ਬੀਤੀ ਰਾਤ ਤੋਂ ਕਈ ਥਾਵਾਂ ਉਤੇ ਰੁਕ-ਰੁਕ ਕੇ ਪੈ ਰਹੀ ਬਾਰਸ਼ ਨੇ ਪੰਜਾਬ ਨੂੰ ਠੰਢਾ-ਠੰਢਾ ਕੂਲ-ਕੂਲ
ਮਾਨਸਾ (ਨਾਨਕ ਸਿੰਘ ਖੁਰਮੀ) : ਪੰਜਾਬ ਵਿਚ ਬੀਤੀ ਰਾਤ ਤੋਂ ਕਈ ਥਾਵਾਂ ਉਤੇ ਰੁਕ-ਰੁਕ ਕੇ ਪੈ ਰਹੀ ਬਾਰਸ਼ ਨੇ ਪੰਜਾਬ ਨੂੰ ਠੰਢਾ-ਠੰਢਾ ਕੂਲ-ਕੂਲ ਕਰ ਦਿਤਾ ਹੈ। ਜਿਸ ਨੂੰ ਲੈ ਕੇ ਪੰਜਾਬ ਵਿਚ ਤਾਪਮਾਨ 'ਚ ਭਾਰੀ ਗਿਰਾਵਟ ਦਰਜ ਕੀਤੀ ਗਈ ਤੇ ਇਸ ਮੀਂਹ ਨੇ ਕਿਸਾਨਾਂ ਦੀ ਚਿੰਤਾ ਵਿਚ ਹੋਰ ਵਾਧਾ ਕਰ ਦਿਤਾ।
Rain brings cold in Punjab
ਕੱਲ੍ਹ ਸਵੇਰੇ ਤੋਂ ਇਲਾਕੇ ਵਿਚ ਬੱਦਲਵਾਈ ਤੋਂ ਬਾਅਦ ਦੁਪਹਿਰ ਕਰੀਬ 12.30 ਵਜੇ ਮੀਂਹ ਪੈਣ ਨਾਲ ਅੱਗੇ ਨਾਲੋਂ ਠੰਢ ਵੀ ਵੱਧ ਗਈ ਅਤੇ ਜਿਸਨੇ ਕਿਸਾਨਾਂ ਦੀਆਂ ਫ਼ਸਲਾਂ ਵਿਛ ਗਈਆਂ, ਅਤੇ ਪਸ਼ੂਆਂ ਦਾ ਹਰਾ-ਚਾਰਾ ਨਸ਼ਟ ਕਰ ਦਿਤਾ। ਜਿਸ ਕਰ ਕੇ ਕਿਸਾਨਾਂ ਦੀ ਚਿੰਤਾ ਹੋਰ ਵੱਧ ਗਈ।
Rain in Punjab
ਜਾਣਕਾਰੀ ਮਿਲੀ ਹੈ ਕਿ ਪਹਾੜੀ ਇਲਾਕਿਆਂ ਵਿਚ ਭਾਰੀ ਬਰਫ਼ਬਾਰੀ ਹੋਣ ਕਾਰਣ ਹੀ ਇਹ ਠੰਢ ਵੱਧ ਗਈ ਹੈ। ਜਿਸ ਨਾਲ ਤਾਮਮਾਨ ਵਿਚ ਭਾਰੀ ਗਿਰਾਵਟ ਦਰਜ ਕੀਤੀ ਗਈ। ਮਾਨਸਾ ਵਿਚ ਉਚ ਤਾਪਮਾਨ 18 ਡਿਗਰੀ ਤੇ ਨਿਚਲਾ ਤਾਪਮਾਨ 10 ਡਿਗਰੀ ਮਾਪਿਆ ਗਿਆ।
Rain
ਬੁਧਵਾਰ ਨੂੰ ਆਏ ਇਸ ਬੇ-ਮੌਸਮੀ ਮੀਂਹ ਨੇ ਕਿਸਾਨਾਂ ਲਈ ਵੀ ਆਫ਼ਤਾਂ ਖੜੀਆਂ ਕਰ ਦਿਤੀਆਂ ਉਥੇ ਹੀ ਆਮ ਜਨਜੀਵਨ ਵੀ ਠੰਢ ਦੀ ਚਪੇਟ 'ਚ ਆਉਣ ਕਾਰਣ ਜਕੜਨ ਬਣੀ ਰਹੀ। ਇਸ ਮੀਂਹ ਕਾਰਣ ਕਿਸਾਨਾਂ ਦੀਆਂ ਫ਼ਸਲਾਂ ਵਿਛ ਗਈਆਂ ਅਤੇ ਪਸ਼ੂਆਂ ਦਾ ਹਰਾ-ਚਾਰਾ ਨਸ਼ਟ ਕਰ ਦਿਤਾ। ਜਿਸ ਕਰ ਕੇ ਕਿਸਾਨਾਂ ਦੀ ਚਿੰਤਾ ਹੋਰ ਵੱਧ ਗਈ ਹੈ।
Winter
ਦੂਜੇ ਪਾਸੇ ਕਪੜਾ ਵਪਾਰੀਆਂ ਵਿਚ ਇਸ ਠੰਢ ਨੂੰ ਲੈ ਕੇ ਖ਼ੁਸ਼ੀ ਦੇਖਣ ਨੂੰ ਮਿਲ ਰਹੀ ਹੈ। ਇਹ ਠੰਢ ਉਨ੍ਹਾਂ ਲਈ ਵਧੀਆ ਬਿਜਨੈਸ ਲੈ ਕੇ ਆਈ ਹੈ। ਤੇ ਹਰ ਇਕ ਦੁਕਾਨ 'ਤੇ ਠੰਢ ਦੇ ਕਪੜਿਆਂ ਦੀ ਖ਼ਰੀਦਦਾਰੀ ਵਧ ਗਈ।
