ਪੰਜਾਬ ਸਰਕਾਰ ਅਤੇ ਕੇਂਦਰੀ ਮੰਤਰੀ ਹਰਸਿਮਰਤ ਕੌਰ ਬਾਦਲ ਦੇ ਵਿਚਕਾਰ ਪੰਜਾਬ ਵਿਚ ਸਪੇਨਿਸ਼ ਨਿਵੇਸ਼ ਲਿਆਉਣ ਦਾ ਕ੍ਰੈਡਿਟ ਯੁੱਧ ਚੱਲ ਰਿਹਾ ਹੈ।
ਪੰਜਾਬ ਸਰਕਾਰ ਅਤੇ ਕੇਂਦਰੀ ਮੰਤਰੀ ਹਰਸਿਮਰਤ ਕੌਰ ਬਾਦਲ ਦੇ ਵਿਚਕਾਰ ਪੰਜਾਬ ਵਿਚ ਸਪੇਨਿਸ਼ ਨਿਵੇਸ਼ ਲਿਆਉਣ ਦਾ ਕ੍ਰੈਡਿਟ ਯੁੱਧ ਚੱਲ ਰਿਹਾ ਹੈ ਅਤੇ ਦੋਵਾਂ ਨੇ ਦਾਅਵਾ ਕਰਦੇ ਹੋਏ ਉਸ ਪਲਾਂਟ ਲਈ ਕ੍ਰੈਡਿਟ ਦਾ ਟਵਿੱਟਰ 'ਤੇ ਲਿਆ, ਜਿਸ ਵਿਚ 80 ਹਜ਼ਾਰ ਮੀਟ੍ਰਿਕ ਟਨ ਸਬਜ਼ੀਆਂ ਵਿਸ਼ੇਸ਼ ਤੌਰ 'ਤੇ ਆਲੂ ਦੀ ਪ੍ਰਤੀ ਸਾਲ ਪ੍ਰੋਸੈਸਿੰਗ ਕਰਨ ਦੀ ਉਮੀਦ ਹੈ।
Captain Amrinder Singh
ਇੰਡੀਅਨ ਫਾਰਮਰਜ਼ ਫਰਟੀਲਾਈਜਰਸ ਕੋਆਪ੍ਰੇਟਿਵ ਲਿਮਟਿਡ (ਇਫਕੋ) ਅਤੇ ਸਪੇਨਿਸ਼ ਕੰਪਨੀ ਕਾਂਗੇਲਡੋਸ ਡੀ ਨਰਵਰਾ (ਸੀਐਨ) ਵਲੋਂ ਸਾਂਝੇ ਨਿਵੇਸ਼ ਦੇ ਨਾਲ 521 ਕਰੋੜ ਰੁਪਏ ਦੇ ਸਬਜ਼ੀ ਪ੍ਰੋਸੈਸਿੰਗ ਪਲਾਂਟ ਦਾ ਨੀਂਹ ਪੱਥਰ ਵੀਰਵਾਰ ਨੂੰ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਲੁਧਿਆਣਾ ਦੇ ਸਮਰਲਾ ਵਿਚ ਰੱਖਿਆ। ਸ਼੍ਰੋਮਣੀ ਅਕਾਲੀ ਦਲ ਦੀ ਹਰਸਿਮਰਤ ਕੌਰ ਬਾਦਲ ਨੇ ਦਾਅਵਾ ਕੀਤਾ ਹੈ ਕਿ ਉਨ੍ਹਾਂ ਦੀ ਮੀਟਿੰਗ ਤੋਂ ਬਾਅਦ ਇਸ ਸਪੇਨਿਸ਼ ਕੰਪਨੀ ਦੇ ਅਧਿਕਾਰੀਆਂ ਨੇ ਇਹ ਫੈਸਲਾ ਲਿਆ ਹੈ ਜਦਕਿ ਕੈਪਟਨ ਨੇ ਦਾਅਵਾ ਕੀਤਾ ਹੈ ਕਿ ਇਨਵੈਸਟ ਪੰਜਾਬ (ਪੰਜਾਬ ਬਿਊਰੋ ਆਫ਼ ਇਨਵੈਸਟਮੈਂਟ ਪ੍ਰਮੋਸ਼ਨ) ਦੇ ਤਹਿਤ ਕੰਪਨੀ ਨੇ ਅਪਣੀ ਯੋਜਨਾ ਬਾਰੇ ਸੋਚਿਆ ਹੈ।
Veg processing plant foundation stone
ਅਪਣੇ ਟਵਿੱਟਰ 'ਤੇ ਕੈਪਟਨ ਅਮਰਿੰਦਰ ਸਿੰਘ ਨੇ ਲਿਖਿਆ ''ਇਨਵੈਸਟ ਪੰਜਾਬ ਦੁਆਰਾ ਸਹੂਲਤ ਦੇ ਚਲਦਿਆਂ ਲੁਧਿਆਣਾ ਦੇ ਸਮਰਾਲਾ ਵਿਚ ਇਫਕੋ-ਸੀਐਨ ਪ੍ਰੋਸੈਸਿੰਗ ਪਲਾਂਟ ਦਾ ਨੀਂਹ ਪੱਥਰ ਰੱਖਿਆ। ਇਸ ਨਾਲ ਸਾਡੇ ਨੌਜਵਾਨਾਂ ਲਈ ਰੁਜ਼ਗਾਰ ਪੈਦਾ ਹੋਣ ਦੇ ਨਾਲ-ਨਾਲ ਇਲਾਕੇ ਦੇ ਮੌਜੂਦਾ ਖੇਤੀ-ਆਰਥਿਕ ਤੰਤਰ ਨੂੰ ਬੜ੍ਹਾਵਾ ਦੇਣ ਤੋਂ ਇਲਾਵਾ ਇਸ ਯੋਜਨਾ ਨਾਲ 10 ਹਜ਼ਾਰ ਤੋਂ ਜ਼ਿਆਦਾ ਕਿਸਾਨਾਂ ਨੂੰ ਲਾਭ ਹੋਵੇਗਾ।'' ਕੈਪਟਨ ਦੇ ਮੀਡੀਆ ਸਲਾਹਕਾਰ ਰਵੀਨ ਠੁਕਰਾਲ ਨੇ ਵੀ 8 ਅਗੱਸਤ 2018 ਨੂੰ ਸਮਝੌਤੇ ਦੀ ਇਕ ਕਾਪੀ ਜਾਰੀ ਕੀਤੀ, ਜਿਸ ਵਿਚ 'ਇਨਵੈਸਟ ਪੰਜਾਬ' ਦੇ ਤਹਿਤ ਸੀਐਨ-ਇਫਕੋ ਅਤੇ ਪੰਜਾਬ ਸਰਕਾਰ ਦੇ ਵਿਚਕਾਰ ਦਸਤਖ਼ਤ ਕੀਤੇ ਗਏ ਸਨ ਅਤੇ ਰਾਜੇਸ਼ ਅਗਰਵਾਲ, ਸੀਈਓ ਇਨਵੈਸਟ ਪੰਜਾਬ ਦੇ ਇਲਾਵਾ ਦੋਵਾਂ ਦੇ ਅਧਿਕਾਰੀਆਂ ਤੋਂ ਅਲੱਗ ਸਨ।
Laid the foundation stone of the IFFCO-CN Food Processing Plant, facilitated by @invest_punjab in Samrala, Ludhiana. This project will benefit over 10,000 farmers, besides generating employment for our youth and boosting the agro-economic ecosystem of the region! #RisingPunjab pic.twitter.com/xgF5ljDu1f
— Capt.Amarinder Singh (@capt_amarinder) May 30, 2019
ਦੂਜੇ ਪਾਸੇ ਹਰਸਿਮਰਤ ਕੌਰ ਬਾਦਲ ਨੇ ਟਵਿੱਟਰ 'ਤੇ ਸਪੇਨਿਸ਼ ਅਧਿਕਾਰੀਆਂ ਨਾਲ ਅਪਣੀ ਤਸਵੀਰ ਸ਼ੇਅਰ ਕਰਦੇ ਹੋਏ ਦਾਅਵਾ ਕੀਤਾ ਹੈ ਅਤੇ ਲਿਖਿਆ ''ਇਹ ਪਰਿਯੋਜਨਾ ਮੇਰੇ ਦਿਲ ਦੇ ਕਰੀਬ ਹੈ ਅਤੇ ਫੂਡ ਪ੍ਰੋਸੈਸਿੰਗ ਮੰਤਰਾਲਾ ਦੁਆਰਾ ਹੱਥ ਫੜਨ ਦੇ ਸਿੱਟੇ ਵਜੋਂ ਹਰ ਕਦਮ 'ਤੇ ਸਪੇਨਿਸ਼ ਕੰਪਨੀ ਦੀ ਸਹਾਇਤਾ ਕੀਤੀ। ਮੈਨੂੰ ਉਹ ਪਲ ਯਾਦ ਹੈ ਜਦੋਂ ਪਿਛਲੇ ਸਾਲ ਸਤੰਬਰ ਵਿਚ ਸਪੇਨ ਦੀ ਯਾਤਰਾ ਦੌਰਾਨ ਫਰਮ ਅਤੇ ਇਨਵੈਸਟ ਇੰਡੀਆਦੇ ਵਿਚਕਾਰ ਇਕ ਏਐਮਯੂ ਸਾਈਨ ਕੀਤਾ ਗਿਆ ਸੀ।'' ਫੂਡ ਪ੍ਰੋਸੈਸਿੰਗ ਮੰਤਰਾਲਾ ਨੇ ਅਪਣੇ ਅਧਿਕਾਰਕ ਟਵਿੱਟਰ ਹੈਂਡਲ ਜ਼ਰੀਏ ਵੀ ਪੰਜ ਟਵੀਟਸ ਦਾਅਵਾ ਕ੍ਰੈਡਿਟ ਲਈ ਭੇਜਿਆ। 9 ਅਗੱਸਤ 2018 ਨੂੰ ਸਪੇਨਿਸ਼ ਅਧਿਕਾਰੀਆਂ ਨਾਲ ਹਰਸਿਮਰਤ ਦੀ ਮੁਲਾਕਾਤ ਦੀਆਂ ਤਸਵੀਰਾਂ ਦੇ ਨਾਲ ਇਕ ਪੁਰਾਣੇ ਟਵੀਟ ਨੂੰ ਲੱਭ ਕੇ ਅਤੇ ਰੀਟਵੀਟ ਕਰਦੇ ਹੋਏ ਮੰਤਰਾਲਾ ਦੇ ਹੈਂਡਲ ਨੇ ਲਿਖਿਆ ''10 ਅਗੱਸਤ ਨੂੰ ਨਵੀਂ ਦਿੱਲੀ ਵਿਚ ਕਾਂਗੇਲਡੋਸ ਡੀ ਨਵਰਾ (ਸੀਐਨ) ਦੇ ਨਾਲ ਇਕ ਸਮਝੌਤਾ ਪੱਤਰ 'ਤੇ ਦਸਤਖ਼ਤ ਕੀਤੇ ਸਨ।
This project is close to my heart and a result of hand holding by the @MOFPI_GOI which assisted the #Spanish company at every step. I remember the moment when an #MoU was signed between the firm and Invest India in September last year during my visit to #Spain. https://t.co/ikGwZ3tCCc pic.twitter.com/KObTNN4bxm
— Harsimrat Kaur Badal (@HarsimratBadal_) May 29, 2019
ਇਕ ਅੰਗਰੇਜ਼ੀ ਅਖ਼ਬਾਰ ਨਾਲ ਗੱਲਬਾਤ ਕਰਦਿਆਂ ਮੁੱਖ ਮੰਤਰੀ ਦੇ ਮੀਡੀਆ ਸਲਾਹਕਾਰ ਰਵੀਨ ਠੁਕਰਾਲ ਨੇ ਕਿਹਾ ਕਿ ਹਰਸਿਮਰਤ ਬਾਦਲ ਜੋ ਚਾਹੇ ਦਾਅਵਾ ਕਰ ਸਕਦੀ ਹੈ ਪਰ ਤੱਥ ਇਹ ਹੈ ਕਿ ਪਰਿਯੋਜਨਾ ਨਿਵੇਸ਼ ਪੰਜਾਬ ਅਤੇ ਦੋਵੇਂ ਕੰਪਨੀਆਂ ਦੇ ਵਿਚਕਾਰ ਸਮਝੌਤੇ ਦਾ ਨਤੀਜਾ ਹੈ। ਜਦੋਂ ਵੀ ਕੋਈ ਵਿਦੇਸ਼ੀ ਕੰਪਨੀ ਭਾਰਤ ਵਿਚ ਨਿਵੇਸ਼ ਕਰਨਾ ਚਾਹੁੰਦੀ ਹੈ ਤਾਂ ਉਨ੍ਹਾਂ ਨੂੰ ਕਈ ਰਾਜਾਂ ਵਿਚ ਭੇਜਿਆ ਜਾਂਦਾ ਹੈ ਅਤੇ ਫਿਰ ਇਹ ਰਾਜਾਂ 'ਤੇ ਨਿਰਭਰ ਹੁੰਦਾ ਹੈ ਕਿ ਉਨ੍ਹਾਂ ਨੂੰ ਕਿਸ ਤਰ੍ਹਾਂ ਦੀ ਸਹੂਲਤ ਦੇਣੀ ਹੈ। ਪੰਜਾਬ ਸਰਕਾਰ ਇਸ ਸਪੇਨਿਸ਼ ਨਿਵੇਸ਼ ਨੂੰ ਸਾਂਭਣ ਵਿਚ ਸਫ਼ਲ ਰਹੀ। ਦੂਜੇ ਪਾਸੇ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਦੇ ਮੀਡੀਆ ਸਲਾਹਕਾਰ ਜੰਗਵੀਰ ਸਿੰਘ ਨੇ ਹਰਸਿਮਰਤ ਬਾਦਲ ਵਲੋਂ ਗੱਲਬਾਤ ਕਰਦਿਆਂ ਕਿਹਾ ਕਿ ਹਰਸਿਮਰਤ ਬਾਦਲ ਨੇ ਸਪੇਨਿਸ਼ ਅਧਿਕਾਰੀਆਂ ਨਾਲ ਮੁਲਾਕਾਤ ਦੀ ਤਜਵੀਜ਼ ਬਾਰੇ ਪੰਜਾਬ ਨੂੰ ਜਾਣਕਾਰੀ ਨਹੀਂ ਦਿੱਤੀ ਸੀ।
Raveen Thukral, media advisor to CM
ਜਦੋਂ ਸ੍ਰੀਮਤੀ ਬਾਦਲ ਸਤੰਬਰ 2018 ਵਿਚ ਸਪੇਨ ਵਿਚ ਕੰਪਨੀ ਦੇ ਦਫ਼ਤਰ ਗਈ ਸੀ ਤਾਂ ਉਨ੍ਹਾਂ ਨੇ ਸੀਐਨ ਅਧਿਕਾਰੀਆਂ ਨਾਲ ਮੁਲਾਕਾਤ ਕੀਤੀ ਅਤੇ ਉਨ੍ਹਾਂ ਨੂੰ ਪੰਜਾਬ ਵਿਚ ਨਿਵੇਸ਼ ਕਰਨ ਦੀ ਬੇਨਤੀ ਕੀਤੀ। ਇਸ ਤੋਂ ਬਾਅਦ ਇਨਵੈਸਟ ਇੰਡੀਆ ਦੇ ਨਾਲ ਸਮਝੌਤਾ ਪੱਤਰ 'ਤੇ ਦਸਤਖ਼ਤ ਕੀਤੇ ਗਏ। ਇਸ ਤੋਂ ਪਹਿਲਾਂ ਪੰਜਾਬ ਸਰਕਾਰ ਜਾਂ ਇਨਵੈਸਟ ਪੰਜਾਬ ਨੂੰ ਤਜਵੀਜ਼ ਬਾਰੇ ਪਤਾ ਨਹੀਂ ਸੀ। ਉਨ੍ਹਾਂ ਇਹ ਵੀ ਆਖਿਆ ਕਿ ਸੀਐਨ ਤੋਂ ਪੁੱਛਣਾ ਚਾਹੀਦਾ ਹੈ ਕਿ ਭਾਰਤ ਵਿਚ ਉਨ੍ਹਾਂ ਨੂੰ ਪ੍ਰਵੇਸ਼ ਦੀ ਸਹੂਲਤ ਕਿਸ ਨੇ ਦਿੱਤੀ? ਇਨਵੈਸਟ ਪੰਜਾਬ ਨੇ ਬਾਅਦ ਵਿਚ ਉਨ੍ਹਾਂ ਨਾਲ ਇਕ ਹੋਰ ਸਮਝੌਤਾ ਪੱਤਰ 'ਤੇ ਦਸਤਖ਼ਤ ਕੀਤੇ, ਫਿਰ ਅਸੀਂ ਕੀ ਕਹਿ ਸਕਦੇ ਹਾਂ ਪਰ ਸੱਚ ਨਹੀਂ ਬਦਲਦਾ ਕਿ ਸ੍ਰੀਮਤੀ ਬਾਦਲ ਨੇ ਸਪੇਨ ਜਾ ਕੇ ਉਨ੍ਹਾਂ ਨੂੰ ਨਿਵੇਸ਼ ਲਈ ਸੱਦਾ ਦਿੱਤਾ ਸੀ।
Harsimrat Kaur Badal
ਇਸ ਸਬੰਧੀ ਆਈਏਐਸ ਅਧਿਕਾਰੀ ਰਜਤ ਅਗਰਵਾਲ ਸੀਈਓ ਇਨਵੈਸਟ ਪੰਜਾਬ ਨੇ ਕਿਹਾ ਕਿ ਉਹ ਜੁਲਾਈ 2018 ਤੋਂ ਸਪੇਨਿਸ਼ ਫਰਮ ਦੇ ਨਾਲ ਗੱਲਬਾਤ ਕਰ ਰਹੇ ਸਨ ਅਤੇ ਉਨ੍ਹਾਂ ਨੂੰ ਹਰ ਕਦਮ 'ਤੇ ਸਹੂਲਤ ਪ੍ਰਦਾਨ ਕੀਤੀ। ਅਸੀਂ ਪਿਛਲੇ ਸਾਲ ਜੁਲਾਈ ਤੋਂ ਕੰਪਨੀ ਦੇ ਸੰਪਰਕ ਵਿਚ ਸੀ। ਕੰਪਨੀ ਦੇ ਅਧਿਕਾਰੀਆਂ ਨੇ ਕੁੱਝ ਹੋਰ ਰਾਜਾਂ ਦੀ ਵੀ ਜਾਂਚ ਕੀਤੀ ਪਰ ਅਸੀਂ ਉਨ੍ਹਾਂ ਨੂੰ ਬਿਹਤਰ ਸਹੂਲਤਾਂ ਪ੍ਰਦਾਨ ਕੀਤੀਆਂ ਅਤੇ ਆਖ਼ਰ ਵਿਚ ਉਨ੍ਹਾਂ ਨੇ ਪੰਜਾਬ ਨੂੰ ਚੁਣਿਆ।
Veg processing plant foundation stone
ਸਿਆਸੀ ਨੇਤਾਵਾਂ ਦੇ ਇਸ ਕ੍ਰੈਡਿਟ ਯੁੱਧ ਦੇ ਵਿਚਕਾਰ ਇਸ ਪਲਾਂਟ 2020 ਤਕ ਚਾਲੂ ਹੋਣ ਦੀ ਉਮੀਦ ਹੈ, ਜਿਸ ਨਾਲ ਪੰਜਾਬ ਵਿਚ ਆਲੂ ਕਿਸਾਨਾਂ ਨੂੰ ਲਾਭ ਹੋਣ ਦੀ ਉਮੀਦ ਹੈ ਜੋ ਸਾਲ ਕੀਮਤਾਂ ਵਿਚ ਗਿਰਾਵਟ ਅਤੇ ਨੁਕਸਾਨ ਦਾ ਸਾਹਮਣਾ ਕਰਦੇ ਹਨ। ਸਮਰਾਲਾ ਦੇ ਪਿੰਡ ਸੈਅੱਜੋ ਮਾਜਰਾ ਅਤੇ ਰੱਤੀਪੁਰ ਵਿਚ 52 ਏਕੜ ਵਿਚ ਫੈਲਿਆ ਹਰ ਸਾਲ 80 ਹਜ਼ਾਰ ਮੀਟ੍ਰਿਕ ਟਨ ਸਬਜ਼ੀਆਂ ਦੀ ਪ੍ਰੋਸੈਸਿੰਗ ਕਰਨ ਵਾਲਾ ਇਸ ਪਲਾਂਟ ਦੇ 150 ਕਿਲੋਮੀਟਰ ਦੇ ਦਾਇਰੇ ਵਿਚ ਸਥਾਨਕ ਕਿਸਾਨਾਂ ਕੋਲੋਂ ਸਿੱਧੇ ਖ਼ਰੀਦ ਕਰਨ ਦੀ ਉਮੀਦ ਹੈ।
Veg processing plant foundation stone pic
ਇੱਥੇ ਬ੍ਰੋਕਲੀ, ਫੁੱਲ ਗੋਭੀ, ਗਾਜਰ, ਮਟਰ, ਮੱਕੀ ਆਦਿ ਅਤੇ ਵਿਸ਼ੇਸ਼ ਤੌਰ 'ਤੇ ਆਲੂ ਨੂੰ ਫ੍ਰੈਂਚ ਫਰਾਈਜ਼ ਅਤੇ ਆਲੂ ਦੇ ਸਨੈਕਸ ਦੇ ਨਿਰਮਾਣ ਲਈ ਪ੍ਰੋਸੈਸਿੰਗ ਕੀਤਾ ਜਾਵੇਗਾ। ਇਸ ਨਾਲ 2500 ਸਿੱਧੇ ਅਤੇ ਅਸਿੱਧੇ ਰੁਜ਼ਗਾਰ ਸਿਰਜਣ ਦੀ ਉਮੀਦ ਹੈ। ਇਸੇ ਵਿਚਕਾਰ 117 ਕਰੋੜ ਰੁਪਏ ਦੇ ਨਿਵੇਸ਼ ਦੇ ਨਾਲ ਲੁਧਿਆਣਾ ਦੇ ਲਾਡੋਵਾਲ ਵਿਚ ਬਣਾਇਆ ਗਿਆ ਮੈਗਾ ਫੂਡ ਪਾਰਕ ਅਜੇ ਵੀ ਕੰਮ ਦੇ ਪੂਰਾ ਹੋਣ ਦੇ ਬਾਵਜੂਦ ਉਦਘਾਟਨ ਦਾ ਇੰਤਜ਼ਾਰ ਕਰ ਰਿਹਾ ਹੈ। ਹਰਸਿਮਰਤ ਬਾਦਲ ਨੇ ਕਿਹਾ ਕਿ ਪੰਜਾਬ ਦੇ ਮੁੱਖ ਮੰਤਰੀ ਨੂੰ ਜਲਦ ਹੀ ਲਾਡੋਵਾਲ ਪਾਰਕ ਦਾ ਉਦਘਾਟਨ ਕਰਨਾ ਚਾਹੀਦਾ ਹੈ ਜੋ ਕਿ ਉਨ੍ਹਾਂ ਦੇ ਮੰਤਰਾਲਾ ਵਲੋਂ ਪੰਜਾਬ ਐਗਰੋ ਇੰਡਸਟਰੀਜ਼ ਕਾਰਪੋਰੇਸ਼ਨ ਲਿਮਟਿਡ ਨੂੰ ਅਲਾਟ ਕੀਤਾ ਗਿਆ ਸੀ।
