Ferozepur News : ਪਿਛਲੇ ਕੁਝ ਸਮੇਂ ਤੋਂ ਚਲ ਰਹੇ ਸਨ ਬਿਮਾਰ, ਉਨ੍ਹਾਂ ਦੇ ਗ੍ਰਹਿ ’ਤੇ ਸਿਹਤ ਦਾ ਹਾਲ ਜਾਣਨ ਲਈ ਪਹੁੰਚੇ
Ferozepur News in Punjabi : ਅੱਜ ਫਿਰੋਜ਼ਪੁਰ ’ਚ ਅਕਾਲ ਤਖਤ ਸਾਹਿਬ ਦੇ ਜਥੇਦਾਰ ਗਿਆਨੀ ਕੁਲਦੀਪ ਸਿੰਘ ਗੜਗੱਜ, ਸਰਬਤ ਖਾਲਸਾ ’ਚ ਥਾਪੇ ਜਥੇਦਾਰ ਭਾਈ ਧਿਆਨ ਸਿੰਘ ਮੰਡ ਨਾਲ ਮੁਲਾਕਾਤ ਕਰਨ ਲਈ ਪਹੁੰਚੇ ਹਨ। ਜਥੇਦਾਰ ਗਿਆਨੀ ਕੁਲਦੀਪ ਸਿੰਘ ਨੇ ਕਿਹਾ ਕਿ ਉਹ ਭਾਈ ਧਿਆਨ ਸਿੰਘ ਮੰਡ ਹੁਣਾਂ ਦਾ ਹਾਲ ਚਾਲ ਜਾਣ ਦੇ ਲਈ ਲਈ ਉਨ੍ਹਾਂ ਦੇ ਗ੍ਰਹਿ ਵਿਖੇ ਪਹੁੰਚੇ ਹਨ। ਪਿਛਲੇ ਦਿਨੀਂ ਉਹਨਾਂ ਦੀ ਸਿਹਤ ਠੀਕ ਨਾ ਹੋਣ ਦੇ ਕਾਰਨ ਅੱਜ ਉਹਨਾਂ ਦਾ ਹਾਲ ਚਾਲ ਜਾਣਿਆ। ਗੜਗੱਜ ਨੇ ਕਿਹਾ ਕਿ ਇਹਨਾਂ ਦੇ ਪਰਿਵਾਰ ਨੇ ਸਿੱਖ ਕੌਮ ਲਈ ਸ਼ਹਾਦਤਾਂ ਦਿੱਤੀਆਂ ਹਨ।
ਢੰਡਰੀਆਂ ਵਾਲਿਆਂ ਨੂੰ ਮਾਫੀ ਦੇਣ ਦੇ ਉੱਪਰ ਬੋਲੇ ਕਿ ਸਭ ਸਿੱਖ ਸ੍ਰੀ ਅਕਾਲ ਤਖਤ ਸਾਹਿਬ ਨੂੰ ਸਮਰਪਿਤ ਹਨ ਅਤੇ ਉਨ੍ਹਾਂ ਦੀ ਛਤਰ ਛਾਇਆ ਨੂੰ ਮੰਨਦਾ ਹੈ ਅਤੇ ਮੰਨਦੇ ਰਹੇਗਾ। ਸਾਡੇ ਨੌਜਵਾਨਾਂ ਨੂੰ ਗੁਰੂ ਨਾਲ ਜੁੜਨਾ ਚਾਹੀਦਾ ਹੈ। ਉਹਨਾਂ ਕਿਹਾ ਕਿ ਉਹ ਕੱਲ ਜਲਾਲਾਬਾਦ ਵਿਖੇ ਕੁਝ ਨੌਜਵਾਨਾਂ ਨੂੰ ਮਿਲੇ ਜਿਨਾਂ ਦੇ ਸਿਰਾਂ ਉੱਪਰ ਸੋਹਣੀਆਂ ਦਸਤਾਰਾਂ ਅਤੇ ਖੁੱਲੇ ਦਾੜੇ ਹੋਣੇ ਚਾਹੀਦੇ ਸਨ ਅਤੇ ਪਤਾ ਲੱਗਣਾ ਚਾਹੀਦਾ ਹੈ ਕਿ ਕੋਈ ਸਰਦਾਰ ਆ ਰਿਹਾ ਹੈ।
ਜਥੇਦਾਰ ਗਿਆਨੀ ਕੁਲਦੀਪ ਸਿੰਘ ਨੇ ਕਿਹਾ ਕਿ ਅਸੀ ਸਾਰੇ ਗੁਰੂ ਬਾਈ ਹਾਂ ਅਤੇ ਆਪਸ ’ਚ ਪ੍ਰੇਮ ਹੈ ਸਿੱਖੀ ਕਾ ਕੋਈ ਧੜਾ ਨਹੀਂ ਹੈ ਸਿੱਖੀ ਦਾ ਇਕੋ ਹੀ ਧੜਾ ਹੈ ਉਹ ਹੈ ਖਾਲਸਾ ਪੰਥ ਹੈ।
(For more news apart from Jathedar Giani Kuldeep Singh Gargajj met Bhai Dhian Singh Mand News in Punjabi, stay tuned to Rozana Spokesman)
