Advertisement
  ਖ਼ਬਰਾਂ   ਪੰਜਾਬ  29 Jul 2019  ਚੰਡੀਗੜ੍ਹ ਪੁਲਿਸ ਨੇ ਦੇਹ ਵਪਾਰ ਗਿਰੋਹ ਨੂੰ ਡੱਕਿਆ, ਕੁੜੀਆਂ ਦੀ ਕਰਦੇ ਸੀ ਹੋਮ ਡਿਲਵਰੀ

ਚੰਡੀਗੜ੍ਹ ਪੁਲਿਸ ਨੇ ਦੇਹ ਵਪਾਰ ਗਿਰੋਹ ਨੂੰ ਡੱਕਿਆ, ਕੁੜੀਆਂ ਦੀ ਕਰਦੇ ਸੀ ਹੋਮ ਡਿਲਵਰੀ

ਸਪੋਕਸਮੈਨ ਸਮਾਚਾਰ ਸੇਵਾ | Edited by : ਗੁਰਬਿੰਦਰ ਸਿੰਘ
Published Jul 29, 2019, 11:52 am IST
Updated Jul 29, 2019, 12:06 pm IST
ਚੰਡੀਗੜ੍ਹ ਦੇ ਡੀਐਸਪੀ ਸਿਟੀ ਦਿਲਸ਼ੇਰ ਦੀ ਅਗਵਾਈ ‘ਚ ਪੁਲਿਸ ਟੀਮ ਨੂੰ ਵੱਡੀ ਕਾਮਯਾਬੀ ਪ੍ਰਾਪਤ ਹੋਈ ਹੈ...
Arrest body trade gang
 Arrest body trade gang

ਚੰਡੀਗੜ੍ਹ: ਚੰਡੀਗੜ੍ਹ ਦੇ ਡੀਐਸਪੀ ਸਿਟੀ ਦਿਲਸ਼ੇਰ ਦੀ ਅਗਵਾਈ ‘ਚ ਪੁਲਿਸ ਟੀਮ ਨੂੰ ਵੱਡੀ ਕਾਮਯਾਬੀ ਪ੍ਰਾਪਤ ਹੋਈ ਹੈ। ਇੱਥੇ ਇਕ ਗਿਰੋਹ ਵੱਲੋਂ ਚਲਾਏ ਜਾ ਰਹੇ ਦੇਹ ਵਪਾਰ ਦੇ ਧੰਦੇ ਦਾ ਪਰਦਾਫ਼ਾਸ ਹੋ ਗਿਆ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਹੋਟਲਾਂ ਵਿਚ ਚੱਲ ਰਹੇ ਦੇਹ ਵਪਾਰ ਦੇ ਗੈਰਕਾਨੂੰਨੀ ਧੰਦੇ ਵਿਰੁੱਧ ਵਿੱਢੀ ਮੁਹਿੰਮ ਤਹਿਤ ਇਹ ਕਾਰਵਾਈ ਕੀਤੀ ਗਈ ਹੈ।  ਇੱਥੋਂ ਦੀ ਪੁਲਿਸ ਨੇ ਦੇਹ ਵਪਾਰ ਕਰਵਾਉਣ ਵਾਲੇ ਗਿਰੋਹ ਦਾ ਪਰਦਾਫਾਸ਼ ਕਰਦਿਆਂ ਮਹਿਲਾ ਸਮੇਤ ਦੋ ਜਣਿਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਗਿਹੋਰ ਦੇ ਕਬਜ਼ੇ ਵਿੱਚੋਂ ਪੁਲਿਸ ਨੇ ਦੇਹ ਵਪਾਰ ਵਿੱਚ ਫਸਾਈਆਂ ਦੋ ਕੁੜੀਆਂ ਨੂੰ ਆਜ਼ਾਦ ਕਰਵਾਇਆ ਹੈ।

Arrest Arrest

ਗ੍ਰਿਫ਼ਤਾਰ ਕੀਤੀ ਦਲਾਲ ਮਹਿਲਾ ਕੁੜੀਆਂ ਦੀ ਹੋਮ ਡਿਲੀਵਰੀ ਕਰਦੀ ਸੀ ਅਤੇ ਮੋਟੀ ਰਕਮ ਵਸੂਲਦੀ ਸੀ। ਚੰਡੀਗੜ੍ਹ ਪੂਰਬੀ ਦੇ ਡੀਐੱਸਪੀ ਦਿਲਸ਼ੇਰ ਸਿੰਘ ਚੰਦੇਲ ਨੂੰ ਮਨੀਮਾਜਰਾ ਖੇਤਰ ਵਿੱਚ ਸਰਗਰਮ ਇਸ ਦੇਹ ਵਪਾਰ ਗਿਰੋਹ ਦੀ ਸੂਹ ਮਿਲੀ ਸੀ। ਉਨ੍ਹਾਂ ਦੱਸਿਆ ਕਿ ਇਹ ਗਿਰੋਹ ਫ਼ੋਨ ਰਾਹੀਂ ਗਾਹਕਾਂ ਨਾਲ ਸੰਪਰਕ ਕਰਦਾ ਸੀ ਅਤੇ ਪੁਲਿਸ ਤੇ ਸਮਾਜ ਸੇਵੀ ਟੀਮ ਨਾਲ ਰਲ ਜਾਲ ਵਿਛਾ ਕੇ ਇਨ੍ਹਾਂ ਗਿਰੋਹ ਮੈਂਬਰਾਂ ਨੂੰ ਕਾਬੂ ਕੀਤਾ। ਉਨ੍ਹਾਂ ਦੱਸਿਆ ਕਿ ਪੁਲਿਸ ਨੇ ਨਕਲੀ ਗਾਹਕ ਭੇਜ ਗਿਰੋਹ ਤੋਂ ਦੋ ਕੁੜੀਆਂ ਦੀ ਮੰਗ ਕੀਤੀ। 20,000 ਵਿੱਚ ਸੌਦਾ ਤੈਅ ਹੋਣ 'ਤੇ ਪੁਲਿਸ ਨੇ ਨਕਲੀ ਗਾਹਕ ਨੂੰ ਗਿਰੋਹ ਕੋਲ ਭੇਜਿਆ।

Arrest Arrest

ਗਿਰੋਹ ਦੀ ਕਾਰ ਵਿੱਚ ਇੱਕ ਦਲਾਲ ਮਹਿਲਾ ਤੇ ਡਰਾਈਵਰ ਤੋਂ ਇਲਾਵਾ ਦੋ ਕੁੜੀਆਂ ਵੀ ਬੈਠੀਆਂ ਸਨ। ਨਕਲੀ ਗਾਹਕ ਨੇ ਦਲਾਲ ਮਹਿਲਾ ਨੂੰ ਦੋ ਹਜ਼ਾਰ ਰੁਪਏ ਸਾਈ ਫੜਾ ਦਿੱਤੀ ਤਾਂ ਡੀਐਸਪੀ ਚੰਦੇਲ ਦੀ ਟੀਮ ਨੇ ਗਰੋਹ ਨੂੰ ਰੰਗੇ ਹੱਥੀਂ ਕਾਬੂ ਕਰ ਲਿਆ। ਮਹਿਲਾ ਦਲਾਲ ਤੋਂ ਪੁੱਛ-ਗਿੱਛ ਵਿੱਚ ਖੁਲਾਸਾ ਹੋਇਆ ਹੈ ਕਿ ਗਿਰੋਹ ਹੋਰ ਸੂਬਿਆਂ ਤੋਂ ਕੁੜੀਆਂ ਨੂੰ ਮਹੀਨਾਵਾਰ ‘ਤੇ ਠੇਕੇ ‘ਤੇ ਲਿਆਉਂਦਾ ਸੀ ਅਤੇ ਉਨ੍ਹਾਂ ਕੋਲੋਂ ਇਹ ਦੇਹ ਵਪਾਰ ਦਾ ਗੰਦਾ ਧੰਦਾ ਕਰਵਾਉਂਦਾ ਸੀ।

Arrest Arrest

ਪੁਲਿਸ ਦੇਹ ਵਪਾਰ ਰੋਕੂ ਐਕਟ ਤਹਿਤ ਦਲਾਲ ਮਹਿਲਾ ਤੇ ਕਾਰ ਚਾਲਕ ਅਤੇ ਉਨ੍ਹਾਂ ਦੇ ਮੁੱਖ ਸਰਗਨਾ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਹੈ। ਪੰਜਾਬ ਨਾਲ ਸਬੰਧਤ ਦੋਵੇਂ ਕੁੜੀਆਂ ਨੂੰ ਗਿਰੋਹ ਤੋਂ ਬਚਾਅ ਕੇ ਨਾਰੀ ਨਿਕੇਤਨ ਭੇਜ ਦਿੱਤਾ ਗਿਆ ਹੈ। ਹੁਣ ਪੁਲਿਸ ਗਿਰੋਹ ਦੇ ਸਰਗਨਾ ਦੀ ਭਾਲ ਕਰ ਰਹੀ ਹੈ।

Punjab News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter ਤੇ follow ਕਰੋ

Advertisement
Advertisement

 

Advertisement