image
ਯੂਕਰੇਨ ਨੇ ਰੂਸ ਨਾਲ ਪਰਮਾਣੂ ਸੁਰੱਖਿਆ ਸਮਝੌਤੇ ਕੀਤੇ ਖ਼ਤਮ
ਕੀਵ, 27 ਜੂਨ : ਯੂਕਰੇਨ ਨੇ ਰੂਸ ਨਾਲ ਪਰਮਾਣੂ ਸੁਰੱਖਿਆ ਦੋ ਸਮਝੌਤੇ ਖ਼ਤਮ ਕਰ ਦਿਤੇ ਹਨ | ਯੂਕਰੇਨ ਦੇ ਰਾਜ ਨਿਊਕਲੀਅਰ ਰੈਗੂਲੇਟਰੀ ਇੰਸਪੈਕਟੋਰੇਟ ਨੇ ਇਹ ਜਾਣਕਾਰੀ ਦਿਤੀ | ਮੰਤਰਾਲਾ ਨੇ ਕਿਹਾ ਕਿ ਰਾਜ ਨਿਊਕਲੀਅਰ ਰੈਗੂਲੇਟਰੀ ਇੰਸਪੈਕਟੋਰੇਟ ਨੇ ਰੂਸ ਨਾਲ ਪਰਮਾਣੂ ਸੁਰੱਖਿਆ ਸਮਝੌਤੇ ਖ਼ਤਮ ਕਰ ਲਏ ਹਨ | ਪਹਿਲਾ ਸਮਝੌਤਾ ਯੂਕ੍ਰੇਨ ਦੇ ਵਾਤਾਵਰਣ ਸੁਰੱਖਿਆ ਅਤੇ ਪਰਮਾਣੂੰ ਸੁਰੱਖਿਆ ਮੰਤਰਾਲਾ ਅਤੇ ਪਰਮਾਣੂੰ ਅਤੇ ਰੇਡੀਏਸ਼ਨ ਸੁਰੱਖਿਆ ਲਈ ਰੂਸ ਦੀ ਸੰਘੀ ਨਿਰੀਖਣ ਵਿਚਕਾਰ 19 ਸਤੰਬਰ 1996 ਨੂੰ ਵਿਏਨਾ 'ਚ ਹੋਈ ਸੀ | ਉਥੇ ਹੀ ਦੂਜਾ ਸਮਝੌਤਾ 14 ਅਗਸਤ 2022 ਨੂੰ ਰੂਸ 'ਚ ਯੂਕ੍ਰੇਨ ਦੇ ਰਾਜ ਨਿਊਕਲੀਅਰ ਰੈਗੂਲੇਟਰੀ ਇੰਸਪੈਕਟੋਰੇਟ ਅਤੇ ਰੂਸ ਦੇ ਸੰਘੀ ਨਿਰੀਖਣ ਵਿਚਾਲੇ ਸ਼ਾਂਤੀਪੂਰਨ ਉਦੇਸ਼ ਲਈ ਪਰਮਾਣੂ ਊਰਜਾ ਦੀ ਵਰਤੋਂ ਕਰਦੇ ਸਮੇਂ ਸੁਰੱਖਿਆ ਰੇਗੂਲੇਸ਼ਨ ਦੇ ਖੇਤਰ 'ਚ ਸੂਚਨਾ ਅਤੇ ਸਹਿਯੋਗ ਦੇ ਆਦਾਨ-ਪ੍ਰਦਾਨ 'ਤੇ ਹੋਈ ਸੀ | (ਏਜੰਸੀ)
