Advertisement
  ਖ਼ਬਰਾਂ   ਪੰਜਾਬ  28 Sep 2020  ਸਿੱਖ ਭਾਈਚਾਰੇ ਦੇ ਸਹਿਯੋਗ ਨਾਲ ਆਬਾਦ ਹੋਈ 70 ਸਾਲ ਪੁਰਾਣੀ ਮਸਜਿਦ

ਸਿੱਖ ਭਾਈਚਾਰੇ ਦੇ ਸਹਿਯੋਗ ਨਾਲ ਆਬਾਦ ਹੋਈ 70 ਸਾਲ ਪੁਰਾਣੀ ਮਸਜਿਦ

ਸਪੋਕਸਮੈਨ ਸਮਾਚਾਰ ਸੇਵਾ | Edited by : GAGANDEEP
Published Sep 28, 2020, 3:09 pm IST
Updated Sep 28, 2020, 3:09 pm IST
70 ਮਗਰੋਂ ਮਸਜਿਦ ਵਿਚ ਅਦਾ ਕੀਤੀ ਗਈ ਨਮਾਜ਼
old masjid  abaad
 old masjid abaad

ਮਲੇਰਕੋਟਲਾ: ਰਾਏਕੋਟ ਦੇ ਪਿੰਡ ਤੁੰਗਾਹੇੜੀ ਵਿਚ ਉਸ ਸਮੇਂ ਸਿੱਖ-ਮੁਸਲਿਮ ਭਾਈਚਾਰੇ ਦੀ ਮਿਸਾਲ ਦੇਖਣ ਨੂੰ ਮਿਲੀ ਜਦੋਂ ਪਿੰਡ ਦੇ ਸਿੱਖ ਭਾਈਚਾਰੇ ਨੇ ਪਿੰਡ ਵਿਚ ਆਜ਼ਾਦੀ ਤੋਂ ਪਹਿਲਾਂ ਦੀ ਬਣੀ ਇਕ ਬੇਆਬਾਦ ਮਸਜਿਦ ਨੂੰ ਮੁਸਲਿਮ ਭਾਈਚਾਰੇ ਨੂੰ ਸੌਂਪ ਦਿੱਤਾ। ਮਲੇਰਕੋਟਲਾ ਤੋਂ ਰਾਏਕੋਟ ਰੋਡ 'ਤੇ ਸਥਿਤ ਇਸ ਪਿੰਡ ਵਿਚ ਸਿਰਫ਼ ਇਕ ਘਰ ਹੀ ਮੁਸਲਮਾਨਾਂ ਦਾ ਸੀ, ਜਿਸ ਕਰਕੇ ਇਹ ਮਸਜਿਦ ਪਿਛਲੇ ਕਰੀਬ 70 ਸਾਲਾਂ ਤੋਂ ਬੇਆਬਾਦ ਅਤੇ ਵਿਰਾਨ ਪਈ ਸੀ।

photoold masjid  abaad

ਹੁਣ ਇਸ ਮਸਜਿਦ ਨੂੰ ਪਿੰਡ ਦੇ ਸਿੱਖ ਭਾਈਚਾਰੇ ਦੇ ਸਹਿਯੋਗ ਨਾਲ ਮੌਲਾਨਾ ਮੁਜ਼ਤਵਾ ਯਜ਼ਦਾਨੀ ਵੱਲੋਂ ਮੁੜ ਤੋਂ ਆਬਾਦ ਕੀਤਾ ਗਿਆ ਏ ਅਤੇ ਆਜ਼ਾਦੀ ਤੋਂ ਬਾਅਦ ਕਰੀਬ 70 ਸਾਲ ਮਗਰੋਂ ਇਸ ਮਸਜਿਦ ਵਿਚ ਮੁੜ ਤੋਂ ਨਮਾਜ਼ ਅਦਾ ਕੀਤੀ ਗਈ।

photoold masjid  abaad

ਇਸ ਮੌਕੇ ਬੋਲਦਿਆਂ ਮੌਲਾਨਾ ਸਮੇਤ ਪਿੰਡ ਦੇ ਹੋਰ ਮੋਹਤਬਰ ਵਿਅਕਤੀਆਂ ਸਰਪੰਚ ਮਹਿੰਦਰ ਸਿੰਘ, ਸਾਬਕਾ ਸਰਪੰਚ ਕੁਲਵਿੰਦਰ ਸਿੰਘ ਧਾਲੀਵਾਲ, ਨੰਬਰਦਾਰ ਮਾਨ ਸਿੰਘ, ਸੁਖਵਿੰਦਰ ਸਿੰਘ ਸਾਬਕਾ ਪੰਚ ਨੇ ਕਿਹਾ ਕਿ ਇਸ ਮਸਜਿਦ ਦੇ ਆਬਾਦ ਹੋਣ ਨਾਲ ਸਿੱਖ ਮੁਸਲਿਮ ਭਾਈਚਾਰੇ ਦੀ ਮਿਸਾਲ ਕਾਇਮ ਹੋਈ ਹੈ, ਜਿਸ ਨੂੰ ਹਮੇਸ਼ਾਂ ਕਾਇਮ ਰੱਖਿਆ ਜਾਵੇਗਾ। ਫਿਲਹਾਲ ਇਸ ਮਸਜਿਦ ਦੇ ਆਬਾਦ ਹੋਣ ਤੋਂ ਬਾਅਦ ਹੁਣ ਮੁਸਲਿਮ ਅਤੇ ਸਿੱਖ ਭਾਈਚਾਰੇ ਵਿਚ ਖ਼ੁਸ਼ੀ ਦੀ ਲਹਿਰ ਪਾਈ ਜਾ ਰਹੀ ਹੈ।

Location: India, Punjab
Advertisement
Advertisement

 

Advertisement
Advertisement