ਹਿਜ਼ਬੁਲ ਮੁਖੀ ਸਣੇ 18 ਹੋਰ ਵਿਅਕਤੀ ਅਤਿਵਾਦੀ ਐਲਾਨੇ
ਨਵੀਂ ਦਿੱਲੀ, 27 ਅਕਤੂਬਰ : ਅਤਿਵਾਦ ਵਿਰੁਧ ਜ਼ੀਰੋ ਟੋਲਰੈਂਸ ਦੀ ਨੀਤੀ 'ਤੇ ਸਖ਼ਤੀ ਨਾਲ ਅੱਗੇ ਵਧਦੇ ਹੋਏ ਸਰਕਾਰ ਨੇ 18 ਹੋਰ ਵਿਅਕਤੀਆਂ ਨੂੰ ਅੱਜ ਗ਼ੈਰ-ਕਾਨੂੰਨੀ ਗਤੀਵਿਧੀ (ਰੋਕਥਾਮ) ਐਕਟ (ਯੂ.ਏ.ਪੀ.ਏ.) 1967 ਦੇ ਅਧੀਨ 'ਅਤਿਵਾਦੀ' ਐਲਾਲਿਆ ਹੈ।
ਗ੍ਰਹਿ ਮੰਤਰਾਲੇ ਵਲੋਂ ਜਾਰੀ ਇਕ ਬਿਆਨ 'ਚ ਕਿਹਾ ਕਿ 18 ਹੋਰ ਵਿਅਕਤੀਆਂ ਨੂੰ ਯੂ.ਏ.ਪੀ.ਏ. ਦੇ ਅਧੀਨ ਅਤਿਵਾਦੀ ਐਲਾਨ ਇਸ ਐਕਟ ਦੀ ਚੌਥੀ ਸੂਚੀ 'ਚ ਸ਼ਾਮਲ ਕਰਨ ਦਾ ਫ਼ੈਸਲਾ ਲਿਆ ਹੈ। ਅੱਜ ਜਿਨ੍ਹਾਂ ਅਤਿਵਾਦੀ ਐਲਾਨੇ ਗਏ ਵਿਅਕਤੀਆਂ ਜ਼ਿਆਦਾਤਰ ਵਿਅਕਤੀ ਪਾਕਿਸਤਾਨ 'ਚ ਸਰਗਰਮ ਹਨ। ਹੁਣ ਤਕ ਸਰਕਾਰ ਨੇ ਕੁੱਲ 31 ਵਿਅਕਤੀਆਂ ਨੂੰ ਅਤਿਵਾਦੀ ਐਲਾਨ ਕੀਤਾ ਹੈ। ਇਸ ਤੋਂ ਪਹਿਲਾਂ ਵੀ 13 ਵਿਅਕਤੀਆਂ ਨੂੰ ਇਸ ਸੂਚੀ 'ਚ ਸ਼ਾਮਲ ਕੀਤਾ ਜਾ ਚੁਕਿਆ ਹੈ। ਸਰਕਾਰ ਨੇ 26/11 ਮੁੰਬਈ ਹਮਲੇ ਦੇ ਦੋਸ਼ੀ ਲਸ਼ਕਰ-ਏ-ਤੋਇਬਾ ਦੇ ਯੂਸੁਫ਼ ਮੁਜਮਿਲ, ਲਸ਼ਕਰ-ਏ-ਤੋਇਬਾ ਦੇ ਸਰਗਨਾ ਸਾਫ਼ਿਜ ਸਈਦ ਦੇ ਜੀਜੇ ਅਬਦੁੱਲ ਰਹਿਮਾਨ ਮੱਕੀ, 1999 'ਚ ਕੰਧਾਰ ਆਈਸੀ-814 ਅਗਵਾ ਦਾ ਦੋਸ਼ੀ ਯੁਸੂਫ਼ ਅਜਹਰ, ਮੁੰਬਈ ਬੰਬ ਧਮਾਕਿਆਂ ਦੀ ਸਾਜਸ਼ ਕਰਤਾ ਟਾਈਗਰ ਮੇਮਨ, ਛੋਟਾ ਸ਼ਕੀਲ, ਹਿਜ਼ਬੁਲ ਮੁਜਾਹੀਦੀਨ ਦਾ ਮੁਖੀ ਸਈਅਦ ਸਲਾਹੁਦੀਨ ਅਤੇ ਇੰਡੀਅਨ ਮੁਜਾਹੀਦੀਨ ਦੇ ਭਟਕਲ ਬੰਧੂਆਂ ਨੂੰ ਅਤਿਵਾਦੀ ਐਲਾਨਿਆ ਹੈ। (ਏਜੰਸੀ)
