ਮਲਕੀਤ ਦਾਸ ਦਾ ਦਾਅਵਾ ਹੈ ਕਿ 35 ਲੱਖ ਦੇ ਸੌਦੇ ਵਿੱਚ 20 ਲੱਖ ਦੀ ਵਸੂਲੀ ਤੋਂ ਬਾਅਦ ਬਾਕੀ 15 ਲੱਖ ਲੈਣ ਲਈ ਲਈ ਆਈਜੀ ਨੇ ਦਬਾਅ ਬਣਾਇਆ ਸੀ।
ਕੋਟਕਪੂਰਾ - ਫਰੀਦਕੋਟ ਦੀ ਮਲਕੀਤ ਦਾਸ ਗਊਸ਼ਾਲਾਂ ਵਿਚ 20 ਲੱਖ ਰੁਪਏ ਦੀ ਰਿਸ਼ਵਤ ਦੇ ਮਾਮਲੇ ਵਿਚ ਤਤਕਾਲੀ ਆਈਜੀ ਪ੍ਰਦੀਪ ਕੁਮਾਰ ਯਾਦਵ ਦੀਆਂ ਮੁਸ਼ਕਲਾਂ ਵਧ ਸਕਦੀਆਂ ਹਨ। ਇਸ ਸਬੰਧੀ ਕੇਸ ਵਿਚ ਨਾਮਜ਼ਦ ਗਊਸ਼ਾਲਾ ਦੇ ਮੁਖੀ ਮਹੰਤ ਮਲਕੀਤ ਦਾਸ ਨੇ ਅਦਾਲਤ ਵਿਚ ਬਿਆਨ ਦਰਜ ਕਰਵਾਇਆ ਹੈ। ਮਲਕੀਤ ਦਾਸ ਨੇ ਦਾਅਵਾ ਕੀਤਾ ਹੈ ਕਿ ਸਿਰਫ਼ ਨਾਂ 'ਤੇ ਹੀ ਨਹੀਂ ਸਗੋਂ ਆਈਜੀ ਦੀ ਸਹਿਮਤੀ ਨਾਲ ਹੀ ਰਿਸ਼ਵਤ ਵਸੂਲੀ ਗਈ ਸੀ।
ਮਲਕੀਤ ਦਾਸ ਨੇ ਕਿਹਾ ਹੈ ਕਿ ਮਾਮਲਾ ਦਰਜ ਕਰਨ ਤੋਂ ਬਾਅਦ ਸ਼ਿਕਾਇਤਕਰਤਾ ਨੂੰ 20 ਲੱਖ ਦੀ ਬਜਾਏ 40 ਲੱਖ ਵਾਪਸ ਕਰਕੇ ਮਾਮਲਾ ਸੁਲਝਾਉਣ ਦੀ ਕੋਸ਼ਿਸ਼ ਵੀ ਕੀਤੀ ਸੀ। ਮਲਕੀਤ ਦਾਸ ਦੀ ਗਊਸ਼ਾਲਾ 'ਚ ਹੀ ਰਿਸ਼ਵਤ ਦੇ ਪੈਸੇ ਦਾ ਲੈਣ-ਦੇਣ ਹੋਇਆ ਸੀ। ਮਲਕੀਤ ਦਾਸ ਦਾ ਦਾਅਵਾ ਹੈ ਕਿ 35 ਲੱਖ ਦੇ ਸੌਦੇ ਵਿੱਚ 20 ਲੱਖ ਦੀ ਵਸੂਲੀ ਤੋਂ ਬਾਅਦ ਬਾਕੀ 15 ਲੱਖ ਲੈਣ ਲਈ ਲਈ ਆਈਜੀ ਨੇ ਦਬਾਅ ਬਣਾਇਆ ਸੀ।
ਮਲਕੀਤ ਦਾਸ ਨੇ ਕਿਹਾ ਹੈ ਕਿ ਸਾਢੇ ਤਿੰਨ ਸਾਲ ਪੁਰਾਣੇ ਬਾਬਾ ਦਿਆਲ ਦਾਸ ਕਤਲ ਕੇਸ 'ਚ ਸ਼ਿਕਾਇਤਕਰਤਾ ਤੋਂ ਡਰਾ ਧਮਕਾ ਕੇ ਰਿਸ਼ਵਤ ਵਸੂਲੀ ਗਈ ਸੀ। ਇਸ ਮਾਮਲੇ ਵਿਚ ਫਰੀਦਕੋਟ ਦੇ ਤਤਕਾਲੀ ਐਸਪੀ, ਡੀਐਸਪੀ, ਐਸਆਈ ਸਮੇਤ ਕੁੱਲ 5 ਲੋਕਾਂ ਖ਼ਿਲਾਫ਼ ਕੇਸ ਦਰਜ ਕੀਤਾ ਗਿਆ ਸੀ।
