image
ਰਣਇੰਦਰ ਨੇ ਈਡੀ ਤੋਂ ਮੰਗੀ ਕੇਸ ਦੀ ਜਾਣਕਾਰੀ
ਚੰਡੀਗੜ੍ਹ, 27 ਅਕਤੂਬਰ (ਸੁਰਜੀਤ ਸਿੰਘ ਸੱਤੀ) : ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੇ ਬੇਟੇ ਰਣਇੰਦਰ ਸਿੰਘ ਅੱਜ ਈਡੀ ਮੁਹਰੇ ਜਲੰਧਰ ਦਫਤਰ ਵਿਖੇ ਪੇਸ਼ ਨਹੀਂ ਹੋਏ। ਉਨ੍ਹਾਂ ਦੇ ਵਕੀਲ ਜੈਵੀਰ ਯਾਦਵ ਨੇ ਟਵੀਟ ਕਰ ਕੇ ਕਿਹਾ ਹੈ ਕਿ ਰਣਇੰਦਰ ਸਿੰਘ ਨੂੰ ਈਡੀ ਵਲੋਂ ਭੇਜਿਆ ਨੋਟਿਸ ਸਹੀ ਨਹੀਂ ਹੈ ਤੇ ਉਂਜ ਵੀ ਉਨ੍ਹਾਂ ਨੂੰ ਓਲੰਪਿਕ 2021 ਖੇਡਾਂ ਦੇ ਸਬੰਧ ਵਿਚ ਅੱਜ ਪਾਰਲੀਮੈਂਟਰੀ ਕਮੇਟੀ ਕੋਲ ਜਾਣਾ ਸੀ ਤੇ ਇਸ ਕਰ ਕੇ ਈਡੀ ਕੋਲ ਨਹੀਂ ਆ ਸਕੇ। ਸ਼ੇਰਗਿੱਲ ਨੇ ਟਵੀਟ ਕਰ ਕੇ ਇਹ ਵੀ ਦਸਿਆ ਕਿ ਰਣਇੰਦਰ ਸਿੰਘ ਨੇ ਈਡੀ ਤੋਂ ਉਸ ਕੇਸ ਦੀ ਜਾਣਕਾਰੀ ਵੀ ਮੰਗੀ ਹੈ, ਜਿਸ ਵਿਚ ਉਨ੍ਹਾਂ ਨੂੰ ਪੇਸ਼ ਹੋਣ ਲਈ ਕਿਹਾ ਗਿਆ ਸੀ। ਜਿਕਰਯੋਗ ਹੈ ਕਿ ਈਡੀ ਨੇ ਵਿਦੇਸ਼ ਵਿਚ ਪੈਸੇ ਦੇ ਲੈਣ ਦੇਣ ਦੇ ਸਬੰਧ ਵਿਚ ਇਕ ਮਾਮਲੇ ਵਿਚ ਰਣਇੰਦਰ ਸਿੰਘ ਨੂੰ ਸੰਮਨ ਕੀਤਾ ਸੀ।
image
