ਭਾਰਤ ਵਿਚ ਵਧ ਰਹੀ ਹੈ ਬੇਰੁਜ਼ਗਾਰੀ ਦੀ ਸਮੱਸਿਆ, ਪੰਜ ਸਾਲ ਵਿਚ ਘਟੀਆਂ 2.1 ਕਰੋੜ ਨੌਕਰੀਆਂ

g ਬੇਰੁਜ਼ਗਾਰੀ ਤੋਂ ਪ੍ਰੇਸ਼ਾਨ ਲੋਕਾਂ 'ਚ ਔਰਤਾਂ ਦੀ ਗਿਣਤੀ ਜ਼ਿਆਦਾ g 45 ਕਰੋੜ ਲੋਕਾਂ ਨੇ ਬੰਦ ਕੀਤੀ ਨੌਕਰੀ ਦੀ ਭਾਲ

ਨਵੀਂ ਦਿੱਲੀ, 26 ਅਪ੍ਰੈਲ : ਭਾਰਤ ਵਿਚ ਰੁਜ਼ਗਾਰ ਦੀ ਸਮੱਸਿਆ ਹਰ ਸਾਲ ਡੂੰਘੀ ਹੁੰਦੀ ਜਾ ਰਹੀ ਹੈ | ਹਰ ਸਾਲ ਨੌਕਰੀ ਨਾ ਮਿਲਣ ਤੋਂ ਬਾਅਦ, 45 ਕਰੋੜ ਤੋਂ ਵਧ ਲੋਕ ਅਜਿਹੇ ਹਨ, ਜਿਨ੍ਹਾਂ ਨੇ ਕੰਮ ਦੀ ਭਾਲ ਕਰਨੀ ਹੀ ਛੱਡ ਦਿਤੀ ਹੈ | ਸੈਂਟਰ ਫਾਰ ਮਾਨੀਟਰਿੰਗ ਬੈਡ ਇਕਾਨਮੀ (ਸੀ.ਆਈ.) ਦੀ ਰਿਪੋਰਟ ਮੁਤਾਬਕ ਕੰਮ ਨਾ ਮਿਲਣ ਕਾਰਨ ਨਿਰਾਸ ਲੋਕਾਂ ਵਿਚ ਔਰਤਾਂ ਦੀ ਗਿਣਤੀ ਜ਼ਿਆਦਾ ਹੈ | ਉਨ੍ਹਾਂ ਨੂੰ  ਯੋਗਤਾਵਾਂ ਅਨੁਸਾਰ ਕੰਮ ਨਹੀਂ ਮਿਲ ਰਿਹਾ |
ਦੇਸ਼ ਦੀ ਆਬਾਦੀ ਦੇ ਲਿਹਾਜ਼ ਨਾਲ 2017 ਅਤੇ 2022 ਦੇ ਵਿਚਕਾਰ ਦੇਸ਼ ਵਿਚ ਕਾਮਿਆਂ ਦੀ ਕੁਲ ਗਿਣਤੀ 46% ਤੋਂ ਘਟ ਕੇ 400 ਹੋ ਗਈ ਹੈ | ਰੁਜ਼ਗਾਰ ਵਧਣ ਦੀ ਬਜਾਏ 2.1 ਕਰੋੜ ਨੌਕਰੀਆਂ ਘਟ ਗਈਆਂ ਹਨ | ਭਾਰਤ ਵਿਚ ਇਸ ਸਮੇਂ 10 ਕਰੋੜ ਲੋਕ ਰੁਜ਼ਗਾਰ ਯੋਗ ਹਨ | 45 ਕਰੋੜ ਤੋਂ ਵਧ ਲੋਕਾਂ ਨੇ ਤਾਂ ਹੁਣ ਕੰਮ ਦੀ ਭਾਲ ਛੱਡ ਹੀ ਦਿਤੀ ਹੈ | ਸੁਸਾਇਟੀ ਜਨਰਲ ਜੀਐਸਸੀ (ਬੈਂਗਲੁਰੂ) ਦੇ ਅਰਥ ਸ਼ਾਸਤਰੀ ਕੁਨਾਲ ਕੁਲੁਕਾ ਦਾ ਕਹਿਣਾ ਹੈ ਕਿ ਰੁਜ਼ਗਾਰ ਦੀ ਮੌਜੂਦਾ ਸਥਿਤੀ ਭਾਰਤ ਵਿਚ ਆਰਥਕ ਅਸਮਾਨਤਾਵਾਂ ਪੈਦਾ ਕਰੇਗੀ | ਇਸ ਨੂੰ  'ਕੇ' ਆਕਾਰ ਦਾ ਵਾਧਾ ਕਿਹਾ ਜਾਂਦਾ ਹੈ | ਇਸ ਕਾਰਨ ਅਮੀਰਾਂ ਦੀ ਦੌਲਤ ਬਹੁਤ ਤੇਜ਼ੀ ਨਾਲ ਵਧਦੀ ਹੈ ਜਦਕਿ ਗ਼ਰੀਬਾਂ ਦੀ ਦੌਲਤ ਵਿਚ ਕੋਈ ਵਾਧਾ ਨਹੀਂ ਹੁੰਦਾ | ਭਾਰਤ ਵਿਚ ਵੱਖ-ਵੱਖ ਸਮਾਜਕ ਅਤੇ ਪ੍ਰਵਾਰਕ ਕਾਰਨਾਂ ਕਰ ਕੇ ਔਰਤਾਂ ਨੂੰ  ਰੁਜ਼ਗਾਰ ਦੇ ਬਹੁਤ ਘੱਟ ਮੌਕੇ ਮਿਲ ਰਹੇ ਹਨ | ਔਰਤਾਂ, ਜੋ ਆਬਾਦੀ ਦਾ 49% ਬਣਦੀਆਂ ਹਨ, ਉਨ੍ਹਾਂ ਦਾ ਅਰਥਵਿਵਸਥਾ ਦਾ ਸਿਰਫ਼ 18% ਹਿੱਸਾ ਹੀ ਹੈ | ਇਹ ਹਿੱਸਾ ਵਿਸ਼ਵਵਿਆਪੀ ਔਸਤ ਦਾ ਲਗਭਗ ਅੱਧਾ ਹੈ |              (ਏਜੰਸੀ)