ਲੋਕਾਂ ਨੂੰ ਵੀ ਇਹ ਸਮਝਣ ਦੀ ਲੋੜ ਹੈ ਕਿ ਉਹ ਜੈਨੇਰਿਕ ਅਤੇ ਐਥੀਕਲ..
ਲੁਧਿਆਣਾ: ਦਵਾਈਆਂ ਦੇ ਰੇਟਾਂ ਨੂੰ ਲੈ ਕੇ ਹੁਣ ਅਨਮੋਲ ਕਵਾਤਰਾ ਨੇ ਵੀ ਮੋਰਚਾ ਖੋਲ੍ਹ ਦਿੱਤਾ ਹੈ। ਉਹਨਾਂ ਨੇ ਗੁਰੂ ਨਾਨਕ ਮੋਦੀਖਾਨੇ ਦੇ ਮੁੱਖ ਸੇਵਾਦਾਰ ਬਲਵਿੰਦਰ ਸਿੰਘ ਜਿੰਦੂ ਦੇ ਹੱਕ ਵਿਚ ਨਾਅਰਾ ਮਾਰਿਆ ਹੈ। ਉਹਨਾਂ ਦਾ ਕਹਿਣਾ ਹੈ ਕਿ ਇਹ ਮੁੱਦਾ ਇਕੱਲੇ ਪੰਜਾਬ ਦਾ ਨਹੀਂ ਸਗੋਂ ਕੇਂਦਰ ਪੱਧਰ ਦਾ ਮੁੱਦਾ ਹੈ। ਜਿਹੜੀਆਂ ਦਵਾਈਆਂ ਤੇ ਐਮਆਰਪੀ ਕੰਪਨੀਆਂ ਵੱਲੋਂ ਛਾਪੀਆਂ ਜਾਂਦੀਆਂ ਹਨ ਉਹ ਨਾ ਤਾਂ ਲੁਧਿਆਣੇ ਦੀਆਂ ਦੁਕਾਨਾਂ ਵਾਲੇ ਛਾਪਦੇ ਹਨ ਤੇ ਨਾ ਹੀ ਦੁਕਾਨ ਵਾਲਾ ਇਹ ਦਵਾਈ ਆਪ ਬਣਾਉਂਦਾ ਹੈ।
Anmol Kwatra
ਇਹ ਦਵਾਈਆਂ ਕੰਪਨੀਆਂ ਅਤੇ ਫੈਕਟਰੀਆਂ ਵਿਚ ਬਣਾਈਆਂ ਜਾਂਦੀਆਂ ਹਨ। ਕੇਂਦਰ ਸਰਕਾਰ ਨੇ ਇਕ ਨਿਯਮ ਲਾਗੂ ਕੀਤਾ ਸੀ ਕਿ ਡਾਕਟਰ ਮਰੀਜ਼ ਨੂੰ ਜਦੋਂ ਦਵਾਈ ਲਿਖ ਕੇ ਦਿੰਦਾ ਹੈ ਤਾਂ ਉਹ ਸਿਰਫ ਸਾਲਟ ਲਿਖ ਸਕਦਾ ਹੈ ਦਵਾਈ ਦਾ ਬ੍ਰੈਂਡ ਨਹੀਂ। ਇਹਨਾਂ ਦਵਾਈਆਂ ਦੀ ਐਮਆਰਪੀ ਕੰਪਨੀਆਂ ਰਾਹੀਂ ਲਗਾਈ ਜਾਂਦੀ ਹੈ ਤੇ ਇਸ ਬਾਰੇ ਸਰਕਾਰ ਨੂੰ ਵੀ ਪਤਾ ਹੁੰਦਾ ਹੈ। ਪਰ ਸਰਕਾਰ ਇਸ ਨੂੰ ਰੋਕਦੀ ਨਹੀਂ।
Balwinder Singh Jindu
ਉਹਨਾਂ ਅੱਗੇ ਕਿਹਾ ਕਿ ਜੇ ਕਿਸੇ ਨੇ ਕਮਾਈ ਕਰਨੀ ਹੀ ਹੈ ਤਾਂ ਉਹ 2 ਰੁਪਏ ਦੀ ਦਵਾਈ 10 ’ਚ ਵੇਚ ਲਵੇ ਜਾਂ 10 ਵਾਲੀ 20 ’ਚ ਵੇਚ ਲਵੇ ਪਰ ਉਸ ਤੇ 10 ਗੁਣਾਂ ਜ਼ਿਆਦਾ ਰੇਟ ਨਾਲ ਲਗਾਵੇ। ਇਹ ਤਾਂ ਸਰਾਸਰ ਹੀ ਗਰੀਬਾਂ ਨਾਲ ਧੱਕਾ ਹੈ। ਉਹਨਾਂ ਅੱਗੇ ਕਿਹਾ ਕਿ ਬਲਵਿੰਦਰ ਸਿੰਘ ਜਿੰਦੂ ਵੱਲੋਂ ਜੇ ਕੁੱਝ ਗਲਤ ਕਿਹਾ ਗਿਆ ਹੈ ਤਾਂ ਉਹਨਾਂ ਨੂੰ ਬਿਠਾ ਕੇ ਉਹਨਾਂ ਨਾਲ ਗੱਲ ਕੀਤੀ ਜਾਵੇ।
Anmol Kwatra
ਲੋਕਾਂ ਨੂੰ ਵੀ ਇਹ ਸਮਝਣ ਦੀ ਲੋੜ ਹੈ ਕਿ ਉਹ ਜੈਨੇਰਿਕ ਅਤੇ ਐਥੀਕਲ ਦਵਾਈਆਂ ਵਿਚਲਾ ਫਰਕ ਸਮਝਣ। ਜਿਹੜੀਆਂ ਜੈਨੇਰਿਕ ਦਵਾਈਆਂ ਹੁੰਦੀਆਂ ਹਨ ਉਹਨਾਂ ਤੇ ਐਮਆਰਪੀ ਬਹੁਤ ਜ਼ਿਆਦਾ ਲਿਖੀ ਜਾਂਦੀ ਹੈ ਪਰ ਜਿਹੜੀਆਂ ਐਥੀਕਲ ਦਵਾਈਆਂ ਹੁੰਦੀਆਂ ਹਨ ਉਹਨਾਂ ਤੇ ਜ਼ਿਆਦਾ ਲੈਸ ਨਹੀਂ ਮਿਲਦਾ।
Guru Nanak Modikhana
ਇਸ ਲਈ ਇਹ ਗੱਲ ਸਮਝਣ ਲੋੜ ਹੈ ਕਿਹੜੀ ਦਵਾਈ ਜ਼ਿਆਦਾ ਮਹਿੰਗੀ ਮਿਲ ਰਹੀ ਹੈ ਤੇ ਕਿਹੜੀ ਸਸਤੀ। ਕੁੱਝ ਬਿਮਾਰੀਆਂ ਦੀ ਦਵਾਈ ਦੀ ਖੋਜ ਕਰਨ ਵਿਚ ਬਹੁਤ ਸਾਰਾ ਖਰਚ ਆ ਜਾਂਦਾ ਹੈ ਇਸ ਲਈ ਉਸ ਦਾ ਖਰਚ ਵੀ ਲੋਕਾਂ ਤੋਂ ਹੀ ਕੱਢਿਆ ਜਾਂਦਾ ਹੈ। ਪਰ ਸਰਕਾਰ ਨੂੰ ਚਾਹੀਦਾ ਹੈ ਕਿ ਉਹ ਦਵਾਈਆਂ ਦਾ ਰੇਟ ਫਿਕਸ ਕਰ ਦੇਣ।
Guru Nanak Modikhana
ਦਵਾਈਆਂ ਲੈਣ ਦਾ ਕਿਸੇ ਨੂੰ ਸ਼ੌਂਕ ਨਹੀਂ ਹੈ ਇਹ ਤਾਂ ਹਰ ਇਨਸਾਨ ਦੀ ਜ਼ਰੂਰਤ ਹੈ। ਬਲਵਿੰਦਰ ਸਿੰਘ ਜਿੰਦੂ ਇਕ ਐਨਜੀਓ ਨਾਲ ਵੀ ਜੁੜੇ ਹੋਏ ਹਨ ਤੇ ਉਹਨਾਂ ਨੂੰ ਉਸ ਵਿਚੋਂ ਜਿਹੜਾ ਫੰਡ ਮਿਲਦਾ ਹੈ ਉਹ ਉਸ ਦੀ ਦਵਾਈ ਤੇ ਅਪਣੇ ਨਾਲ ਦੇ ਸੇਵਾਦਾਰਾਂ ਨੂੰ ਉਹਨਾਂ ਦੀ ਤਨਖ਼ਾਹ ਦਿੰਦੇ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
