ਅਸ਼ਾਂਤ ਕਾਂਗਰਸ ਤੋਂ ਦੂਰ ਹੋਏ ਪ੍ਰਸ਼ਾਂਤ, ਸਿੱਧੂ ਨੇ ਪ੍ਰਸ਼ਾਂਤ ਨਾਲ ਟਵਿੱਟਰ ਤੇ ਸਾਂਝੀ ਕੀਤੀ 'ਪਿਕਚਰ' ਲੋਕਾਂ ਨੇ ਕੁਮੈਂਟਾਂ ਵਿਚ ਕੀਤੀ ਟਿੱਚਰ

ਚੰਡੀਗੜ੍ਹ, 26 ਅਪ੍ਰੈਲ (ਲੰਕੇਸ਼ ਤਿ੍ਖਾ): ਪ੍ਰਸਾਂਤ ਕਿਸੋਰ ਤੇ ਕਾਂਗਰਸ ਦਾ ਰਿਸ਼ਤਾ ਨੇਪਰੇ ਨਹੀਂ ਚੜ੍ਹ ਸਕਿਆ | ਅਪਣੇ ਟਵਿਟਰ ਤੇ ਜਾਣਕਾਰੀ ਸਾਂਝੀ ਕਰਦਿਆਂ ਪ੍ਰਸ਼ਾਂਤ ਨੇ ਲਿਖਿਆ,''ਮੈਂ ਈ.ਏ.ਜੀ ਦਾ ਹਿੱਸਾ ਬਣਨ, ਪਾਰਟੀ ਵਿਚ ਸ਼ਾਮਲ ਹੋਣ ਅਤੇ ਚੋਣਾਂ ਦੀ ਜ਼ਿੰਮੇਵਾਰੀ ਲੈਣ ਦੀ ਕਾਂਗਰਸ ਦੀ ਪੇਸ਼ਕਸ਼ ਨੂੰ  ਠੁਕਰਾ ਦਿਤਾ ਹੈ | ਮੇਰੇ ਹਿਸਾਬ ਨਾਲ ਪਾਰਟੀ ਦੀਆਂ ਅੰਦਰੂਨੀ ਸਮੱਸਿਆਵਾਂ ਹੱਲ ਕਰਨ ਲਈ ਕਾਂਗਰਸ ਨੂੰ  ਮੇਰੇ ਨਾਲੋਂ ਵੱਧ ਲੀਡਰਸ਼ਿਪ ਅਤੇ ਮਜ਼ਬੂਤ ਇੱਛਾ ਸ਼ਕਤੀ ਦੀ ਲੋੜ ਹੈ |
ਪ੍ਰਸ਼ਾਂਤ ਦੇ ਟਵੀਟ ਤੋਂ ਤਕਰੀਬਨ 2 ਘੰਟੇ ਬਾਅਦ, ਨਵਜੋਤ ਸਿੰਘ ਸਿੱਧੂ ਦੇ ਟਵੀਟ ਨੇ ਸੋਸ਼ਲ ਮੀਡੀਆ ਤੇ ਨਵੀਂ ਹਲਚਲ ਪੈਦਾ ਕੀਤੀ | ਸਿੱਧੂ ਨੇ ਪ੍ਰਸ਼ਾਂਤ ਨਾਲ ਅਪਣੇ ਫ਼ੋਨ ਤੋਂ ਖਿੱਚੀ ਸੈਲਫੀ ਨੂੰ  ਟਵਿੱਟਰ ਤੇ ਫੇਸਬੁੱਕ ਤੇ ਚੜ੍ਹਾ ਦਿਤਾ | ਟਵੀਟ ਵਿਚ ਸਿੱਧੂ ਨੇ ਲਿਖਿਆ, 'ਮੇਰੇ ਪੁਰਾਣੇ ਦੋਸਤ ਪੀਕੇ ਨਾਲ ਸ਼ਾਨਦਾਰ ਮੁਲਾਕਾਤ | ਪੁਰਾਣੇ ਦੋਸਤ ਅਜੇ ਵੀ ਸੱਭ ਤੋਂ ਵਧੀਆ |' ਪੀਕੇ ਤੇ ਸਿੱਧੂ ਦੀ ਇਸ ਤਸਵੀਰ ਤੇ ਲੋਕਾਂ ਦਾ ਪ੍ਰਤੀਕਰਮ ਆਉਣਾ ਲਾਜ਼ਮੀ ਸੀ |
ਅਨੁ ਕੁਮਾਰੀ ਨੇ ਕੁਮੈਂਟ ਕੀਤਾ ਅਤੇ ਕਿਹਾ, Tਸਿੱਧੂ ਜੀ ਮੈਨੂੰ ਤੁਹਾਡੀ ਸਮਝ ਨਹੀਂ ਆਉਂਦੀ | ਅੱਜ ਪੀਕੇ ਨੇ ਕਾਂਗਰਸ 'ਚ ਸ਼ਾਮਲ ਹੋਣ ਤੋਂ ਇਨਕਾਰ ਕੀਤਾ ਤੇ ਅੱਜ ਹੀ ਤੁਸੀਂ ਪ੍ਰਸ਼ਾਂਤ ਨਾਲ ਫ਼ੋਟੋ ਪਾ ਦਿਤੀ | ਤੁਹਾਡੀ ਕਿਸ ਤਰ੍ਹਾਂ ਦੀ ਰਾਜਨੀਤੀ ਹੈ ਰੱਬ ਹੀ ਜਾਣੇ | ਤੁਸੀਂ ਕਾਂਗਰਸ ਨੂੰ  ਮਜ਼ਬੂਤ ਕਰ ਰਹੇ ਹੋ ਜਾਂ ਮਜਬੂਰ |'' ਇਸ ਤਸਵੀਰ ਤੋਂ ਬਾਅਦ ਕਈਆਂ ਨੇ ਸਿੱਧੂ ਨੂੰ  ਚਲ ਚੁਕਾ ਕਾਰਤੂਸ ਵੀ ਦਸਿਆ | ਸਿੱਧੂ ਪਹਿਲਾਂ ਵੀ ਅਪਣੀ ਇੰਟਰਵਿਊ ਵਿਚ ਪ੍ਰਸ਼ਾਂਤ ਤੇ ਅਪਣੀ ਮੁਲਾਕਾਤਾਂ ਦਾ ਜ਼ਿਕਰ ਕਰ ਚੁਕੇ ਹੈ |