ਕੌਮੀ ਰਾਜਧਾਨੀ ਦਿੱਲੀ ਵਿਖੇ ਹੋਏ ਨਵੰਬਰ 1984 ਦੌਰਾਨ ਸਿੱਖ ਕਤਲੇਆਮ ਵਿਚ ਅਹਿਮ ਭੂਮਿਕਾ ਨਿਭਾਉਣ ਵਾਲੇ
ਨਵੀਂ ਦਿੱਲੀ, 26 ਮਈ (ਸੁਖਰਾਜ ਸਿੰਘ) : ਕੌਮੀ ਰਾਜਧਾਨੀ ਦਿੱਲੀ ਵਿਖੇ ਹੋਏ ਨਵੰਬਰ 1984 ਦੌਰਾਨ ਸਿੱਖ ਕਤਲੇਆਮ ਵਿਚ ਅਹਿਮ ਭੂਮਿਕਾ ਨਿਭਾਉਣ ਵਾਲੇ ਨਰੇਸ਼ ਸਹਿਰਾਵਤ ਵਲੋਂ ਲਗਾਈ ਗਈ ਮੈਡੀਕਲ ਗਰਾਊਂਡ 'ਤੇ ਜ਼ਮਾਨਤ ਦੀ ਅਪੀਲ ਤੇ ਅੱਜ ਹਾਈ ਕੋਰਟ ਨੇ ਵੀਡੀਉ ਕਾਨਫ਼ਰੰਸਸਿੰਗ ਰਾਹੀਂ ਸੁਣਵਾਈ ਕੀਤੀ।
ਹਾਈ ਕੋਰਟ ਵਿਚ ਅੱਜ ਨਰੇਸ਼ ਦੀ ਮੈਡੀਕਲ ਰਿਪੋਰਟ ਜਮਾ ਕਰਵਾਈ ਗਈ ਹੈ। ਵਕੀਲ ਹਰਪ੍ਰੀਤ ਸਿੰਘ ਨੇ ਦਸਿਆ ਕਿ ਅਜ ਅਦਾਲਤ ਅੰਦਰ ਇਹ ਮਾਮਲਾ ਜੱਜ ਸੰਜੀਵ ਨਰੂਲਾ ਅਤੇ ਜੱਜ ਮਨਮੋਹਨ ਦੇ ਸਾਹਮਣੇ ਵੀਡੀਉ ਕਾਨਫ਼ਰੰਸਿੰਗ ਰਾਹੀਂ ਹੋਇਆ ਸੀ।
File photo
ਉਨ੍ਹਾਂ ਕਿਹਾ ਕਿ ਇਹ ਉਹ ਕੇਸ ਹੈ ਜਿਸ ਵਿਚ ਪਟਿਆਲਾ ਹਾਊਸ ਅਦਾਲਤ ਨੇ ਨਵੰਬਰ 2018 'ਚ ਨਰੇਸ਼ ਸਹਿਰਾਵਤ ਨੂੰ ਉਮਰ ਕੈਦ ਅਤੇ ਯਸ਼ਪਾਲ ਨੂੰ ਫਾਂਸੀ ਦੀ ਸਜ਼ਾ ਸੁਣਾਈ ਸੀ। ਦੋਵਾਂ ਨੂੰ 1984 ਵਿਚ ਦਿੱਲੀ ਦੇ ਮਹਿਪਾਲਪੁਰ ਖੇਤਰ ਵਿਚ ਹਰਦੇਵ ਸਿੰਘ ਅਤੇ ਅਵਤਾਰ ਸਿੰਘ ਨੂੰ ਮਾਰਨ ਦੇ ਦੋਸ਼ ਹੇਠ ਦੋਸ਼ੀ ਠਹਿਰਾਇਆ ਗਿਆ ਸੀ। ਸੰਗਤ ਸਿੰਘ, ਸੰਤੋਖ ਸਿੰਘ, ਕੁਲਦੀਪ ਸਿੰਘ ਅਤੇ ਤਰਲੋਕ ਸਿੰਘ ਦਾ ਬਾਕੀ ਪਰਵਾਰ ਹੁਣ ਪੰਜਾਬ ਦੇ ਪਿੰਡ ਡਰੋਲੀ ਵਿਚ ਰਹਿ ਰਿਹਾ ਹੈ। ਇਸ ਮਾਮਲੇ ਦੀ ਅਗਲੀ ਸੁਣਵਾਈ 1 ਜੂਨ ਨੂੰ ਹੋਵੇਗੀ।
