ਗੱਡੀਆਂ ਦੇ ਸਵਾਲ ਚੁੱਕਣ ਤੋਂ ਪਹਿਲਾਂ ਪੁੱਛ ਲਿਆ ਕਰੋ
ਚੰਡੀਗੜ੍ਹ: ਆਏ ਦਿਨ ਸਮਾਜ ਸੇਵੀਆਂ ਤੇ ਉੱਠ ਰਹੇ ਸਵਾਲਾਂ ਤੋਂ ਬਾਅਦ ਹੁਣ ਰਵੀ ਸਿੰਘ ਖਾਲਸਾ ਏਡ ਦੇ ਵੱਲੋਂ ਵੀ ਫੇਸਬੁੱਕ ਤੇ ਲਾਈਵ ਹੋ ਕੇ ਲੋਕਾਂ ਨੂੰ ਅਪਣਾ ਹਿਸਾਬ-ਕਿਤਾਬ ਦੇਣ ਦੀ ਗੱਲ ਆਖੀ ਜਾ ਰਹੀ ਹੈ। ਰਵੀ ਸਿੰਘ ਖਾਲਸਾ ਏਡ ਦਾ ਕਹਿਣਾ ਹੈ ਕਿ ਉਹ ਅਪਣੇ ਕੰਮ ਵਿਚ ਹੋਰ ਟ੍ਰਾਂਸਪੇਰੈਂਸੀ ਲੈ ਕੇ ਆਉਣਗੇ ਜਿਸ ਤੋਂ ਬਾਅਦ ਲੋਕਾਂ ਨੂੰ ਸਿੱਧਾ ਹੀ ਰਵੀ ਸਿੰਘ ਖਾਲਸਾ ਏਡ ਦਾ ਹਿਸਾਬ ਕਿਤਾਬ ਮਿਲ ਸਕੇਗਾ।
ਇਸ ਦੇ ਨਾਲ ਹੀ ਗੋਲਡੀ ਪੀਪੀ ਦੀ 40 ਲੱਖ ਦੀ ਗੱਡੀ ਨੂੰ ਲੈ ਕੇ ਉੱਠ ਰਹੇ ਸਵਾਲਾਂ ਤੇ ਵੀ ਰਵੀ ਸਿੰਘ ਨੇ ਅਪਣੇ ਵਿਚਾਰ ਸਾਂਝ ਕੀਤੇ ਹਨ। ਰਵੀ ਸਿੰਘ ਖਾਲਸਾ ਨੇ ਦਸਿਆ ਕਿ ਇਸ ਸੰਸਥਾ ਨੂੰ 21 ਸਾਲ ਹੋਣ ਜਾ ਰਹੇ ਹਨ ਤੇ ਉਹਨਾਂ ਨੇ ਵਿਚਾਰ ਬਣਾਇਆ ਹੈ ਕਿ ਉਹ ਇਸ ਸੰਸਥਾ ਲਈ ਪਹਿਲਾਂ ਵੀ ਬਹੁਤ ਸਾਰੀਆਂ ਪਾਲਿਸੀਆਂ ਬਣਾਈਆਂ ਗਈਆਂ ਸਨ ਤੇ ਅੱਗੇ ਵੀ ਉਹ ਬਣਾਉਣਗੇ ਤਾਂ ਜੋ ਇਹ ਸੰਸਥਾ ਵੱਲੋਂ ਸੇਵਾ ਕਦੇ ਖਤਮ ਨਾ ਹੋਵੇ।
ਲੋਕਾਂ ਵੱਲੋਂ ਉਹਨਾਂ ਨੂੰ ਵੱਡੇ ਪੱਧਰ ਤੇ ਸੇਵਾ ਦਿੱਤੀ ਜਾਂਦੀ ਹੈ ਇਸ ਲਈ ਉਹ ਇਸ ਨੂੰ ਧਿਆਨ ਵਿਚ ਰੱਖਦੇ ਹੋਏ ਅਜਿਹਾ ਸਿਸਟਮ ਤਿਆਰ ਕਰਨਗੇ ਕਿ ਲੋਕਾਂ ਦਾ ਭਰੋਸਾ ਨਾ ਟੁੱਟੇ। ਇਸ ਦੇ ਨਾਲ ਹੀ ਉਹਨਾਂ ਹੋਰਨਾਂ ਸੰਸਥਾਵਾਂ ਲਈ ਕਿਹਾ ਕਿ ਉਹਨਾਂ ਨੂੰ ਕੁੱਝ ਵੀ ਬੋਲਣ ਤੋਂ ਪਹਿਲਾਂ ਉਹਨਾਂ ਬਾਰੇ ਜਾਂਚ ਪੜਤਾਲ ਕਰਨੀ ਚਾਹੀਦੀ ਹੈ। ਬਿਨਾਂ ਕੁੱਝ ਜਾਣੇ ਉਹਨਾਂ ਤੇ ਇਲਜ਼ਾਮ ਨਹੀਂ ਲਗਾਉਣੇ ਚਾਹੀਦੇ।
ਜੇ ਕਿਸੇ ਨੂੰ ਲਗਦਾ ਹੈ ਕਿ ਕੋਈ ਸੰਸਥਾ ਜਾਂ ਉਸ ਸੰਸਥਾ ਦਾ ਮੈਂਬਰ ਪੈਸਿਆਂ ਦਾ ਗਲਤ ਇਸਤੇਮਾਲ ਕਰ ਰਿਹਾ ਹੈ ਤਾਂ ਉਸ ਨੂੰ ਸਿੱਧਾ ਪੁੱਛੋ ਪਰ ਕਿਸੇ ਦੀਆਂ ਸੁਣੀਆਂ –ਸੁਣਾਈਆਂ ਗੱਲਾਂ ਤੇ ਵਿਸ਼ਵਾਸ ਨਹੀਂ ਕਰਨਾ ਚਾਹੀਦਾ। ਦਸ ਦਈਏ ਕਿ ਪਿਛਲੇ ਦਿਨੀਂ ਕੁੱਝ ਸਮਾਜ ਸੇਵੀਆਂ ਤੇ ਇਲਜ਼ਾਮ ਲਗਾਏ ਗਏ ਸਨ ਕਿ ਉਹ ਐਨਆਰਆਈਜ਼ ਦੇ ਪੈਸਿਆਂ ਦਾ ਗਲਤ ਇਸਤੇਮਾਲ ਕਰਦੇ ਹਨ। ਹੋਰ ਵੀ ਬਹੁਤ ਸਾਰੇ ਇਲਜ਼ਾਮ ਲਗਾਏ ਗਏ ਸਨ।
ਇਸ ਤੇ ਪੁਨੀਤ, ਗੋਲਡੀ ਵੱਲੋਂ ਲਾਈਵ ਹੋ ਕੇ ਅਪਣੇ ਤੇ ਲੱਗੇ ਇਲਜ਼ਾਮਾਂ ਤੋਂ ਪਰਦਾ ਚੁੱਕਿਆ ਹੈ। ਹੁਣ ਫਿਰ ਗੋਲਡੀ ਅਤੇ ਪੁਨੀਤ ਨੇ ਇਕੱਠਿਆਂ ਨੇ ਇਕ ਵੀਡੀਓ ਵਿਚ ਕਿਹਾ ਕਿ ਜੇ ਕਿਸੇ ਨੂੰ ਹਿਸਾਬ ਚਾਹੀਦਾ ਹੈ ਤਾਂ ਕੋਈ ਇਕ ਉਹਨਾਂ ਕੋਲੋਂ ਹਿਸਾਬ ਲੈ ਲੈਣ ਪਰ ਹਵਾ ਵਿਚ ਤੀਰ ਨਾ ਮਾਰਨ। ਉਹ ਇਕ-ਇਕ ਰੁਪਏ ਦਾ ਹਿਸਾਬ ਦੇਣ ਨੂੰ ਤਿਆਰ ਹਨ।
ਦਸ ਦਈਏ ਕਿ ਪੀਪੀ ਗੋਲਡੀ ਨੇ ਲਾਈਵ ਹੋ ਕੇ ਅਪਣੇ ਤੇ ਲੱਗੇ ਇਲਜ਼ਾਮਾਂ ਨੂੰ ਨਕਾਰਿਆ ਸੀ ਤੇ ਹੁਣ ਪੀਪੀ ਪਵਨ ਪੁਨੀਤ ਨੇ ਲਾਈਵ ਹੋ ਕੇ ਇਸ ਮੁੱਦੇ ਤੇ ਬੋਲੇ ਹਨ। ਉਹਨਾਂ ਕਿਹਾ ਕਿ ਰੌਲਾ ਸਹਾਇਤਾ ਦਾ ਨਹੀਂ ਹੈ ਰੌਲਾ ਸਿਰਫ ਪੈਸੇ ਦਾ ਹੈ। ਉਹ ਸੱਚੇ ਹਨ ਇਸ ਲਈ ਉਹ ਕੋਈ ਸਫ਼ਾਈ ਨਹੀਂ ਦੇਣਗੇ। ਗੱਡੀ ਵਾਲੇ ਇਲਜ਼ਾਮ ਨੂੰ ਲੈ ਕੇ ਪੀਪੀ ਪੁਨੀਤ ਨੇ ਅਪਣੇ ਪਰਿਵਾਰ ਬਾਰੇ ਦਸਿਆ ਕਿ ਉਹਨਾਂ ਦਾ ਪਰਿਵਾਰ ਪਿਛੋਕੜ ਤੋਂ ਹੀ ਬਹੁਤ ਅਮੀਰ ਹੈ ਤੇ ਉਹਨਾਂ ਲਈ ਕੋਈ ਗੱਡੀ ਲੈਣਾ ਵੱਡੀ ਗੱਲ ਨਹੀਂ। ਉਹ ਅਪਣੇ ਪੈਸੇ ਤੇ ਕੁੱਝ ਵੀ ਖਰੀਦ ਸਕਦੇ ਹਨ।
ਜ਼ਿਕਰਯੋਗ ਹੈ ਕਿ ਪ੍ਰਧਾਨ ਮੰਤਰੀ ਬਾਜੇ ਕੇ ਵੱਲੋਂ ਗੋਲਡੀ ਨੂੰ ਚੋਰ ਆਖਿਆ ਗਿਆ ਤੇ ਇਕ ਹੋਰ ਨੌਜਵਾਨ ਵੱਲੋਂ ਵੀ ਇਹਨਾਂ ਸਮਾਜ ਸੇਵੀਆਂ ਖਿਲਾਫ ਇਕ ਕਵਿਤਾ ਲਿਖੀ ਗਈ ਸੀ ਜਿਸ ਤੋਂ ਬਾਅਦ ਇਹ ਮਾਮਲਾ ਹੋਰ ਭਖਦਾ ਹੋਇਆ ਨਜ਼ਰ ਆ ਰਿਹਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।