ਚੁਨੌਤੀਆਂ ਭਰਿਆ ਹੋਵੇਗਾ ਨਵਾਂ ਸਾਲ
ਅੰਮ੍ਰਿਤਸਰ (ਸੁਖਵਿੰਦਰਜੀਤ ਸਿੰਘ ਬਹੋੜੂ): ਪੰਥ ਦੀ ਸਿਆਸਤ ਨਵੇਂ ਸਾਲ ਵਿਚ ਭੱਖਣ ਦੀ ਸੰਭਾਵਨਾ ਹੈ। ਇਸ ਰਾਜਨੀਤੀ ਵਿਚ ਸੁਖਦੇਵ ਸਿੰਘ ਢੀਂਡਸਾ ਦੇ ਧੁਰਾ ਬਣਨ ਦੀ ਸੰਭਾਵਨਾ ਹੈ। ਨਵੇਂ ਸਾਲ ਵਿਚ ਸਮੂਹ ਸਿਆਸੀ ਦਲਾਂ ਖ਼ਾਸ ਕਰ ਕੇ ਸ਼੍ਰੋਮਣੀ ਅਕਾਲੀ ਦਲ ਲਈ ਚੁਨੌਤੀਆਂ ਭਰਿਆ ਹੋਵੇਗਾ। ਸੁਖਦੇਵ ਸਿੰਘ ਢੀਂਡਸਾ ਸਮੇਤ ਪੰਥਕ ਦਲ ਕੇਂਦਰ 'ਤੇ ਜ਼ੋਰ ਪਾਉਣਗੇ
Sukhdev Dhindsa
ਕਿ ਉਹ ਸ਼੍ਰੋਮਣੀ ਕਮੇਟੀ ਦੀਆਂ ਚੋਣਾਂ ਕਰਵਾਉਣ ਲਈ ਸਿੱਖ ਗੁਰਦਵਾਰਾ ਚੋਣ ਕਮਿਸ਼ਨ ਦਾ ਗਠਨ ਕਰੇ ਤਾਂ ਜੋ ਸਿੱਖ ਕੌਮ ਦੀ ਮਿੰਨੀ ਸੰਸਦ ਦੀਆਂ ਚੋਣਾਂ ਦਾ ਰਾਹ ਪੱਧਰਾ ਹੋ ਸਕੇ। ਸਿੱਖ ਹਲਕਿਆਂ ਮੁਤਾਬਕ ਸਿੱਖ ਗੁਰਦਵਾਰਾ ਕਮਿਸ਼ਨ ਦੀ ਨਿਯੁਕਤੀ ਹੋਣੀ ਬੜੀ ਜ਼ਰੂਰੀ ਹੈ ਜਿਸ ਬਾਰੇ ਕਿਹਾ ਜਾ ਰਿਹਾ ਹੈ ਕਿ ਜਾਣ-ਬੁਝ ਕੇ ਅਜਿਹਾ ਨਹੀਂ ਕੀਤਾ ਜਾ ਰਿਹਾ।
Beadbi Kand
ਇਹ ਵੀ ਦੋਸ਼ ਲੱਗ ਰਹੇ ਹਨ ਕਿ ਮੋਦੀ ਸਰਕਾਰ ਨਾਲ ਬਾਦਲਾਂ ਦੀ ਸਾਂਝ ਹੋਣ ਕਰ ਕੇ ਵੀ ਮਸਲਾ ਲਟਕਾਇਆ ਜਾ ਰਿਹਾ ਹੈ। ਵਿਧਾਨ ਸਭਾ ਤੇ ਸ਼੍ਰੋਮਣੀ ਕਮੇਟੀ ਚੋਣਾਂ ਦਾ ਜ਼ੋਰ ਫੜਨ ਲਈ, ਸਿਆਸੀ ਦਲ ਆਪਸੀ ਅਭਿਆਸ ਕਰ ਰਹੇ ਹਨ। ਕਾਂਗਰਸ ਪਾਰਟੀ ਵਿਚ ਵੀ ਸੱਭ ਕੁੱਝ ਠੀਕ ਨਹੀਂ। ਕਾਂਗਰਸ ਤੇ ਸ਼੍ਰੋਮਣੀ ਅਕਾਲੀ ਦਲ ਵਿਰੁਧ ਪੰਥਕ ਦਲ ਖ਼ਫ਼ਾ ਹਨ ਕਿ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੀ ਬੇਅਦਬੀ ਦੇ ਦੋਸ਼ੀ ਜਾਣ-ਬੁਝ ਕੇ ਫੜੇ ਨਹੀਂ ਜਾ ਰਹੇ।
Sukhbir badal, parkash Badal
ਸਰਕਾਰ ਇਸ ਪ੍ਰਤੀ ਗੰਭੀਰਤਾ ਨਹੀਂ ਵਿਖਾ ਰਹੀ। ਪੰਜਾਬ ਦੀ ਰਾਜਨੀਤੀ ਸਮਝਣ ਵਾਲਿਆਂ ਮੁਤਾਬਕ ਵਿਰੋਧੀ ਧਿਰ ਅਪਣੀ ਸਮਰੱਥਾ ਅਨੁਸਾਰ ਲੋਕ ਤੇ ਭਖਦੇ ਮਸਲੇ ਚੁਕ ਰਹੀ ਹੈ ਪਰ ਮੁੱਖ ਪਾਰਟੀ ਸ਼੍ਰੋਮਣੀ ਅਕਾਲੀ ਦਲ ਨੇ ਸਿੱਖ ਮਸਲਿਆਂ ਚੰਡੀਗੜ੍ਹ ਪੰਜਾਬ ਨੂੰ ਦੇਣ, ਪੰਜਾਬੀ ਬੋਲਦੇ ਇਲਾਕਿਆਂ, ਦਰਿਆਈ ਮਸਲੇ, ਅਨੰਦਪੁਰ ਸਾਹਿਬ ਦਾ ਮਤਾ, ਵਿਸਾਰ ਦਿਤਾ ਗਿਆ ਹੈ।
Shiromani Akali Dal
ਸਿੱਖ ਵਿਦਵਾਨ ਇਹ ਦੋਸ਼ ਲਾ ਰਹੇ ਹਨ ਕਿ ਸ. ਪ੍ਰਕਾਸ਼ ਸਿੰਘ ਬਾਦਲ ਗ਼ੈਰ-ਮਿਸ਼ਨਰੀ ਬਣ ਗਏ ਹਨ। ਉਹ ਸਮਝੌਤਿਆਂ ਦੀ ਸਿਆਸਤ ਕਰਦੇ ਹਨ ਤਾਂ ਜੋ ਵੋਟ ਬੈਂਕ ਪੱਕਾ ਕੀਤਾ ਜਾ ਸਕੇ। ਅੰਦੋਲਨਾਂ ਵਿਚੋਂ ਨਿਕਲੇ ਸ਼੍ਰੋਮਣੀ ਅਕਾਲੀ ਦਲ ਦਾ ਮੁਢਲਾ ਸਿਧਾਂਤ ਸਿੱਖ ਹਿਤਾਂ ਦੀ ਰਾਖੀ ਕਰਨਾ ਸੀ ਪਰ ਬਾਦਲ ਅਜਿਹਾ ਕੁੱਝ ਨਹੀਂ ਕਰ ਸਕੇ ਅਪਣੇ 15 ਸਾਲਾਂ ਦੇ ਰਾਜ ਵਿਚ।
