ਜਿਨ੍ਹਾਂ ਲੋਕਾਂ ਵਿਚ ਕੋਵਿਡ -19 ਦੇ ਲੱਛਣ ਨਹੀਂ, ਉਨ੍ਹਾਂ ਦੀ ਜਾਂਚ ਵੀ ਜ਼ਰੂਰੀ : ਡਬਲਿਊ.ਐਚ.ਓ
ਜਿਨ੍ਹਾਂ 'ਚ ਕੋਰੋਨਾ ਦੇ ਲੱਛਣ ਨਹੀਂ ਉਨ੍ਹਾਂ ਲਈ ਲਾਜ਼ਮੀ ਨਹੀਂ ਕੋਵਿਡ ਟੈਸਟ : ਅਮਰੀਕਾ
ਜੀਨੇਵਾ, 28 ਅਗੱਸਤ : ਵਿਸ਼ਵ ਸਿਹਤ ਸੰਗਠਨ ਨੇ ਵੀਰਵਾਰ ਨੂੰ ਕਿਹਾ ਕਿ ਦੇਸ਼ਾਂ ਨੂੰ ਕੋਰੋਨਾ ਵਾਇਰਸ ਦੀ ਲਾਗ ਦੇ ਕੇਸਾਂ ਦਾ ਪਤਾ ਲਗਾਉਣ ਲਈ ਲੋਕਾਂ ਦੀ ਜਾਂਚ ਕਰਨੀ ਚਾਹੀਦੀ ਹੈ ਅਤੇ ਉਨ੍ਹਾਂ ਦੀ ਜਾਂਚ ਵੀ ਕਰਨੀ ਚਾਹੀਦੀ ਹੈ ਜਿਨ੍ਹਾਂ 'ਚ ਲਾਗ ਦੇ ਲੱਛਣ ਨਹੀਂ ਹੁੰਦੇ। ਇਹ ਰੁਖ਼ ਅਮਰੀਕਾ ਦੀ ਅਪਣੀ ਨੀਤੀ 'ਚ ਹਾਲ ਹੀ ਵਿਚ ਹੋਏ ਬਦਲਾਵਾਂ ਦੇ ਉਲਟ ਹੈ। ਇਸ ਤੋਂ ਪਹਿਲਾਂ, ਅਮਰੀਕੀ ਸਿਹਤ ਏਜੰਸੀ ਨੇ ਅਪਣੀ ਨੀਤੀ ਨੂੰ ਬਦਲਦਿਆਂ ਕਿਹਾ ਸੀ ਕਿ ਉਹ ਲੋਕ ਜੋ ਪੀੜਤ ਲੋਕਾਂ ਦੇ ਸੰਪਰਕ 'ਚ ਆਉਂਦੇ ਹਨ ਜਿਨ੍ਹਾਂ 'ਚ ਲਾਗ ਦੇ ਲੱਛਣ ਨਹੀਂ ਹੁੰਦੇ, ਉਨ੍ਹਾਂ ਦੀ ਜਾਂਚ ਕਰਨ ਦੀ ਜ਼ਰੂਰਤ ਨਹੀਂ ਹੈ। ਕੋਵਿਡ -19 ਲਈ ਡਬਲਿਊ.ਐਚ.ਓ ਦੀ ਤਕਨਾਲੋਜੀ ਦੀ ਮੁਖੀ ਮਾਰੀਆ ਵੈਨ ਕੇਰਖੋਵੇ ਨੇ ਇਕ ਪ੍ਰੱੈਸ ਕਾਨਫ਼ਰੰਸ 'ਚ ਕਿਹਾ ਕਿ “ਜਾਂਚ ਨੂੰ ਵਧਾਇਆ ਜਾਣਾ ਚਾਹੀਦਾ ਹੈ ਅਤੇ ਉਨ੍ਹਾਂ ਦੀ ਜਾਂਚ ਵੀ ਕੀਤੀ ਜਾਣੀ ਚਾਹੀਦੀ ਹੈ ਜਿਨ੍ਹਾਂ 'ਚ ਲਾਗ ਦੇ ਲੱਛਣ ਜਾਂ ਤਾਂ ਹਲਕੇ ਹੁੰਦੇ ਹਨ ਜਾਂ ਮੌਜੂਦ ਨਹੀਂ ਹੁੰਦੇ।''
ਕੇਰਖੋਵ ਨੇ ਕਿਹਾ, “ਇਹ ਬਹੁਤ ਮਹੱਤਵਪੂਰਨ ਹੈ ਕਿ ਜਾਂਚ ਨੂੰ ਇਕ ਮੌਕੇ ਵਜੋਂ ਲਿਆ ਜਾਵੇ ਤਾਂ ਜੋ ਪੀੜਤ ਲੋਕਾਂ ਨੂੰ ਅਲੱਗ ਕੀਤਾ ਜਾ ਸਕੇ, ਉਹਨਾਂ ਦੇ ਸੰਪਰਕ ਲੱਭੇ ਜਾ ਸਕਣ। ਲਾਗ ਦੇ ਸੰਪਰਕ ਨੂੰ ਤੋੜਨ ਦੀ ਇਹ ਮੁਢਲੀ ਜ਼ਰੂਰਤ ਹੈ।'' ਉਨ੍ਹਾਂ ਕਿਹਾ ਕਿ ਇਹ ਚਿੰਤਾ ਦੀ ਗੱਲ ਹੈ ਕਿ ਲੋਕ ਹੁਣ ਸਮਾਜਕ ਦੂਰੀ ਦੇ ਨਿਯਮਾਂ ਦੀ ਸਖ਼ਤੀ ਨਾਲ ਪਾਲਣਾ ਨਹੀਂ ਕਰ ਰਹੇ। ਕੇਰਖੋਵ ਅਨੁਸਾ ਰ, ਮਾਸਕ ਪਹਿਨਣ ਤੋਂ ਬਾਅਦ ਵੀ ਘੱਟੋ ਘੱਟ ਇਕ ਮੀਟਰ ਦੀ ਦੂਰੀ ਬਣਾਈ ਰਖਣਾ ਜ਼ਰੂਰੀ ਹੈ।