ਅੰਤਰਰਾਸ਼ਟਰੀ ਬਾਜ਼ਾਰ ਵਿੱਚ ਹੈਰੋਇਨ ਦੀ ਕੀਮਤ 25 ਕਰੋੜ
ਫਿਰੋਜ਼ਪੁਰ 30 ਦਸੰਬਰ (ਬਲਬੀਰ ਸਿੰਘ ਜੋਸਨ)-: ਸਰਹੱਦੀ ਸੁਰੱਖਿਆ ਬਲ ਦੇ ਜਵਾਨਾਂ ਵਲੋਂ ਹਿੰਦ-ਪਾਕਿ ਸਰਹੱਦ 'ਤੇ ਸਥਿਤ ਬੀਐਸਐਫ ਦੀ ਚੌਂਕੀ ਮਸਤਾ ਗੱਟੀ ਇਲਾਕੇ ਵਿਚੋਂ 10 ਪੈਕਟ ਹੈਰੋਇਨ ਬਰਾਮਦ ਕਰਨ ਦਾ ਦਾਅਵਾ ਕੀਤਾ ਗਿਆ ਹੈ। ਬਰਾਮਦ ਕੀਤੀ ਗਈ ਹੈਰੋਇਨ ਸਬੰਧੀ ਵਧੇਰੇ ਜਾਣਕਾਰੀ ਦਿੰਦੇ ਹੋਏ ਸਰਹੱਦੀ ਸੁਰੱਖਿਆ ਬਲ ਦੇ ਡੀਆਈਜੀ ਨੇ ਦੱਸਿਆ ਕਿ ਲੰਘੀ ਰਾਤ ਜਦੋਂ ਸਰਹੱਦੀ ਸੁਰੱਖਿਆ ਬਲ ਦੇ ਜਵਾਨਾਂ ਸਰਹੱਦ ਉਪਰ ਗਸ਼ਤ ਕਰ ਰਹੇ ਸਨ
BSF
ਤਾਂ ਇਸ ਦੌਰਾਨ ਬੀਐਸਐਫ ਜਵਾਨਾਂ ਨੂੰ ਸਰਹੱਦ 'ਤੇ ਕੁਝ ਹਿੱਲ ਜੁਲ ਹੁੰਦੀ ਵਿਖਾਈ ਦਿੱਤੀ। ਡੀਆਈਜੀ ਮੁਤਾਬਿਕ ਬੀਐਸਐਫ ਜਵਾਨਾਂ ਨੂੰ ਕੁਝ ਪਾਕਿਸਤਾਨੀ ਸਮਗਲਰ ਭਾਰਤੀ ਹੱਦ ਦੇ ਅੰਦਰ ਹੈਰੋਇਨ ਦੇ ਪੈਕਟ ਸੁੱਟਦੇ ਵਿਖਾਈ ਦਿੱਤੇ, ਜਿਨ੍ਹਾਂ ਨੂੰ ਜਦੋਂ ਬੀਐਸਐਫ਼ ਜਵਾਨਾਂ ਨੇ ਲਲਕਾਰਿਆ ਤਾਂ, ਉਕਤ ਪਾਕਿਸਤਾਨੀ ਸਮਗਲਰ ਹਨੇਰੇ ਦਾ ਫਾਇੰਦਾ ਚੁੱਕਦੇ ਹੋਏ ਸਰਹੱਦ ਤੋਂ ਫਰਾਰ ਹੋ ਗਏ।
Drug
ਤੜਕ ਸਵੇਰੇ ਜਦੋਂ ਬੀਐਸਐਫ਼ ਜਵਾਨਾਂ ਨੇ ਸਰਹੱਦ ਉਪਰ ਸਰਚ ਅਭਿਆਨ ਚਲਾਇਆ ਗਿਆ ਤਾਂ, ਸਰਹੱਦ ਤੋਂ 10 ਪੈਕਟ ਹੈਰੋਇਨ ਬਰਾਮਦ ਹੋਈ। ਡੀਆਈਜੀ ਮੁਤਾਬਿਕ ਹੈਰੋਇਨ ਤੋਲਣ 'ਤੇ ਉਸ ਦਾ ਵਜ਼ਟ 5 ਕਿਲੋ 190 ਗ੍ਰਾਮ ਪਾਇਆ ਗਿਆ। ਬੀਐਸਐਫ਼ ਅਧਿਕਾਰੀਆਂ ਮੁਤਾਬਿਕ ਬਰਾਮਦ ਕੀਤੀ ਗਈ ਹੈਰੋਇਨ ਦੀ ਅੰਤਰਰਾਸ਼ਟਰੀ ਬਜ਼ਾਰ ਵਿਚ ਕੀਮਤ 25 ਕਰੋੜ ਰੁਪਏ ਹੈ।
Drugs in punjab
ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਦੇ ਖੂਫੀਆ ਵਿੰਗ ਵਲੋਂ ਹਾਲੇ ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਕਿ ਇਹ ਹੈਰੋਇਨ ਪਾਕਿਸਤਾਨ ਤੋਂ ਮਗਵਾਉਣ ਵਾਲੇ ਕਿਹੜੇ ਭਾਰਤੀ ਸਮਗਲਰ ਹਨ? ਉਨ੍ਹਾਂ ਕਿਹਾ ਕਿ ਜਿਵੇਂ ਹੀ ਇਸ ਬਾਰੇ ਪਤਾ ਲੱਗ ਜਾਵੇਗਾ, ਉਹ ਤੁਰੰਤ ਉਕਤ ਸਮਗਲਰ ਨੂੰ ਗ੍ਰਿਫਤਾਰ ਕਰਕੇ ਸਲਾਖਾਂ ਪਿੱਛੇ ਸੁੱਟਣਗੇ।
