ਕਿਸਾਨ ਅੰਦੋਲਨ ਦੇ ਵਾਹਨਾਂ ਅਤੇ ਐਂਬੂਲੈਂਸਾਂ ਲਈ ਮੁਫ਼ਤ ਸੇਵਾ
ਮੋਗਾ (ਦਲੀਪ ਕੁਮਾਰ) ਜੇ ਤੁਹਾਡੇ ਮੋਟਰਸਾਈਕਲ ਜਾਂ ਕਾਰ ਦਾ ਟਾਇਰ ਪੰਕਚਰ ਹੋ ਗਿਆ ਹੈ ਤਾਂ ਚਿੰਤਾ ਕਰਨ ਦੀ ਕੋਈ ਲੋੜ ਨਹੀਂ ਹੈ। ਪੰਕਚਰ ਲਗਾਉਣ ਵਾਲੀ ਗੱਡੀ ਤੁਹਾਡੇ ਘਰ ਤਕ ਪਹੁੰਚੇਗੀ। ਇਸ ਨਵੀਂ ਸਰਵਿਸ ਦੀ ਸ਼ੁਰੂਆਤ ਜ਼ਿਲ੍ਹਾ ਮੋਗਾ ਦੇ ਪਿੰਡ ਬਧਨੀ ਕਲਾਂ ਦੇ ਨੌਜਵਾਨ ਜਸਪ੍ਰੀਤ ਸਿੰਘ ਨੇ ਕੀਤੀ ਹੈ।
ਉਹ ਪਿਛਲੇ 8 ਸਾਲ ਤੋਂ ਸਾਊਦੀ ਅਰਬ 'ਚ ਮਕੈਨਿਕ ਦਾ ਕੰਮ ਕਰਦਾ ਸੀ। 6 ਮਹੀਨੇ ਪਹਿਲਾਂ ਘਰ ਪਰਤੇ ਜਸਪ੍ਰੀਤ ਨੇ ਜੁਗਾੜ ਲਾ ਕੇ ਜੀਪ ਵਿੱਚ ਪੰਕਚਰ ਲਗਾਉਣ ਵਾਲੀ ਦੁਕਾਨ ਖੋਲ੍ਹ ਦਿੱਤੀ।
ਜਸਪ੍ਰੀਤ ਨੇ ਆਪਣੀ ਚੱਲਦੀ-ਫਿਰਦੀ ਦੁਕਾਨ 'ਚ ਟਾਇਰ ਪੰਕਚਰ ਲਈ ਵਰਤੇ ਜਾਂਦੇ ਸਾਰੇ ਸੰਦ ਰੱਖੇ ਹੋਏ ਹਨ। 20 ਕਿਲੋਮੀਟਰ ਦੇ ਏਰੀਏ 'ਚ ਜਿੱਥੋਂ ਵੀ ਫ਼ੋਨ ਆਉਂਦਾ ਹੈ।ਉਹ ਆਪਣੀ ਜੀਪ ਲੈ ਕੇ ਪਹੁੰਚ ਜਾਂਦਾ ਹੈ।
ਜਸਪ੍ਰੀਤ ਸਿੰਘ ਦੀ ਖ਼ਾਸ ਗੱਲ ਇਹ ਹੈ ਕਿ ਉਹ ਕਿਸਾਨ ਅੰਦੋਲਨ 'ਚ ਜਾ ਰਹੇ ਵਾਹਨਾਂ ਅਤੇ ਐਂਬੂਲੈਂਸਾਂ ਲਈ ਮੁਫ਼ਤ ਸੇਵਾ ਦਿੰਦਾ ਹੈ। ਸਰਵਿਸ ਤੋਂ ਲੈ ਕੇ ਪੰਕਚਰ ਲਗਾਉਣ ਦਾ ਕੋਈ ਪੈਸਾ ਨਹੀਂ ਲੈਂਦਾ।
ਗੱਲਬਾਤ ਕਰਦਿਆਂ ਜਸਪ੍ਰੀਤ ਨੇ ਦੱਸਿਆ ਕਿ ਉਹ ਸਾਊਦੀ ਅਰਬ ਮਕੈਨਿਕ ਵਜੋਂ ਕੰਮ ਕਰਦਾ ਸੀ ਅਤੇ ਉਹ ਲਗਭਗ 5-6 ਮਹੀਨੇ ਪਹਿਲਾਂ ਭਾਰਤ ਵਾਪਸ ਆਇਆ ਸੀ, ਉਸਨੇ ਦੱਸਿਆ ਕਿ ਉਹ ਸਾਊਦੀ ਅਰਬ ਵਿੱਚ ਵੀ ਇਸੇ ਤਰ੍ਹਾਂ ਦੀ ਸੇਵਾ ਕਰਦਾ ਸੀ।
ਉਸਨੇ ਇੱਥੇ ਉਹੀ ਸੇਵਾ ਸ਼ੁਰੂ ਕੀਤੀ ਹੈ ਜਿਵੇਂ ਉਹ ਸਾਊਦੀ ਅਰਬ ਵਿੱਚ ਟੈਕਨਾਲੌਜੀ ਕਰਦਾ ਸੀ, ਉਸਨੇ ਦੱਸਿਆ ਕਿ ਉਹ ਹੁਣ ਇਸ ਗੱਡੀ ਰਾਹੀਂ ਮੋਗਾ ਜ਼ਿਲ੍ਹੇ ਦੇ ਪਿੰਡਾਂ ਅਤੇ ਕਸਬਿਆਂ ਵਿੱਚ ਜਾ ਕੇ ਇਹ ਸਹੂਲਤ ਦਿੰਦਾ ਹੈ।