image
ਗਰਮੀ ਤੋਂ ਮਿਲੀ ਰਾਹਤ, ਪੰਜਾਬ 'ਚ ਹੋਈ ਹਲਕੀ ਤੇ ਦਰਮਿਆਨੀ ਬਾਰਸ਼
ਚੰਡੀਗੜ੍ਹ, 25 ਜੁਲਾਈ (ਸਪੋਕਸਮੈਨ ਸਮਾਚਾਰ ਸੇਵਾ) : ਪਿਛਲੇ ਕਈ ਦਿਨਾਂ ਤੋਂ ਗਰਮੀ 'ਚ ਝੁਲਸ ਰਹੇ ਪੰਜਾਬੀਆਂ ਨੇ ਅੱਜ ਰਾਹਤ ਦੀ ਸਾਹ ਲਈ ਜਦੋਂ ਬਾਅਦ ਦੁਪਹਿਰ ਇਕਦਮ ਅਸਮਾਨ ਵਿਚ ਬੱਦਲ ਛਾ ਗਏ ਤੇ ਛਮਛਮ ਬਾਰਸ਼ ਹੋਣ ਲੱਗੀ | ਬੀਤੇ ਦਿਨਾਂ ਵਿਚ ਜਿਥੇ ਪਾਰਾ 42 ਡਿਗਰੀ ਤੋਂ ਉਪਰ ਸੀ ਉਥੇ ਹੀ ਕੁੱਝ ਕੁ ਸਮੇਂ ਦੇ ਮੀਂਹ ਨੇ ਪਾਰਾ ਥੋੜਾ ਹੇਠਾਂ ਆਉਣ ਨਾਲ ਲੋਕਾਂ ਦੀ ਜਾਨ 'ਚ ਜਾਨ ਆ ਗਈ | ਸੂਬੇ ਦੇ ਵੱਖ-ਵੱਖ ਖੇਤਰਾਂ 'ਚੋਂ ਮਿਲੀਆਂ ਖ਼ਬਰਾਂ ਅਨੁਸਾਰ ਕਈ ਥਾਵਾਂ 'ਤੇ ਹਲਕੀ ਤੇ ਕਈ ਥਾਵਾਂ 'ਤੇ ਦਰਮਿਆਨੀ ਬਾਰਸ਼ ਹੋਈ | ਉਧਰ ਗੁਰੂ ਕੀ ਨਗਰੀ ਅੰਮਿ੍ਤਸਰ ਵਿਚ ਐਤਵਾਰ ਨੂੰ ਮੋਹਲੇਧਾਰ ਬਾਰਸ਼ ਹੋਈ | ਐਤਵਾਰ ਸਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਸੰਗਤਾਂ ਦੀ ਆਮਦ ਆਮ ਦਿਨਾਂ ਨਾਲੋਂ ਵੱਧ ਰਹੀ | ਇਸ ਦਰਮਿਆਨ ਸੰਗਤਾਂ ਨੇ ਲੰਮੀਆਂ ਕਤਾਰਾਂ 'ਚ ਲੱਗ ਕੇ ਪਰਵਾਰਾਂ ਸਮੇਤ ਗੁਰੂ ਘਰ ਦੇ ਦਰਸ਼ਨ ਕੀਤੇ |
