ਮੰਤਰੀਆਂ ਤੇ ਮੁੱਖ ਸਕੱਤਰ ਦਾ ਵਿਵਾਦ ਸੁਲਝਿਆ
ਚੰਡੀਗੜ੍ਹ : ਆਬਕਾਰੀ ਨੀਤੀ ਬਾਰੇ ਪ੍ਰੀ ਕੈਬਨਿਟ ਮੀਟਿੰਗ ਦੌਰਾਨ ਪੰਜਾਬ ਦੇ ਮੰਤਰੀਆਂ ਅਤੇ ਮੁੱਖ ਸਕੱਤਰ ਕਰਨ ਅਵਤਾਰ ਸਿੰਘ ਵਿਚਕਾਰ ਪੈਦਾ ਹੋਇਆ ਵਿਵਾਦ ਆਖਿਰ ਅੱਜ 19 ਦਿਨਾਂ ਬਾਅਦ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੇ ਦਖ਼ਲ ਨਾਲ ਸੁਲਝ ਗਿਆ ਹੈ। ਅੱਜ ਮੰਤਰੀ ਮੰਡਲ ਦੀ ਮੀਟਿੰਗ ਪੰਜਾਬ ਸਕੱਤਰੇਤ 'ਚ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਪ੍ਰਧਾਨਗੀ ਹੇਠ ਹੋਈ।
Captain Amrinder Singh
ਮੀਟਿੰਗ ਸ਼ੁਰੂ ਹੁੰਦਿਆਂ ਹੀ ਸਭ ਤੋਂ ਪਹਿਲਾਂ ਮੁੱਖ ਸਕੱਤਰ ਕਰਨ ਅਵਤਾਰ ਸਿੰਘ ਨੇ 9 ਮਈ ਦੀ ਪ੍ਰੀ ਕੈਬਨਿਟ ਮੀਟਿੰਗ ਦੌਰਾਨ ਕੁੱਝ ਮੰਤਰੀਆਂ ਨਾਲ ਕੀਤੀ ਬਦਸਲੂਕੀ ਲਈ ਪੂਰੇ ਮੰਤਰੀ ਮੰਡਲ ਤੋਂ ਮਾਫ਼ੀ ਮੰਗੀ ਅਤੇ ਅੱਗੇ ਤੋਂ ਅਜਿਹੀ ਕੋਈ ਸ਼ਿਕਾਇਤ ਨਾ ਆਉਣ ਦਾ ਵੀ ਭਰੋਸਾ ਦਿਤਾ। ਇਸ ਦੀ ਕੈਬਨਿਟ ਮੰਤਰੀ ਮਨਪ੍ਰੀਤ ਸਿੰਘ ਬਾਦਲ ਅਤੇ ਚਰਨਜੀਤ ਸਿੰਘ ਚੰਨੀ ਨੇ ਵੀ ਖੁਦ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆ ਪੁਸ਼ਟੀ ਕੀਤੀ।
File photo
ਉਨ੍ਹਾਂ ਦਸਿਆ ਕਿ ਮੰਤਰੀ ਮੰਡਲ ਨੇ ਇਸ ਨੂੰ ਸਵੀਕਾਰ ਕਰ ਲਿਆ ਹੈ ਅਤੇ ਆਪਣਾ ਮੁੱਖ ਸਕੱਤਰ ਨਾਲ ਨਾ ਬੈਠਣ ਦਾ ਫ਼ੈਸਲਾ ਖ਼ਤਮ ਕਰਦਿਆਂ ਅੱਜ ਮੰਤਰੀ ਮੰਡਲ 'ਚ ਸਾਰੇ ਮੰਤਰੀਆਂ ਨੇ ਕਰਨ ਅਵਤਰ ਦੀ ਮਾਫ਼ੀ ਬਾਅਦ ਹਿੱਸਾ ਲਿਆ। ਇਸ ਮਾਮਲੇ ਨੂੰ ਸੁਲਝਾਉਣ 'ਚ ਮੁੱਖ ਮੰਤਰੀ ਦਾ ਵੀ ਵੱਡਾ ਰੋਲ ਰਿਹਾ ਜਿਨ੍ਹਾਂ ਨੇ ਲੰਚ ਡਿਪਲੋਮੈਸੀ ਦਾ ਰਸਤਾ ਅਪਣਾ ਕੇ ਨਾਰਾਜ਼ ਮੰਤਰੀਆਂ ਨੂੰ ਮੁੱਖ ਸਕੱਤਰ ਨਾਲ ਸੁਲਹਾ ਕਰਵਾਈ।
Manpreet Badal
ਵਿੱਤ ਮੰਤਰੀ ਮਨਪ੍ਰੀਤ ਬਾਦਲ ਨੇ ਮੰਤਰੀ ਮੰਡਲ ਮੀਟਿੰਗ ਖ਼ਤਮ ਹੋਣ ਤੋਂ ਬਾਅਦ ਸਕੱਤਰੇਤ ਦੇ ਬਾਹੇ ਪੱਤਰਕਾਰਾਂ ਨਾਲ ਗੱਲਾਬਤ ਕਰਦਿਆਂ ਇਹ ਖੁਲਾਸਾ ਕੀਤਾ ਕਿ ਮੁੱਖ ਸਕੱਤਰ ਨੇ ਤੀਜੀ ਵਾਰ ਮਾਫ਼ੀ ਮੰਗੀ ਹੈ। ਪਹਿਲੀ ਵਾਰ ਮੇਰੇ ਕੋਲੋਂ 9 ਮਈ ਨੂੰ ਉਸੇ ਦਿਨ ਮਾਫ਼ੀ ਮੰਗੀ ਸੀ ਜਿਸ ਦਿਨ ਪ੍ਰੀ ਕੈਬਨਿਟ ਮੀਟਿੰਗ ਵਿਚ ਵਿਵਾਧ ਹੋਇਆ ਸੀ। ਉਸ ਤੋਂ ਬਾਅਦ ਮੇਰੇ ਪਿਤਾ ਦੇ ਭੋਗ ਸਮੇਂ ਬਾਦਲ ਪਿੰਡ ਪਹੁੰਚ ਕੇ ਫਿਰ ਮਾਫ਼ੀ ਮੰਗੀ ਤੇ ਅੱਜ ਤੀਜੀ ਵਾਰ ਹੋਏ ਵਿਵਾਦ ਬਾਰੇ ਮਾਫ਼ੀ ਮੰਗੀ ਹੈ।
File photo
ਉਨ੍ਹਾਂ ਕਿਹਾ ਕਿ ਆਸੀ ਕੋਈ ਫਰਿਸ਼ਤੇ ਤਾਂ ਨਹੀਂ ਅਤੇ ਇਨਸਨਾ ਹਾਂ। ਇਨਸਾਨਾਂ ਤੋਂ ਗ਼ਲਤੀਆਂ ਹੋ ਜਾਂਦੀਆਂ ਹਨ। ਜੇ ਤਿੰਨ ਵਾਰ ਮਾਫ਼ੀ ਮੰਗਣ ਬਾਅਦ ਵੀ ਨਾ ਮੰਨੀਏ ਤਾਂ ਇਹ ਸਾਡਾ ਹੰਕਾਰ ਹੋਏਗਾ। ਉਨ੍ਹਾਂ ਕਿਹਾ ਕਿ ਲੋਕਤੰਤਰ ਦੀ ਜਿੱਤ ਹੋਈ ਹੈ ਅਤੇ ਇਹ ਗੱਲ ਵੀ ਮਾਫ਼ੀ ਨਾਲ ਸਾਬਤ ਹੋਈ ਕਿ ਲੋਕਾਂ ਦੇ ਚੂਣੇ ਨੁੰਮਾਇੰਦੇ ਅਫ਼ਸਰਸ਼ਾਹੀ ਤੋਂ ਉਪਰ ਹੁੰਦੇ ਹਨ।
Charanjit Channi
ਮੁੱਖ ਸਕੱਤਰ ਵਿਰੁਧ ਸ਼ਰਾਬ ਕਾਰੋਬਾਰ ਮਾਮਲੇ ਵਿਚ ਜਾਂਚ ਦੇ ਮਾਮਲੇ ਬਾਰੇ ਮਨਪ੍ਰੀਤ ਬਾਦਲ ਨੇ ਕਿਹਾ ਕਿ ਇਸ ਬਾਰੇ ਤਾਂ ਮੁੱਖ ਮੰਤਰੀ ਹੀ ਦੱਸ ਸਕਦੇ ਹਨ ਪਰ ਮੈਨੂੰ ਪਤਾ ਲੱਗਾ ਹੈ ਕਿ ਕਰਨ ਅਵਤਾਰ ਨੇ ਲਿਕ ਕੇ ਮੁੱਖ ਮੰਤਰੀ ਨੂੰ ਦਿਤਾ ਹੈ ਕਿ ਉਸ ਦੇ ਬੇਟੇ ਦਾ ਪੰਜਾਬ ਵਿਚ ਸ਼ਰਾਬ ਕਾਰੋਬਾਰ ਵਿਚ ਕੋਈ ਵੀ ਹਿੱਸਾ ਨਹੀਂ ਹੈ। ਚਰਨਜੀਤ ਸਿੰਘ ਚੰਨੀ ਨੇ ਗੱਲਬਾਤ ਦੌਰਾਨ ਕਿਹਾ ਕਿ ਮੁੱਖ ਸਕੱਤਰ ਦਾ ਝਗੜਾ ਤਾਂ ਮੇਰੇ ਨਾਲ ਹੀ ਹੋਇਆ ਸੀ ਪਰ ਇਹ ਕਿਸੇ ਇਕ ਵਿਅਕਤੀ ਦੀ ਹਊਮੈ ਦਾ ਵਿਵਾਦ ਨਹੀਂ ਸੀ ਬਲਕਿ ਲੋਕਾਂ ਦੇ ਚੁਣੇ ਨੁੰਮਾਇਦਿਆਂ ਦੇ ਸਤਿਕਾਰ ਦੀ ਲੜਾਈ ਸੀ।
jakhar
ਮਾਫ਼ੀ ਮੰਗਣ ਨਾਲ ਵੱਡੀ ਗੱਲ ਹੋਈ ਹੈ ਕਿ ਅਫ਼ਸਰਸ਼ਾਹੀ ਦੇ ਲੋਕ ਨੁੰਮਾਇਦਿਆਂ ਦੀ ਤਾਕਤ ਨੂੰ ਮੰਨਿਆ ਹੈ। ਅਸੀ ਇਹੀ ਚਾਹੁੰਦੇ ਹਾਂ ਕਿ ਲੋਕਾਂ ਦੇ ਚੁਣੇ ਨੁੰਮਾਇਦਿਆਂ ਨੂੰ ਹਰ ਪੱਧਰ ਉਤੇ ਸਰਕਾਰ-ਦਰਬਾਰ ਮਾਣ ਸਤਿਕਾਰ ਮਿਲੇ। ਜ਼ਿਕਰਯੋਗ ਹੈ ਕਿ ਅਪਣੇ ਸੀਸਵਾਂ ਫ਼ਾਰਮ ਹਾਊਸ ਉਤੇ ਬੁਲਾ ਕੇ ਮੁੱਖ ਮੰਤਰੀ ਵਲੋਂ ਕੈਬਨਿਟ ਮੰਤਰੀ ਸੁਖਜਿੰਦਰ ਰੰਧਾਵਾ ਤੋਂ ਇਲਾਵਾ ਬਾਅਦ ਵਿਚ ਮਨਪ੍ਰੀਤ ਬਾਦਲ ਤੇ ਚਰਨਜੀਤ ਚੰਨੀ ਨਾਲ ਵੀ ਮੀਟਿੰਗਾਂ ਕੀਤੀਆਂ ਸਨ। ਮੰਤਰੀਆਂ ਦੇ ਸਮੱਰਥਨ ਆਏ ਵਿਧਾਇਕਾਂ ਦੇ ਰਾਜਾ ਵੜਿੰਗ, ਪ੍ਰਗਟ ਸਿੰਘ ਤੇ ਸੰਗਤ ਸਿੰਘ ਗਿਲਜੀਆਂ ਨਾਲ ਪ੍ਰਦੇਸ਼ ਕਾਂਗਰਸ ਪ੍ਰਧਾਨ ਸੁਨੀਲ ਜਾਖੜ ਨੂੰ ਵੀ ਲੰਚ ਮੀਟਿੰਗਾਂ ਵਿਚ ਸੱਦਿਆ ਸੀ।
Vikram Singh Majithia
ਮਜੀਠੀਆ ਨੇ ਪੁਛਿਆ : 56 ਹਜ਼ਾਰ ਕਰੋੜ ਦੇ ਘਾਟੇ ਦਾ ਕੀ ਬਣਿਆ
ਅਕਾਲੀ ਆਗੂ ਬਿਕਰਮ ਸਿੰਘ ਮਜੀਠੀਆ ਨੇ ਕਿਹਾ ਕਿ ਬੰਦ ਕਮਰੇ ਦੀ ਮੀਟਿੰਗ ਵਿਚ ਪਤਾ ਨਹੀਂ ਕਿਸ ਨੇ ਕਿਸ ਤੋਂ ਮਾਫ਼ੀ ਮੰਗੀ ਪਰ ਸਾਨੂੰ ਤਾਂ ਇਹ ਜਾਣਨ ਵਿਚ ਦਿਲਚਸਪੀ ਹੈ ਕਿ ਐਕਸਾਈਜ਼ ਨੀਤੀ ਦਾ ਕੀ ਬਣਿਆ ਤੇ ਪੰਜਾਬ ਨੂੰ ਪਏ 56000 ਕਰੋੜ ਦਾ ਕੀ ਬਣਿਆ? ਇਨ੍ਹਾਂ ਸੇਵਾਵਾਂ ਸਾਹਮਣੇ ਮਾਫ਼ੀ ਜਾਂ ਨਾ ਮਾਫ਼ੀ ਦਾ ਕੋਈ ਮਹੱਤਵ ਨਹੀਂ।
