ਜਸਪ੍ਰੀਤ ਕੌਰ ਡਾਂਸ ਦੇ ਨਾਲ ਨਾਲ ਇਕ ਵਧੀਆ ਨੈਸ਼ਨਲ ਖਿਡਾਰੀ ਵੀ ਹੈ...
ਨਾਭਾ: ਲਾਕਡਾਊਨ ਅਤੇ ਕਰਫਿਊ ਦੌਰਾਨ ਜਿੱਥੇ ਨੌਜਵਾਨ ਪੀੜ੍ਹੀ ਟਾਈਮ ਪਾਸ ਕਰਨ ਲਈ ਇੰਟਰਨੈਟ ਤੇ ਪਬ ਜੀ ਜਾਂ ਫਿਰ ਹੋਰ ਗੇਮ ਸਹਾਰਾ ਲੈ ਰਹੀ ਹੈ ਉੱਥੇ ਹੀ ਫਿਊਜ਼ਨ ਕੰਪਨੀ ਵੱਲੋਂ ਆਲ ਇੰਡੀਅਨ ਆਨਲਾਈਨ ਡਾਂਸ ਤੇ ਸਿੰਗਿੰਗ ਕੰਪੀਟੀਸ਼ਨ ਵਿਚ ਨਾਭਾ ਦੀ ਜਸਪ੍ਰੀਤ ਕੌਰ ਨੇ ਪਹਿਲਾ ਸਥਾਨ ਹਾਸਲ ਕਰ ਕੇ ਅਪਣੇ ਪਰਿਵਾਰ ਅਤੇ ਨਾਭੇ ਦਾ ਨਾਂ ਰੌਸ਼ਨ ਕੀਤਾ ਹੈ।
Jaspreet Kaur
ਜਸਪ੍ਰੀਤ ਕੌਰ ਡਾਂਸ ਦੇ ਨਾਲ ਨਾਲ ਇਕ ਵਧੀਆ ਨੈਸ਼ਨਲ ਖਿਡਾਰੀ ਵੀ ਹੈ ਜਿਸ ਨੇ ਨੈਸ਼ਨਲ ਪੱਧਰ ਤੇ ਵੀ ਮੈਡਲ ਅਤੇ ਕਈ ਟਰਾਫੀਆਂ ਵੀ ਅਪਣੇ ਨਾਮ ਕੀਤੀਆਂ ਹਨ। ਦਸ ਦਈਏ ਕਿ ਜਸਪ੍ਰੀਤ ਕੌਰ ਖਾਲਸਾ ਕਾਲਜ ਅੰਮ੍ਰਿਤਸਰ ਵਿਖੇ ਬੀਏ ਸੈਕਿੰਡ ਈਅਰ ਦੀ ਪੜ੍ਹਾਈ ਕਰ ਰਹੀ ਹੈ ਅਤੇ ਉਸ ਨੇ ਕਾਲਜ ਵਿਚ ਵੀ ਡਾਂਸ ਕੰਪੀਟੀਸ਼ਨ ਵਿਚ ਪਹਿਲਾ ਸਥਾਨ ਹਾਸਲ ਕੀਤਾ ਹੈ। ਧੀ ਵੱਲੋਂ ਕੀਤੇ ਗਏ ਇਸ ਯਤਨ ਤੋਂ ਬਾਅਦ ਪਰਿਵਾਰ ਨੂੰ ਅਪਣੀ ਤੇ ਫਕਰ ਮਹਿਸੂਸ ਹੋ ਰਿਹਾ ਹੈ।
Jaspreet Kaur
ਜਸਪ੍ਰੀਤ ਕੌਰ ਨੇ ਦਸਿਆ ਕਿ ਉਸ ਨੇ ਇੰਡੀਆ ਵਿਚ ਪਹਿਲਾ ਸਥਾਨ ਹਾਸਲ ਕੀਤਾ ਹੈ ਇਸ ਦੇ ਲਈ ਉਹ ਬਹੁਤ ਖੁਸ਼ ਹੈ ਤੇ ਘਰ ਵਿਚ ਵੀ ਖੁਸ਼ੀ ਦਾ ਮਾਹੌਲ ਬਣਿਆ ਹੋਇਆ ਹੈ। ਉਹ ਬੈਡਮਿੰਟਨ ਦੀ ਖਿਡਾਰਨ ਹੈ ਤੇ ਉਸ ਦੀ ਨਾਚ ਵਿਚ ਵੀ ਰੂਚੀ ਹੈ ਤਾਂ ਕਿ ਉਹ ਫਿਟ ਰਹਿ ਸਕੇ। ਸ਼੍ਰੀਕਾਂਤ ਨਾਮ ਦੇ ਸਰ ਹਨ ਜਿਹਨਾਂ ਨੇ ਇਹ ਕੰਪੀਟੀਸ਼ਨ ਓਰਗਾਇਨਾਈਜ਼ ਕੀਤਾ ਸੀ ਤੇ ਉਸ ਦੇ ਪਿਤਾ ਨੇ ਅਪਣੀ ਬੇਟੀ ਨੂੰ ਸਲਾਹ ਦਿੱਤੀ ਸੀ ਕਿ ਉਹ ਕੰਪੀਟੀਸ਼ਨ ਵਿਚ ਹਿੱਸਾ ਲਵੇ।
Srikanth UV Sharma
ਉਹ ਕਾਲਜ ਵਿਚ ਵੀ ਯੂਥ ਫੈਸਟੀਵਲ ਚ ਹਿੱਸਾ ਲੈਂਦੇ ਰਹੇ ਹਨ ਤੇ ਉੱਥੇ ਹੀ ਉਹਨਾਂ ਨੇ 1 ਸਥਾਨ ਹਾਸਲ ਕੀਤਾ ਸੀ। ਇਸ ਤੋਂ ਅੱਗੇ ਉਹਨਾਂ ਦਸਿਆ ਕਿ ਉਹ ਦਿਨ ਵਿਚ 2 ਘੰਟੇ ਡਾਂਸ ਦੀ ਪ੍ਰੈਕਟਿਸ ਕਰਦੇ ਸਨ। ਉਹ ਵਾਲੀਵਾਲ ਵਿਚ ਵੀ ਖੇਡ ਚੁੱਕੇ ਹਨ ਤੇ ਉਹਨਾਂ ਨੇ ਉਸ ਵਿਚੋਂ ਵੀ ਜਿੱਤ ਹਾਸਲ ਕੀਤੀ ਹੈ।
Jaspreet Kaur
ਅਪਣੇ ਫਿਊਚਰ ਨੂੰ ਲੈ ਕੇ ਉਹਨਾਂ ਕਿਹਾ ਕਿ ਉਹਨਾਂ ਨੂੰ ਜਿੱਥੇ ਵੀ ਮੌਕਾ ਮਿਲਿਆ ਉਸ ਵਿਚ ਹੀ ਅਪਣੀ ਕਿਸਮਤ ਅਜ਼ਮਾਉਣਗੇ। ਉੱਥੇ ਹੀ ਜਸਪ੍ਰੀਤ ਦੇ ਪਿਤਾ ਨੇ ਦਸਿਆ ਕਿ ਉਹਨਾਂ ਨੂੰ ਇਸ ਸਮੇਂ ਬਹੁਤ ਖੁਸ਼ੀ ਹੋ ਰਹੀ ਹੈ। ਉਹਨਾਂ ਦੇ ਤਿੰਨ ਬੱਚੇ ਹਨ ਤੇ ਉਹ ਤਿੰਨੋਂ ਹੀ ਸਰਕਾਰੀ ਸਕੂਲ ਤੋਂ ਪੜ੍ਹ ਰਹੇ ਹਨ।
Jaspreet Kaur's Papa
ਉਹਨਾਂ ਨੂੰ ਕਦੇ ਕੋਈ ਪਰੇਸ਼ਾਨੀ ਨਹੀਂ ਆਈ ਤੇ ਉਹ ਪੜ੍ਹਾਈ ਵਿਚ ਵੀ ਹੁਸ਼ਿਆਰ ਹਨ। ਇਸ ਮੌਕੇ ਫਿਊਜ਼ਨ ਇੰਸਟੀਚਿਊਟ ਦੇ ਡਾਇਰੈਕਟਰ ਸ਼੍ਰੀਕਾਂਤ ਯੂਵੀ ਸ਼ਰਮਾ ਨੇ ਕਿਹਾ ਕਿ ਇਸ ਕੰਪੀਟੀਸ਼ਨ ਵਿਚ ਆਲ ਇੰਡੀਆ ਦੇ ਬੱਚਿਆਂ ਨੇ ਭਾਗ ਲਿਆ ਸੀ ਅਤੇ ਮੁਕਾਬਲਾ ਵੀ ਬਹੁਤ ਸਖ਼ਤ ਸੀ ਜਿਸ ਵਿਚ ਜਸਪ੍ਰੀਤ ਕੌਰ ਨੇ ਪਹਿਲਾ ਸਥਾਨ ਹਾਸਲ ਕੀਤਾ ਹੈ ਤੇ ਅੱਜ ਇਸ ਨੂੰ ਟ੍ਰਾਫੀ ਦੇ ਕੇ ਸਨਮਾਨਿਤ ਕੀਤਾ ਗਿਆ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
