ਪਿਛਲੇ ਸਾਲਾਂ'ਚ 14 ਹਜ਼ਾਰ ਮੈਗਾਵਾਟ ਤੋਂ ਉਪਰ ਲੰਘ ਗਈ ਸੀ
ਚੰਡੀਗੜ੍ਹ : ਕੋਰੋਨਾ ਬੀਮਾਰੀ ਕਾਰਨ ਹੋਟਲ, ਰੈਸਟੋਰੈਂਟ ਅਤੇ ਉਦਯੋਗਾਂ 'ਚ ਬਿਜਲੀ ਦੀ ਮੰਗ ਘੱਟ ਰਹਿਣ ਕਾਰਨ ਝੋਨੇ ਦੀ ਲੁਆਈ ਸਮੇਂ ਦੀ ਬਿਜਲੀ ਦੀ ਮੰਗ ਪਿਛਲੇ ਸਾਲਾਂ ਦੇ ਮੁਕਾਬਲੇ ਅਜੇ ਤਕ ਕਾਫ਼ੀ ਘੱਟ ਰਹੀ ਹੈ। ਸਾਰੇ ਦੇਸ਼ 'ਚ ਹੀ ਬਿਜਲੀ ਦੀ ਮੰਗ ਨਾਲ ਗਰਮੀਆਂ ਵਿਚ ਵੀ ਘੱਟ ਰਹਿਣ ਕਾਰਨ ਪੰਜਾਬ ਨੂੰ ਦੂਜੇ ਸੂਬਿਆਂ ਤੋਂ ਵੀ ਘੱਟ ਰੇਟ 'ਤੇ ਬਿਜਲੀ ਉਪਲਬਧ ਹੋ ਰਹੀ ਹੈ। ਝੋਨੇ ਦੀ ਫ਼ਸਲ ਸਮੇਂ ਮੰਗ ਘੱਟ ਰਹਿਣ ਅਤੇ ਖ਼ਰੀਦੀ ਜਾ ਰਹੀ ਬਿਜਲੀ ਕੀਮਤ ਦਰਾਂ ਵੀ ਘੱਟ ਰਹਿਣ ਕਾਰਨ ਬਿਜਲੀ ਕਾਰਪੋਰੇਸ਼ਨ ਨੇ ਸੁੱਖ ਦਾ ਸਾਹ ਲਿਆ ਹੈ। ਝੋਨੇ ਦੀ ਲੁਆਈ ਸਮੇਂ ਪੰਜਾਬ ਵਿਚ ਬਿਜਲੀ ਦੀ ਮੰਗ ਪਿਛਲੇ ਸਾਲ 14 ਹਜ਼ਾਰ ਮੈਗਾਵਾਟ ਤੋਂ ਵੀ ਉਪਰ ਚਲੇ ਗਈ ਸੀ।
electricity
ਪੰਜਾਬ ਬਿਜਲੀ ਕਾਰਪੋਰੇਸ਼ਨ ਦੇ ਸੂਤਰਾਂ ਅਨੁਸਾਰ 27 ਜੂਨ ਨੂੰ ਵੱਧ ਤੋਂ ਵੱਧ ਬਿਜਲੀ ਦੀ ਮੰਗ 12090 ਮੈਗਾਵਾਟ ਰਹੀ ਜਦਕਿ ਪਿਛਲੇ ਸਾਲ ਇਸੇ ਦਿਨ ਬਿਜਲੀ ਦੀ ਮੰਗ 12842 ਮੈਗਾਵਾਟ ਸੀ। ਉਨ੍ਹਾਂ ਦੱਸਿਆ ਕਿ ਪੰਜਾਬ ਬਿਜਲੀ ਕਾਰਪੋਰੇਸ਼ਨ ਦੇ ਆਪਣੇ ਸਾਰੇ ਸਾਧਨਾਂ ਤੇ ਸਮੇਤ ਪ੍ਰਾਈਵੇਟ ਥਰਮਲ ਪਲਾਂਟਾਂ ਦੀ ਬਿਜਲੀ ਅਤੇ ਰਾਜ ਦੇ ਹਾਈਡਰੋ ਸਾਧਨਾਂ ਤੋਂ ਕੁੱਲ 6244 ਮੈਗਾਵਾਟ ਬਿਜਲੀ ਉਪਲਬਧ ਹੋ ਰਹੀ ਹੈ। 6257 ਮੈਗਾਵਾਟ ਬਿਜਲੀ ਬਾਹਰਲੇ ਸਾਧਨਾਂ ਤੋਂ ਲਈ ਜਾ ਰਹੀ ਹੈ।
Electricity
ਇਸ ਵਿਚ ਰਾਜ ਤੋਂ ਬਾਹਰਲੇ ਥਰਮਲ ਪਲਾਂਟਾਂ ਤੋਂ ਪੰਜਾਬ ਦੇ ਹਿੱਸੇ ਦੀ ਬਿਜਲੀ ਅਤੇ ਕੇਂਦਰ ਸਰਕਾਰ ਦੇ ਥਰਮਲ ਪਲਾਟਾਂ ਤੋਂ ਰਾਜ ਦੇ ਹਿੱਸੇ ਦੀ ਮਿਲਦੀ ਬਿਜਲੀ ਵੀ ਸ਼ਾਮਲ ਹੈ। ਇਸ ਵਿਚ ਉਹ ਬਿਜਲੀ ਵੀ ਸ਼ਾਮਲ ਹੈ, ਜੋ ਬਾਹਰਲੇ ਰਾਜਾਂ ਤੋਂ ਖ਼ਰਚੀ ਜਾ ਰਹੀ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਸਾਲ ਰਾਹਤ ਵਾਲੀ ਇਹ ਗੱਲ ਹੈ ਕਿ ਬਾਹਰਲੇ ਰਾਜਾਂ ਤੋਂ ਖਰੀਦੀ ਜਾ ਰਹੀ ਬਿਜਲੀ ਬਹੁਤ ਹੀ ਸਸਤੀ ਹੈ ਕਿਉਂਕਿ ਇਸ ਸਾਲ ਪੂਰੇ ਦੇਸ਼ 'ਚ ਬਿਜਲੀ ਦੀ ਮੰਗ ਘੱਟ ਹੈ ਅਤੇ ਉਤਪਾਦਨ ਵੱਧ ਹੈ।
Electricity
ਉਨ੍ਹਾਂ ਇਹ ਵੀ ਸਪੱਸ਼ਟ ਕੀਤਾ ਹੈ ਕਿ ਪੰਜਾਬ ਦੇ ਤਿੰਨ ਪ੍ਰਾਈਵੇਟ ਥਰਮਲ ਪਲਾਂਟਾਂ ਤੋਂ ਮਿਲ ਰਹੀ ਬਿਜਲੀ ਦਾ ਰੇਟ 4 ਰੁਪਏ 40 ਪੈਸੇ ਤੋਂ 4 ਰੁਪਏ 72 ਪੈਸੇ ਤਕ ਰਿਹਾ ਹੈ। ਸਭ ਤੋਂ ਵੱਧ ਰੇਟ ਗੋਇੰਦਵਾਲ ਥਰਮਲ ਪਲਾਂਟ ਦਾ ਹੈ ਜੋ 4 ਰੁਪਏ 72 ਪੈਸੇ ਬਣਣਾ ਹੈ।
electricity
ਰਾਜਪੁਰਾ ਅਤੇ ਤਲਵੰਡੀ ਸਾਬੋ ਪਲਾਂਟਾਂ ਦਾ ਰੇਟ ਕ੍ਰਮਵਾਰ 4 ਰੁਪਏ 40 ਪੈਸੇ ਅਤੇ 4 ਰੁਪਏ 41 ਪੈਸੇ ਆਇਆ ਹੈ। ਉਨ੍ਹਾਂ ਇਹ ਵੀ ਸਪੱਸ਼ਟ ਕੀਤਾ ਕਿ ਸਾਰੇ ਸਾਧਨਾਂ ਤੋਂ ਪੈਦਾ ਹੋਈ ਬਿਜਲੀ ਦਾ ਰੇਟ ਪਿਛਲੇ ਸਾਲ ਔਸਤਨ 4 ਰੁਪਏ 10 ਪੈਸੇ ਆਇਆ ਹੈ। ਬਾਕੀ ਇਸ ਉਪਰ ਟੈਕਸ ਅਤੇ ਸੈੱਸ ਲੱਗਣ ਕਾਰਨ ਬਿਜਲੀ 7 ਤੋਂ 9 ਰੁਪਏ ਤਕ ਮਿਲਦੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ ।
