ਘਟਨਾ ਦੀ ਵੀਡੀਉ ਹੋਈ ਵਾਇਰਲ
Elderly Man Murdered with Sharp Weapons in Ludhiana Latest News in Punjabi ਲੁਧਿਆਣਾ ਦੇ ਦੁਗਰੀ 200 ਫੁੱਟੀ ਰੋਡ ਉਤੇ ਕੁਲਦੀਪ ਸਿੰਘ ਨਾਮ ਦਾ ਇਕ ਬਜ਼ੁਰਗ ਅਪਣੇ ਫਾਰਮ ਹਾਊਸ ਤੋਂ ਅਪਣੀ ਕਾਰ ਵਿਚ ਘਰ ਨੂੰ ਜਾ ਰਿਹਾ ਸੀ। ਉਸ ਦੇ ਪਿੱਛੋਂ ਦੋ ਸਵਿਫ਼ਟ ਕਾਰ ਸਵਾਰ ਨੌਜਵਾਨਾਂ ਨੇ ਪਹਿਲਾਂ ਗੱਡੀ ਨੂੰ ਟੱਕਰ ਮਾਰੀ ਫਿਰ ਖ਼ੂਨੀ ਖੇਡ ਖੇਡਿਆ। ਬਜ਼ੁਰਗ ਵਿਅਕਤੀ ਉੱਪਰ ਤੇਜ਼ਧਰ ਹਥਿਆਰਾਂ ਦੇ ਨਾਲ ਹਮਲਾ ਕਰ ਦਿਤਾ ਅਤੇ ਉਸ ਦਾ ਬੇਰਹਿਮੀ ਨਾਲ ਕਤਲ ਕਰ ਦਿਤਾ।
ਜ਼ਿਕਰਯੋਗ ਹੈ ਕਿ ਕੁਲਦੀਪ ਸਿੰਘ ਪ੍ਰਾਪਰਟੀ ਡੀਲਰ ਦਾ ਕੰਮ ਕਰਦਾ ਸੀ ਹਾਲਾਂਕਿ ਇਸ ਬਾਰੇ ਅਜੇ ਕੁੱਝ ਵੀ ਨਹੀਂ ਪਤਾ ਲੱਗਾ ਕਿ ਕੁਲਦੀਪ ਸਿੰਘ ’ਤੇ ਹਮਲਾ ਕਰਨ ਵਾਲੇ ਨੌਜਵਾਨ ਕੌਣ ਸਨ ਤੇ ਹਮਲਾ ਕਿਉਂ ਕੀਤਾ ਗਿਆ ਹੈ।
ਕੁਲਦੀਪ ਸਿੰਘ ਮੁੰਡੀਆ ਰਾਤ ਨੂੰ ਅਪਣੇ ਫਾਰਮ ਹਾਊਸ ਤੋਂ ਅਪਣੀ ਕਾਰ ਵਿਚ ਨਿਕਲਿਆ ਸੀ। ਉਸ ਦਾ ਪਿੱਛਾ ਕਰ ਰਹੇ ਕਾਰ ਵਿਚ ਸਵਾਰ ਬਦਮਾਸ਼ਾਂ ਨੇ ਉਸ ਨੂੰ ਹਾਈਵੇਅ ’ਤੇ ਘੇਰ ਲਿਆ। ਬਦਮਾਸ਼ਾਂ ਨੇ ਉਸ ਨੂੰ ਕਾਰ ਵਿਚੋਂ ਬਾਹਰ ਕੱਢਿਆ ਅਤੇ ਉਸ ਨੂੰ ਬੇਰਹਿਮੀ ਨਾਲ ਕੁੱਟਿਆ। ਬਜ਼ੁਰਗ ਮਦਦ ਲਈ ਚੀਕਦਾ ਰਿਹਾ ਪਰ ਕਿਸੇ ਨੇ ਉਸ ਦੀ ਮਦਦ ਨਹੀਂ ਕੀਤੀ।
ਹਮਲਾਵਰਾਂ ਨੇ ਬਜ਼ੁਰਗ ਨੂੰ ਜ਼ਮੀਨ ’ਤੇ ਲਿਟਾ ਕੇ ਉਸ ਉਪਰ ਤਲਵਾਰ ਨਾਲ ਉਦੋਂ ਤਕ ਹਮਲਾ ਕੀਤਾ ਜਦੋਂ ਤਕ ਬਜ਼ੁਰਗ ਦੀ ਮੌਤ ਨਹੀਂ ਹੋ ਗਈ। ਕਤਲ ਦੀ ਵੀਡੀਉ ਵਿਚ ਲਗਭਗ 3 ਤੋਂ 4 ਲੋਕ ਉਸ ਨੂੰ ਕੁੱਟਦੇ ਦਿਖਾਈ ਦੇ ਰਹੇ ਹਨ। ਵੀਡੀਉ ਵਿਚ ਗੋਲੀ ਚੱਲਣ ਦੀ ਆਵਾਜ਼ ਵੀ ਸੁਣਾਈ ਦੇ ਰਹੀ ਹੈ। ਜਾਣਕਾਰੀ ਅਨੁਸਾਰ ਬਜ਼ੁਰਗ ਵਿਦੇਸ਼ ਵਿਚ ਕੁੱਝ ਸਮਾਂ ਬਿਤਾਉਣ ਤੋਂ ਬਾਅਦ, ਉਹ ਲੁਧਿਆਣਾ ਵਾਪਸ ਆਇਆ ਸੀ।
ਜ਼ਖ਼ਮੀ ਨੂੰ ਸੜਕ ਦੇ ਵਿਚਕਾਰ ਖ਼ੂਨ ਨਾਲ ਲੱਥਪੱਥ ਪਿਆ ਦੇਖ ਕੇ ਰਾਹਗੀਰਾਂ ਨੇ ਤੁਰਤ ਪੁਲਿਸ ਕੰਟਰੋਲ ਰੂਮ ਨੂੰ ਸੂਚਿਤ ਕੀਤਾ। ਥਾਣਾ ਸਦਰ ਦੀ ਐਸਐਚਓ ਅਵਨੀਤ ਕੌਰ ਅਤੇ ਥਾਣਾ ਦੁੱਗਰੀ ਤੋਂ ਪੁਲਿਸ ਪਹੁੰਹ ਗਈ। ਖ਼ੂਨ ਨਾਲ ਲੱਥਪੱਥ ਕੁਲਦੀਪ ਸਿੰਘ ਨੂੰ ਸਿਵਲ ਹਸਪਤਾਲ ਲਿਜਾਇਆ ਗਿਆ ਜਿੱਥੇ ਉਨ੍ਹਾਂ ਦੀ ਲਾਸ਼ ਨੂੰ ਪੋਸਟਮਾਰਟਮ ਲਈ ਮੁਰਦਾਘਰ ਵਿਚ ਰੱਖਿਆ ਗਿਆ ਹੈ।
