾ ਹੈ ਇੰਜਨੀਅਰ ਕਿਸਾਨ ਪਵਿੱਤਰ ਬਰਾੜ ਨੇ, ਜਿਸ ਨੇ ਬਿਨਾਂ ਡਰਾਈਵਰ ਰਿਮੋਟ ਤੋਂ ਚੱਲਣ ਵਾਲਾ ਟਰੈਕਟਰ ਤਿਆਰ ਕਰ ਦਿਤਾ ਹੈ ਅਤੇ ਇਹ ਟਰੈਕਟਰ ਹੁਣ ਦਿੱਲੀ ਜਾਵੇਗਾ | ਸੂਬੇ ਦੇ ਸਾਰੇ ਜ਼ਿਲਿ੍ਹਆਂ ਵਿਚ ਇੰਜੀਨੀਅਰ ਕਿਸਾਨ ਵਲੋਂ ਨੌਜਵਾਨ ਪੀੜ੍ਹੀ ਨੂੰ ਵੱਧ ਤੋਂ ਵੱਧ ਜਾਗਰੂਕ ਕੀਤਾ ਜਾ ਰਿਹਾ ਹੈ | ਲੁਧਿਆਣਾ ਵੇਰਕਾ ਪਹੁੰਚਣ 'ਤੇ ਉਨ੍ਹਾਂ ਵੇਰਕਾ ਨੂੰ ਵੀ ਕਿਸਾਨ ਏਕਤਾ ਜ਼ਿੰਦਾਬਾਦ ਦੀ ਝੰਡੀ ਸੌਾਪੀ ਅਤੇ ਕਿਹਾ ਕਿ ਜੇਕਰ ਕਿਸਾਨ ਹੀ ਨਹੀਂ ਹੋਣਗੇ ਤਾਂ ਵੇਰਕਾ ਕਿਵੇਂ ਚਲੇਗਾ | ਸਾਡੀ ਟੀਮ ਵਲੋਂ ਪਵਿੱਤਰ ਬਰਾੜ ਨਾਲ ਵਿਸ਼ੇਸ਼ ਗੱਲਬਾਤ ਕੀਤੀ ਤਾਂ ਉਨ੍ਹਾਂ ਦਸਿਆ ਕਿ ਦਸ ਵਰ੍ਹੇ ਪਹਿਲਾਂ ਹੀ ਉਨ੍ਹਾਂ ਨੇ ਅਜਿਹਾ ਟਰੈਕਟਰ ਬਣਾ ਦਿਤਾ ਸੀ ਪਰ ਹੁਣ ਵਿਸ਼ੇਸ਼ ਗੱਲ ਇਹ ਹੈ ਕਿ ਇਸ ਟਰੈਕਟਰ ਰਾਹੀਂ ਉਹ ਸੂਬੇ ਦੇ ਸਾਰੇ ਜ਼ਿਲਿ੍ਹਆਂ ਵਿਚ ਜਾ ਕੇ ਲੋਕਾਂ ਨੂੰ ਜਾਗਰੂਕ ਕਰ ਰਹੇ ਨੇ ਅਤੇ ਹੁਣ ਉਹ ਦਿੱਲੀ ਵਲ ਚਾਲੇ ਪਾਉਣਗੇ | ਪਵਿੱਤਰ ਬਰਾੜ ਕਵਿਤਾਵਾਂ ਲਿਖਦਾ ਹੈ ਅਤੇ ਸਰਕਾਰਾਂ ਨੂੰ ਇਹ ਸੁਨੇਹਾ ਦੇ ਰਿਹਾ ਹੈ ਕਿ ਹੁਣ ਪੰਜਾਬ ਦਾ ਕਿਸਾਨ ਅਨਪੜ੍ਹ ਨਹੀਂ ਸਗੋਂ ਪੜਿ੍ਹਆ ਲਿਖਿਆ ਇੰਜੀਨੀਅਰ ਹੈ ਰਿਮੋਟ ਕੰਟਰੋਲ ਟਰੈਕਟਰ ਬਣਾ ਸਕਦਾ ਹੈ |
ਫ਼ੋਟੋ : ਲੁਧਿਆਣਾ-ਟਰੈਕਟਰ
