ਏਅਰ ਇੰਡੀਆ ਵਨ ਦਾ ਦੂਜਾ ਜਹਾਜ਼ ਦਿੱਲੀ ਪਹੁੰਚਿਆ
ਵੀ.ਵੀ.ਆਈ.ਪੀ ਲਈ ਹੋਵੇਗਾ ਇਸਤੇਮਾਲ
ਨਵੀਂ ਦਿੱਲੀ, 25 ਅਕਤੂਬਰ : ਅਮਰੀਕਾ ਤੋਂ ਬੋਇੰਗ ਬੀ-777 ਦਾ ਦੂਜਾ ਵਿਸ਼ੇਸ਼ ਜਹਾਜ਼ ਵੀ ਰਾਸ਼ਟਰਪਤੀ, ਉਪ ਰਾਸ਼ਟਰਪਤੀ ਅਤੇ ਪ੍ਰਧਾਨ ਮੰਤਰੀ ਦੀ ਸੁਰੱਖਿਅਤ ਹਵਾਈ ਯਾਤਰਾ ਲਈ ਦਿੱਲੀ ਏਅਰਪੋਰਟ ਪਹੁੰਚ ਗਿਆ ਹੈ। ਦੇਸ਼ ਦੇ ਤਿੰਨ ਵੀਵੀਆਈਪੀ ਰਾਸ਼ਟਰਪਤੀ, ਉਪ ਰਾਸ਼ਟਰਪਤੀ ਅਤੇ ਪ੍ਰਧਾਨ ਮੰਤਰੀ ਇਸ ਆਧੁਨਿਕ ਜਹਾਜ਼ ਨਾਲ ਯਾਤਰਾ ਕਰਨਗੇ। ਏਅਰ ਇੰਡੀਆ ਵਨ ਨਾਂ ਦਾ ਇਹ ਵਿਸ਼ੇਸ਼ ਜਹਾਜ਼ ਐਤਵਾਰ ਨੂੰ ਭਾਰਤ ਪਹੁੰਚਿਆ। ਇਸ ਤੋਂ ਪਹਿਲਾਂ, ਇਸੇ ਤਰ੍ਹਾਂ ਦਾ ਇਕ ਹੋਰ ਜਹਾਜ਼ ਇਸ ਮਹੀਨੇ ਦੇ ਸ਼ੁਰੂ 'ਚ ਭਾਰਤ ਪਹੁੰਚਿਆ ਸੀ। ਇਹ ਜਹਾਜ਼ ਏਅਰ ਫੋਰਸ-ਵਨ ਵਰਗਾ ਹੈ, ਜਦੋਂ ਯੂਐਸ ਰਾਸ਼ਟਰਪਤੀ ਦੁਆਰਾ ਟੈਕਨਾਲੋਜੀ, ਫਾਇਰਪਾਵਰ, ਸੁਰੱਖਿਆ ਅਤੇ ਲੋੜ ਪੈਣ 'ਤੇ ਡੋਡਿੰਗ ਦੇ ਰੂਪ ਵਿਚ ਵਰਤੇ ਜਾਂਦੇ ਹਨ। ਇਸੇ ਤਰਜ਼ 'ਤੇ ਇਸ ਜਹਾਜ਼ ਦਾ ਨਾਂ ਏਅਰ ਇੰਡੀਆ ਵਨ ਵੀ ਰਖਿਆ ਗਿਆ ਹੈ। ਸੁਰੱਖਿਆ ਕਾਰਨਾਂ ਕਰ ਕੇ ਇਸ ਜਹਾਜ਼ ਦੀਆਂ ਵਿਸ਼ੇਸ਼ਤਾਵਾਂ ਨੂੰ ਗੁਪਤ ਰਖਿਆ ਗਿਆ ਹੈ। ਇਹ ਇੰਨਾ ਮਹੱਤਵਪੂਰਣ ਹੈ ਕਿ ਇਸ ਜਹਾਜ਼ 'ਚ ਬੈਠਾ ਕੋਈ ਵਿਅਕਤੀ ਧਰਤੀ ਉੱਤੇ ਅਸਮਾਨ ਤੋਂ ਵੀਡੀਉ ਅਤੇ ਆਡੀਉ ਸੰਪਰਕ ਕਰ ਸਕਦਾ ਹੈ ਅਤੇ ਇਸ ਨੂੰ ਨਾ ਤਾਂ ਹੈਕ ਹੋਣ ਦਾ ਖਤਰਾ ਹੈ ਅਤੇ ਨਾ ਹੀ ਕੋਈ ਗੱਲਬਾਤ ਟੇਪ ਕਰ ਸਕਦਾ ਹੈ। (ਏਜੰਸੀ)