ਇਸ ਪਰਿਵਾਰ ਵਿੱਚ ਚਾਰ ਜੀਅ ਰਹਿੰਦੇ ਹਨ ਅਤੇ ਘਰ ਦਾ ਇੱਕ ਹੀ ਕੋਠਾ ਹੈ ਜੋ ਕਿ ਸਾਰਾ ਹੀ ਕੱਚਾ ਹੈ
ਤਰਨਤਾਰਨ - ਵਿਧਾਨ ਸਭਾ ਹਲਕਾ ਖੇਮਕਰਨ ਅਧੀਨ ਪੈਂਦੇ ਪਿੰਡ ਘਰਿਆਲਾ ਵਿਖੇ ਹੰਝੂਆਂ ਨਾਲ ਢਿੱਡ ਭਰ ਕੇ ਗੁਜ਼ਾਰਾ ਕਰ ਰਿਹਾ ਇਕ ਗਰੀਬ ਪਰਿਵਾਰ ਅੱਖਾਂ ਦੀ ਸੇਜ਼ ਲਈ ਉਡੀਕ ਰਿਹਾ ਹੈ ਕਿਸੇ ਐਸੇ ਇਨਸਾਨ ਨੂੰ ਜੋ ਉਨ੍ਹਾਂ ਦੇ ਢਿੱਡ ਭਰਨ ਲਈ ਦੋ ਰੋਟੀਆਂ ਲੈ ਕੇ ਆਵੇ। ਪਿੰਡ ਘਰਿਆਲਾ ਦੇ ਵਸਨੀਕ ਇਸ ਗਰੀਬ ਪਰਿਵਾਰ ਦੇ ਘਰ ਦੀ ਹਾਲਤ ਇੰਨੀ ਜ਼ਿਆਦਾ ਖ਼ਰਾਬ ਹੈ ਕਿ ਘਰ 'ਚ ਦੋ ਵਕਤ ਦੀ ਰੋਟੀ ਪੱਕਣਾ ਤਾਂ ਦੂਰ ਦੀ ਗੱਲ ਪਰਿਵਾਰ ਨੂੰ ਇਕ ਸਮੇਂ ਦੀ ਰੋਟੀ ਵੀ ਨਹੀਂ ਨਸੀਬ ਹੁੰਦੀ।
Malook Singh
ਇਸ ਪਰਿਵਾਰ ਵਿੱਚ ਚਾਰ ਜੀਅ ਰਹਿੰਦੇ ਹਨ ਅਤੇ ਘਰ ਦਾ ਇੱਕ ਹੀ ਕੋਠਾ ਹੈ ਜੋ ਕਿ ਸਾਰਾ ਹੀ ਕੱਚਾ ਹੈ ਅਤੇ ਉਸ ਕੋਠੇ ਦੀ ਵੀ ਛੱਤ ਕਾਨਿਆਂ ਦੀ ਹੈ ਉਹ ਵੀ ਡਿੱਗਣ ਕਿਨਾਰੇ ਹੈ। ਘਰ ਵਿਚ ਨਾ ਤਾਂ ਕੋਈ ਬਾਥਰੂਮ ਹੈ ਅਤੇ ਹੀ ਨਾ ਘਰ ਵਿੱਚ ਕੋਈ ਬਿਜਲੀ ਦਾ ਖ਼ਾਸ ਪ੍ਰਬੰਧ ਹੈ। ਇਸ ਘਰ ਦਾ ਜੋ ਮੁਖੀਆ ਹੈ ਜਿਸ ਨੂੰ ਅੱਜ ਤੋਂ ਦੋ ਸਾਲ ਪਹਿਲਾਂ ਉਸ ਨੂੰ ਪੈਰਾਲਾਇਸਿਸ ਅਟੈਕ ਹੋ ਗਿਆ ਸੀ ਅਤੇ ਉਹ ਦੋ ਸਾਲ ਤੋਂ ਮੰਜੇ 'ਤੇ ਪਿਆ ਹੈ
Jagir Kaur
ਇਸ ਪੀੜਤ ਪਰਿਵਾਰ ਦੀ ਮੁਖੀ ਜਗੀਰ ਕੌਰ ਨੇ ਆਪਣੀ ਦੁੱਖ ਭਰੀ ਕਹਾਣੀ ਦੱਸਦੇ ਹੋਏ ਕਿਹਾ ਕਿ ਉਸ ਦੇ ਪਤੀ ਮਲੂਕ ਸਿੰਘ ਨੂੰ ਦੋ ਸਾਲ ਪਹਿਲਾਂ ਅਟੈਕ ਹੋ ਗਿਆ ਸੀ ਜਿਸ ਕਾਰਨ ਉਹ ਮੰਜੇ ਜੋਗਾ ਹੀ ਰਹਿ ਗਿਆ ਅਤੇ ਉਨ੍ਹਾਂ ਦਾ ਇਕਲੌਤਾ ਪੁੱਤ ਹੈ ਉਹ ਦਿਹਾੜੀ ਕਰ ਕੇ ਕੁਝ ਪੈਸੇ ਲੈ ਕੇ ਆਉਂਦਾ ਹੈ ਜਿਸ ਨਾਲ ਉਹ ਮੰਜੇ 'ਤੇ ਪਏ ਆਪਣੇ ਪਿਤਾ ਦਾ ਇਲਾਜ ਕਰਵਾ ਦਿੰਦਾ ਹੈ ਅਤੇ ਕੁਝ ਪੈਸਿਆਂ ਨਾਲ ਥੋੜ੍ਹਾ ਜਿਹਾ ਰਾਸ਼ਨ ਲੈ ਆਉਂਦਾ ਹੈ।
File Photo
ਜਿਸ ਕਰ ਕੇ ਘਰ ਵਿਚ ਰੋਟੀ ਪੱਕਦੀ ਹੋ ਜਾਂਦੀ ਹੈ ਅਤੇ ਹੁਣ ਕਰੋਨਾ ਵਾਇਰਸ ਦੀ ਬੀਮਾਰੀ ਕਾਰਨ ਲਾਕਡਾਊਨ ਵਿਚ ਦਿਹਾੜੀ ਅਤੇ ਮਿਹਨਤ ਮਜ਼ਦੂਰੀ ਦਾ ਵੀ ਕੰਮ ਬੰਦ ਪਿਆ ਹੈ ਜਿਸ ਕਾਰਨ ਉਨ੍ਹਾਂ ਦੇ ਘਰ ਵਿਚ ਰੋਟੀ ਤਾਂ ਪੱਕਣੀ ਦੂਰ ਦੀ ਗੱਲ ਦੋ ਮਹੀਨੇ ਤੋਂ ਮੰਜੇ ਤੇ ਪਏ ਉਸ ਦਾ ਪਤੀ ਵੀ ਦਵਾਈ ਨੂੰ ਤਰਸ ਰਿਹਾ ਹੈ। ਉਧਰ ਜਦ ਮੰਜੇ ਤੇ ਪਏ ਪੀੜਤ ਵਿਅਕਤੀ ਮਲੂਕ ਸਿੰਘ ਨਾਲ ਗੱਲ ਕੀਤੀ ਜਾਵੇ ਤਾਂ ਉਨ੍ਹਾਂ ਨੇ ਵੀ ਆਪਣੀ ਦੁਖਭਰੀ ਦਾਸਤਾਨ ਦੱਸਦੇ ਹੋਏ ਕਿਹਾ ਕਿ ਉਹ ਮਿਹਨਤ ਮਜ਼ਦੂਰੀ ਕਰਨ ਵਾਲਾ ਇਨਸਾਨ ਸੀ।
File Photo
ਮਿਹਨਤ ਮਜ਼ਦੂਰੀ ਕਰਕੇ ਆਪਣੇ ਘਰ ਦਾ ਗੁਜ਼ਾਰਾ ਚਲਾ ਰਿਹਾ ਸੀ ਤਾਂ ਇੱਕ ਦਮ ਉਸ ਨੂੰ ਹੋਏ ਅਟੈਕ ਨੇ ਉਸ ਨੂੰ ਮੰਜੇ 'ਤੇ ਪਾ ਦਿੱਤਾ ਜਿਸ ਤੋਂ ਬਾਅਦ ਉਸ ਦੇ ਘਰ ਦੀ ਹਾਲਤ ਤਰਸਯੋਗ ਬਣ ਗਈ। ਉਸ ਨੇ ਕਿਹਾ ਹੈ ਕਿ ਸਾਡਾ ਇੱਕ ਹੀ ਕੋਠਾ ਹੈ ਜਿਸ 'ਚ ਅਸੀਂ ਚਾਰ ਜੀ ਗੁਜਾਰਾ ਕਰ ਰਹੇ ਹਾਂ ਜੋ ਕਿਸੇ ਵੀ ਸਮੇਂ ਢਹਿ ਸਕਦਾ ਹੈ ਪੀੜਤ ਪਰਿਵਾਰ ਨੇ ਸਮਾਜ ਸੇਵੀ ਸੰਸਥਾ ਅਤੇ ਪੰਜਾਬ ਸਰਕਾਰ ਨੂੰ ਗੁਹਾਰ ਲਗਾਉਂਦੇ ਹੋਏ ਕਿਹਾ ਹੈ ਕਿ ਉਨ੍ਹਾਂ ਦੀ ਕੁਝ ਸਹਾਇਤਾ ਕੀਤੀ ਜਾਵੇ ਤਾਂ ਜੋ ਉਹ ਦੋ ਵਕਤ ਦੀ ਰੋਟੀ ਖਾ ਸਕਣ।
