ਪਿੰਜੌਰ ਪਰਿਸ਼ਦ ਦੇ ਵਾਰਡ 18 ਦੇ ਪਿੰਡ ਰਾਮਪੁਰ ਸਿਉਦੀ ਦੀ ਮਜ਼ਦੂਰ ਕਲੋਨੀ ਦੀ ਹੈ ਘਟਨਾ

ਚੰਡੀਗੜ੍ਹ - ਪਿੰਜੌਰ ਪਰਿਸ਼ਦ ਦੇ ਵਾਰਡ 18 ਦੇ ਪਿੰਡ ਰਾਮਪੁਰ ਸਿਉਦੀ ਦੀ ਮਜ਼ਦੂਰ ਕਲੋਨੀ ਵਿੱਚ ਅੱਜ ਉਸ ਸਮੇਂ ਹਫੜਾ-ਦਫੜੀ ਮਚ ਗਈ ਜਦੋਂ ਇੱਕ ਮਕਾਨ ਦੀ ਭੰਨ-ਤੋੜ ਕਰਦੇ ਸਮੇਂ ਤਿੰਨ ਮਜ਼ਦੂਰ ਹੇਠਾਂ ਦੱਬ ਕੇ ਗੰਭੀਰ ਜ਼ਖ਼ਮੀ ਹੋ ਗਏ। ਜਿਸ ਵਿਚ ਇੱਕ ਮਜ਼ਦੂਰ ਦੀ ਮੌਤ ਵੀ ਹੋ ਗਈ। ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿਚ ਮ੍ਰਿਤਕ ਰਾਜੂ (53) ਦੇ ਪੁੱਤਰ ਰਾਕੇਸ਼ ਕੁਮਾਰ ਵਾਸੀ ਰਾਮਪੁਰ ਸਿਉੜੀ ਨੇ ਦੱਸਿਆ ਕਿ ਉਹ ਵੁੱਡਲੈਂਡ ਕੰਪਨੀ ਬੱਦੀ ਹਿਮਾਚਲ ਪ੍ਰਦੇਸ਼ ਵਿੱਚ ਪ੍ਰਾਈਵੇਟ ਨੌਕਰੀ ਕਰਦਾ ਹੈ।

 ਉਸ ਨੇ ਦੱਸਿਆ ਕਿ ਉਸ ਦਾ ਪਿਤਾ ਰਾਜੂ ਮਜ਼ਦੂਰੀ ਦਾ ਕੰਮ ਕਰਦਾ ਸੀ। ਅੱਜ ਵੀਰਵਾਰ ਨੂੰ ਉਸ ਦੇ ਪਿਤਾ ਰਾਜੂ ਹੋਤੀ ਲਾਲ ਵਾਸੀ ਲੇਬਰ ਕਲੋਨੀ ਸੂਰਜਪੁਰ ਦੇ ਘਰ ਮਜ਼ਦੂਰੀ ਕਰਨ ਗਏ ਹੋਏ ਸਨ, ਸਮਾਂ ਸਵੇਰੇ 11 ਵਜੇ ਦੇ ਕਰੀਬ ਸੀ ਉਸ ਦੇ ਪਿਤਾ ਪੁਰਾਣੇ ਘਰ ਦਾ ਲੈਂਟਰ ਤੋੜਨ ਦਾ ਕੰਮ ਕਰ ਰਹੇ ਸਨ। ਉਦੋਂ ਅਚਾਨਕ ਘਰ ਦੀ ਛੱਤ ਦਾ ਲੈਂਟਰ ਡਿੱਗ ਗਿਆ ਅਤੇ ਉਸ ਦੇ ਪਿਤਾ ਸੀਮਿੰਟ ਦੇ ਮਲਬੇ ਹੇਠ ਦੱਬ ਗਏ। 

ਜਿਹਨਾਂ ਨੂੰ ਆਸ-ਪਾਸ ਰਹਿਣ ਵਾਲੇ ਲੋਕਾਂ ਦੀ ਮਦਦ ਨਾਲ ਬਾਹਰ ਕੱਢਿਆ ਗਿਆ। ਮਲਬੇ ਹੇਠ ਦੱਬੇ ਜਾਣ ਕਾਰਨ ਉਸ ਦੇ ਪਿਤਾ ਦੇ ਸਿਰ ਅਤੇ ਮੂੰਹ 'ਤੇ ਸੱਟਾਂ ਲੱਗੀਆਂ। ਇਸ ਹਾਦਸੇ ਬਾਰੇ ਉਸ ਨੂੰ ਪਤਾ ਲੱਗਾ ਤਾਂ ਉਹ ਵੀ ਮੌਕੇ 'ਤੇ ਪਹੁੰਚ ਗਿਆ ਅਤੇ ਆਪਣੇ ਪਿਤਾ ਨੂੰ ਨਾਲ ਲੈ ਕੇ ਲੇਬਰ ਕਾਲੋਨੀ ਸੂਰਜਪੁਰ ਵਿਖੇ ਇਲਾਜ ਲਈ ਸਿਵਲ ਹਸਪਤਾਲ ਸੈਕਟਰ-6 ਪੰਚਕੂਲਾ ਲੈ ਗਿਆ, ਜਿੱਥੇ ਡਾਕਟਰ ਨੇ ਮੇਰੇ ਪਿਤਾ ਦਾ ਚੈੱਕਅਪ ਕਰਕੇ ਉਹਨਾਂ ਨੂੰ ਮ੍ਰਿਤਕ ਐਲਾਨ ਦਿੱਤਾ। 

ਇਸ ਮੌਕੇ ਉਨ੍ਹਾਂ ਦੇ ਨਾਲ ਰਜਿੰਦਰ ਅਤੇ ਇੱਕ ਬਾਵਾ ਨਾਮਕ ਦੇ ਦੋ ਹੋਰ ਮਜ਼ਦੂਰ ਵੀ ਜ਼ਖ਼ਮੀ ਹੋ ਗਏ, ਜਿਨ੍ਹਾਂ ਨੂੰ ਹਸਪਤਾਲ ਤੋਂ ਮੁੱਢਲੀ ਸਹਾਇਤਾ ਦੇ ਬਾਅਦ ਘਰ ਭੇਜ ਦਿੱਤਾ ਗਿਆ। ਉਕਤ ਪੁਲਿਸ ਨੇ ਪੋਸਟਮਾਰਟਮ ਕਰਵਾ ਕੇ ਲਾਸ਼ ਵਾਰਸਾਂ ਦੇ ਹਵਾਲੇ ਕਰ ਦਿੱਤੀ।