ਨਸ਼ੇ ਦੀ ਪਾਰਟੀ ਕਰਦੇ ਨਾਈਜੀਰੀਆ ਦੇ 11 ਮਰਦ ਤੇ ਔਰਤਾਂ ਗ੍ਰਿਫ਼ਤਾਰ

ਨੋਇਡਾ, 30 ਅਗੱਸਤ : ਉਤਰ ਪ੍ਰਦੇਸ਼ ਦੇ ਨੋਇਡਾ ਇਲਾਕੇ 'ਚ ਸੂਰਜਪੁਰ ਥਾਣਾ ਖੇਤਰ ਵਿਚ ਸਥਿਤ ਇਕ ਪਲਾਂਟ ਵਿਚ ਸਨਿਚਰਵਾਰ ਦੇਰ ਰਾਤ ਨੂੰ ਰੇਵ ਪਾਰਟੀ ਕਰ ਰਹੇ ਨਾਈਜੀਰੀਆਈ ਦੇ 11 ਜਨਾਨੀ-ਪੁਰਸ਼ਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਇਨ੍ਹਾਂ ਕੋਲੋ 288 ਬੋਤਲ ਵਿਦੇਸ਼ੀ ਬੀਅਰ ਅਤੇ 4 ਬੋਤਲਾਂ ਵਿਦੇਸ਼ੀ ਸ਼ਰਾਬ ਤੇ ਲਗਜ਼ਰੀ ਕਾਰਾਂ ਬਰਾਮਦ ਕੀਤੀਆਂ ਗਈਆਂ ਹਨ। ਪੁਲਿਸ ਡਿਪਟੀ ਕਮਿਸ਼ਨਰ ਹਰੀਸ਼ ਚੰਦਰ ਨੇ ਦਸਿਆ ਕਿ ਦੇਰ ਰਾਤ ਨੂੰ ਥਾਣਾ ਸੂਰਜਪੁਰ ਪੁਲਿਸ ਨੂੰ ਸੂਚਨਾ ਮਿਲੀ ਕਿ ਇਕ ਪਲਾਂਟ ਵਿਚ ਕਿਰਾਏ 'ਤੇ ਰਹਿਣ ਵਾਲੇ ਵਿਦੇਸ਼ੀ ਲੋਕ ਰੇਵ ਪਾਰਟੀ ਕਰ ਰਹੇ ਹਨ।
ਉਨ੍ਹਾਂ ਦਸਿਆ ਕਿ ਸੂਚਨਾ ਦੇ ਆਧਾਰ 'ਤੇ ਇਕ ਪੁਲਿਸ ਟੀਮ ਬਣਾਈ ਗਈ ਅਤੇ ਉਥੇ ਛਾਪੇਮਾਰੀ ਕੀਤੀ ਗਈ। ਡੀ. ਸ.ੀ. ਪੀ. ਨੇ ਦਸਿਆ ਕਿ ਛਾਪੇਮਾਰੀ ਦੌਰਾਨ ਪੁਲਿਸ ਨੇ ਮੌਕੇ ਤੋਂ 11 ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਗ੍ਰਿਫ਼ਤਾਰ ਕੀਤੇ ਗਏ ਸਾਰੇ ਲੋਕ ਨਾਈਜੀਰੀਆਈ ਨਾਗਰਿਕ ਹਨ। ਪੁਲਿਸ ਨੂੰ ਪੁਛਗਿੱਛ ਦੌਰਾਨ ਪਤਾ ਲੱਗਾ ਹੈ ਕਿ ਇਹ ਲੋਕ ਕਾਫੀ ਦਿਨਾਂ ਤੋਂ ਰੇਵ ਪਾਰਟੀ ਦਾ ਆਯੋਜਨ ਕਰ ਰਹੇ ਸਨ। ਉਨ੍ਹਾਂ ਤੋਂ 288 ਬੋਤਲਾਂ ਵਿਦੇਸ਼ੀ ਬੀਅਰ, 4 ਬੋਤਲਾਂimage ਵਿਦੇਸ਼ੀ ਸ਼ਰਾਬ ਅਤੇ 7 ਲਗਜ਼ਰੀ ਕਾਰਾਂ ਬਰਾਮਦ ਕੀਤੀਆਂ ਗਈਆਂ ਹਨ। (ਏਜੰਸੀ)