ਕੈਬਨਿਟ ਦੀ ਨਿਯੁਕਤੀ ਕਮੇਟੀ ਨੇ ਗ੍ਰਹਿ ਮੰਤਰਾਲੇ ਵੱਲੋਂ ਉਨ੍ਹਾਂ ਦੇ ਕਾਡਰ ਨੂੰ ਪੰਜਾਬ ਤੋਂ ਚੰਡੀਗੜ੍ਹ ਬਦਲਣ ਦੀ ਤਜਵੀਜ਼ ਨੂੰ ਮੰਨਿਆ
ਚੰਡੀਗੜ੍ਹ - ਚੰਡੀਗੜ੍ਹ ਦੇ ਨਵੇਂ ਐੱਸਐੱਸਪੀ ਕੁਲਦੀਪ ਸਿੰਘ ਚਾਹਲ ਹੋਣਗੇ ਜੋ ਕਿ ਜਲਦ ਹੀ ਆਪਣਾ ਅਹੁਦਾ ਸਾਂਭਣਗੇ। ਚਾਹਲ 2009 ਦੇ ਆਈਪੀਐੱਸ ਅਧਿਕਾਰੀ ਹਨ ਜੋ ਪੰਜਾਬ ’ਚ ਵੱਖ-ਵੱਖ ਥਾਵਾਂ ’ਤੇ ਆਪਣੀਆਂ ਸੇਵਾਵਾਂ ਨਿਭਾ ਚੁੱਕੇ ਹਨ। ਇਸ ਗੱਲ ਦਾ ਪ੍ਰਗਟਾਵਾ ਕੇਂਦਰੀ ਗ੍ਰਹਿ ਮੰਤਰਾਲੇ ਵੱਲੋਂ ਦੇਰ ਰਾਤ ਜਾਰੀ ਕੀਤੇ ਗਏ ਪੱਤਰ ਰਾਹੀ ਕੀਤਾ ਗਿਆ।
Kuldeep Singh Chahal
ਦੱਸਣਯੋਗ ਹੈ ਕਿ ਬੀਤੀ 22 ਅਗਸਤ ਨੂੰ ਚੰਡੀਗੜ੍ਹ ਦੀ ਪਹਿਲੀ ਮਹਿਲਾ ਐੱਸਐੱਸਪੀ ਨਿਲਾਂਬਰੀ ਜਗਦਲੇ ਨੂੰ ਰਿਲੀਵ ਕਰ ਦਿੱਤਾ ਗਿਆ ਸੀ ਜਦਕਿ ਉਸੇ ਦਿਨ ਤੋਂ ਹੀ ਐੱਸਪੀ ਵਿਨੀਤ ਕੁਮਾਰ ਐੱਸਐੱਸਪੀ ਦਾ ਕੰਮਕਾਜ ਵੇਖ ਰਹੇ ਸਨ। ਪੰਜਾਬ ਤੋਂ ਜੋ 3 ਆਈਪੀਐਸ ਅਫਸਰਾਂ ਦਾ ਪੈਨਲ ਆਇਆ ਸੀ, ਉਸ ਵਿਚ ਕੁਲਦੀਪ ਸਿੰਘ ਚਾਹਲ ਸਭ ਤੋਂ ਸੀਨੀਅਰ ਸਨ। ਜਦੋਂ ਕਿ ਪ੍ਰਸ਼ਾਸ਼ਨ ਵੀਪੀ ਸਿੰਘ ਬਦਨੌਰ ਨੇ ਚੰਡੀਗੜ੍ਹ ਪ੍ਰਸ਼ਾਸ਼ਨ ਵੱਲੋਂ ਵਿਵੇਕਸ਼ੀਲ ਸੋਨੀ ਨੂੰ ਐਸਐਸਪੀ ਤੈਨਾਤ ਕਰਨ ਲਈ ਪਹਿਲ ਦਿੱਤੀ ਸੀ।
File Photo
ਹਾਲਾਂਕਿ ਉਹ ਸਿਕਿਓਰਟੀ ਦੇ ਹਿਸਾਬ ਨਾਲ ਪੈਨਲ ਵਿਚ ਆਏ ਤਿੰਨੋਂ ਆਈਪੀਐੱਸ ਅਫ਼ਸਰ ਵਿਚੋਂ ਯੂਨੀਅਰ ਸਨ। ਕੁਲਦੀਪ ਸਿੰਘ ਦਾ ਚੰਡੀਗੜ੍ਹ ਨਾਲ ਵਿਸ਼ੇਸ਼ ਰਿਸ਼ਤਾ ਹੈ। ਉਹਨਾਂ ਨੇ ਬਤੌਰ ਏਐਸਆਈ ਚੰਡੀਗੜ੍ਹ ਪੁਲਿਸ ਫੋਰਸ ਵਿਚ ਹਿੱਸਾ ਲਿਆ ਸੀ। ਇਸੇ ਦੌਰਾਨ ਉਹਨਾਂ ਨੇ ਆਈਪੀਐੱਸ ਦੀ ਪ੍ਰੀਖਿਆ ਪਾਸ ਕੀਤੀ ਅਤੇ ਪੰਜਾਬ ਕੈਡਰ ਵਿਚ ਤੈਨਾਤ ਹੋਏ। ਪੰਜਾਬ ਵਿਚ ਗੈਂਗਸਟਰ ਅਤੇ ਸੱਟੇਬਾਜਾਂ 'ਤੇ ਨਕੇਲ ਕੱਸਣ ਵਿਚ ਉਹਨਾਂ ਦਾ ਖਾਸ ਯੋਗਦਾਨ ਰਿਹਾ। ਹਾਈਵੇ ਰੌਬਰਸ ਗੈਂਗ ਦੇ ਹੈੱਡ ਅਤੇ ਫਰਾਰ ਗੈਂਗਸਟਰ ਜੈਪਾਲ ਨਾਲ ਸ਼ੇਰਾ ਖੁੰਬਨ ਦਾ ਉਹਨਾਂ ਨੇ ਹੀ ਐਂਨਕਾਊਂਟਰ ਕੀਤਾ ਸੀ।
