ਪੰਜਾਬ ਸਰਕਾਰ ਤੋਂ ਬੇ ਆਸ ਅਤੇ ਨਿਰਾਸ ਹੋਏ ਲੋਕਾਂ ਨੇ ਅਪਣੀਆਂ ਸੜਕਾਂ-ਗਲੀਆਂ ਆਦਿ ਅਪਣੇ ਖ਼ਰਚੇ ਬਣਾਉਣ ਦਾ ਬੀੜਾ ਚੁੱਕ ਲਿਆ ਲਗਦਾ ਹੈ। ਇਸ ਦੀ ...
ਮੋਰਿੰਡਾ, ਪੰਜਾਬ ਸਰਕਾਰ ਤੋਂ ਬੇ ਆਸ ਅਤੇ ਨਿਰਾਸ ਹੋਏ ਲੋਕਾਂ ਨੇ ਅਪਣੀਆਂ ਸੜਕਾਂ-ਗਲੀਆਂ ਆਦਿ ਅਪਣੇ ਖ਼ਰਚੇ ਤ'ੇ ਬਣਾਉਣ ਦਾ ਬੀੜਾ ਚੁੱਕ ਲਿਆ ਲਗਦਾ ਹੈ। ਇਸ ਦੀ ਉਦਾਹਰਨ ਸਥਾਨਕ ਸਹੀਦ ਭਗਤ ਸਿੰਘ ਨਗਰ ਵਾਰਡ ਨੰਬਰ 3 ਦੇ ਲੋਕਾਂ ਨੇ ਅਪਣੇ ਖ਼ਰਚੇ 'ਤੇ ਸੜਕ ਬਣਾ ਕੇ ਪੇਸ਼ ਕੀਤੀ । ਇਸੇ ਤਰਾਂ ਬੀਤੇ ਦਿਨੀਂ ਵੱਖ ਵੰੱਖ ਪਿੰਡਾਂ ਦੇ ਨੌਜਵਾਨਾ ਵਲੋ ਮੋਰਿੰਡਾ- ਰੂਪਨਗਰ ਸੜਕ ਵਿਚ ਪਏ ਟੋਏ ਮਿੱਟੀ ਰੋੜੇ ਨਾਲ ਭਰ ਕੇ ਪਹਿਲ ਕਦਮੀ ਕੀਤੀ ਸੀ।
ਇਸ ਸਬੰਧੀ ਵਾਰਡ ਵਾਸੀ ਰਿਟਾਇਰਡ ਥਾÎਣੇਦਾਰ ਰੇਸ਼ਮ ਸਿੰਘ, ਜਸਵਿੰਦਰ ਸਿੰਘ, ਜਸਵੀਰ ਸਿੰਘ, ਗੁਰਿੰਦਰ ਸਿੰਘ, ਸਰਬਜੀਤ ਸਿੰਘ ਅਤੇ ਗੁਰਵਿੰਦਰ ਸਿੰਘ ਨੇ ਦਸਿਆ ਕਿ ਚੰਡੀਗੜ੍ਹ-ਲੁਧਿਆÎਣਾ ਰੋਡ ਤੋਂ ਪੁਰਾਣੇ ਰੇਲਵੇ ਸਟੇਸ਼ਨ ਅਤੇ ਉਨ੍ਹਾਂ ਦੇ ਮੁਹੱਲੇ ਸ਼ਹੀਦ ਭਗਤ ਸਿੰਘ ਨਗਰ ਨੂੰ ਜਾਂਦੀ ਸੜਕ ਨਗਰ ਕੌਂਸਲ ਮੌਰਿੰਡਾ ਵਲੋਂ ਸਾਲ 2002 ਵਿਚ ਬਣਾਈ ਗਈ ਸੀ ਪਰ ਅੱਜ ਤਕ ਇਸ ਦੀ ਸੜਕ ਦੀ ਕਦੇ ਵੀ ਮੁਰੰਮਤ ਵਗੈਰਾ ਨਹੀਂ ਕਰਵਾਈ ਗਈ। 5-6 ਸਾਲ ਪਹਿਲਾਂ ਇਹ ਸੜਕ ਬੁਰੀ ਤਰ੍ਹਾਂ ਟੁੱਟ ਗਈ ਸੀ। ਸੜਕ 'ਤੇ ਪੈਦਲ ਤੁਰਨਾ ਵੀ ਮੁਸ਼ਕਲ ਹੋ ਗਿਆ ਸੀ।
ਰੇਲਵੇ ਸਟੇਸ਼ਨ 'ਤੇ ਗੱਡੀ ਚੜ੍ਹਨ ਲਈ ਯਾਤਰੂਆਂ ਨੂੰ ਵੀ ਇਸ ਸੜਕ ਤੋਂ ਹੀ ਗੁਜ਼ਰਨਾ ਪੈਂਦਾ ਹੈ। ਉਨ੍ਹਾਂ ਕਿਹਾ ਕਿ ਮੁਹੱਲਾ ਨਿਵਾਸੀਆਂ ਵੱਲੋਂ ਜਿਲ੍ਹਾਂ ਪ੍ਰਸ਼ਾਸ਼ਨ, ਪੀ ਡਬਲਿਊ ਡੀ, ਸਥਾਨਿਕ ਸਰਕਾਰ ਦੇ ਉੱਚ-ਅਧਿਕਾਰੀਆਂ ਅਤੇ ਨਗਰ ਕੌਸਲ ਮੋਰਿੰਡਾ ਦੇ ਅਧਿਕਾਰੀਆਂ ਨੂੰ ਇਸ ਸੜਕ ਦਾ ਨਿਰਮਾਣ ਕਰਨ ਲਈ ਦਰਖਾਸਤਾ ਦਿੱਤੀਆਂ ਗਈਆਂ ਸਨ। ਪਰ ਕਿਸੇ ਵੀ ਅਧਿਕਾਰੀ ਜਾਂ ਮਹਿਕਮੇ ਵੱਲੋ ਇਸ ਸੜਕ ਦੀ ਉਸਾਰੀ ਲਈ ਕੋਈ ਕਾਰਵਾਈ ਨਹੀ ਕੀਤੀ ਗਈ। ਸੂਚਨਾ ਅਧਿਕਾਰ ਕਾਨੂੰਨ ਰਾਹੀਂ ਨਗਰ ਕੌਸਲ ਤੋਂ ਪ੍ਰਾਪਤ ਕੀਤੀ ਗਈ ਜਾਣਕਾਰੀ ਅਨੁਸਾਰ ਇਹ ਸੜਕ ਨਗਰ ਕੌਸਲ ਦੇ ਅਧੀਨ ਨਹੀ ਪੈਂਦੀ।
ਜਦੋਂ ਕਿ ਇਹ ਪੰਜਾਬ ਸਰਕਾਰ ਦੇ ਰਿਕਾਰਡ ਮੁਤਾਬਿਕ ਨਗਰ ਕੌਸਲ ਅਧੀਨ ਪੈਂਦੀ ਹੈ ਅਤੇ ਇਸ ਸੜਕ ਉੱਤੇ ਸਟਰੀਟ ਲਾਈਟਾਂ ਲਗਾਉਣ ਦਾ ਪ੍ਰਬੰਧ ਵੀ ਨਗਰ ਕੌਸਲ ਵੱਲੋਂ ਹੀ ਕੀਤਾ ਗਿਆ ਹੈ। ਚੋਣਾ ਸਮੇ ਆਉਦੇ ਵੱਖ ਵੱਖ ਪਾਰਟੀ ਦੇ ਉਮੀਦਵਾਰਾਂ ਵੱਲੋ ਵੀ ਇਹ ਸੜਕ ਬਣਾਉਣ ਦਾ ਭਰੋਸਾ ਦਿੱਤਾ ਜਾਂਦਾ ਰਿਹਾ ਹੈ ਪਰ ਮੁਹੱਲਾ ਨਿਵਾਸੀਆਂ ਦੇ ਪੱਲੇ ਕੁੱਝ ਵੀ ਨਾ ਪਿਆ।
ਅਖੀਰ ਹੁਣ ਮੁਹੱਲਾ ਨਿਵਾਸੀਆਂ ਵੱਲੋਂ ਸੜਕ ਦਾ ਨਿਰਮਾਣ ਕਰਨ ਲਈ ਆਪਣੇ ਪੱਧਰ ਤੇ ਪੈਸੇ ਇਕੱਠੇ ਕਰਕੇ ਮਿੱਟੀ ਪਾ ਕੇ ਸੜਕ ਦਾ ਲੈਵਲ ਉੱਚਾ ਚੁੱਕ ਕੇ ਰੋੜੀ ਪਾ ਕੇ ਸੜਕ ਦਾ ਨਿਰਮਾਣ ਆਪ ਹੀ ਕੀਤਾ ਗਿਆ ਹੈ ਉਨ੍ਹਾਂ ਦੱਸਿਆ ਕਿ ਬਰਸਾਤ ਦਾ ਮੌਸਮ ਲੰਘ ਜਾਣ ਤੋ ਬਾਅਦ ਇਸ ਸੜਕ ਤੇ ਲੁਕ ਵੀ ਪਵਾਈ ਜਾਵੇਗੀ।
ਮੁਹੱਲਾ ਨਿਵਾਸੀਆਂ ਨੇ ਨਗਰ ਕੌਸਲ ਵੱਲੋਂ ਅਣਗੌਲੇ ਕੀਤੇ ਮੁਹੱਲੇ ਵਿੱਚ ਸਟਰੀਟ ਲਾਈਟ ਵੀ ਆਪਣੇ ਪੱਧਰ ਤੇ ਬਿਜਲੀ ਦਾ ਸਮਾਨ ਖਰੀਦ ਕੇ ਲਾਇਟ ਸਿਸਟਮ ਚਾਲੂ ਕਰਵਾਇਆ ਗਿਆ ਹੈ।
ਮੁਹਲਾ ਨਿਵਾਸੀਆਂ ਨੇ ਨਗਰ ਨਿਵਾਸੀਆਂ ਨੂੰ ਸਦਾ ਦਿਤਾ ਕਿ ਉਹ ਸਰਕਾਰਾਂ ਤੇ ਟੇਕ ਨਾ ਰਖਦੇ ਹੋਏ ਅਪਣੇ ਘਰਾਂ ਅੱਗੇ ਆਪ ਹੀ ਕੰਮ ਕਰਵਾਉਣ ਦਾ ਉਦਮ ਕਰਨ। ਮੁਹੱਲਾ ਨਿਵਾਸੀਆਂ ਦੇ ਇਸ ਕਾਰਜ ਦੀ ਜਿਥੇ ਪ੍ਰਸੰਸਾ ਹੋ ਰਹੀ ਹੈ ਉਥੇ ਅਗਾਂਹ ਵੱਧੂ ਲੋਕ ਸੋਚ ਰਹੇ ਹਨ ਕਿ ਜੇ ਕਰ ਸੜਕਾਂ ਨਾਲੀਆਂ ਲੋਕਾਂ ਨੇ ਅਪਣੇ ਖਰਚੇ ਤੇ ਬਣਾਉਣੀਆ ਹਨ ਤਾਂ ਫਿਰ ਸਰਕਾਰ ਨੂੰ ਤਰਾਂ ਤਰਾਂ ਦੇ ਟੈਕਸ ਵਸੂਲਣ ਦਾ ਕੋਈ ਹੱਕ ਨਹੀ ਹੈ ।
