Bathinda News : ਪੰਜਾਬ `ਚ 38,114 ਲੋਕਾਂ ਨੇ ਅਪਣਾਈ ਆਈਵੀਐੱਫ ਤਕਨੀਕ
Bathinda News :ਪੰਜਾਬ ਵਿਚ ਆਈਵੀਐਫ ਇਨ ਵਿਟਰੋ ਫਰਟੀਲਾਈਜੇਸ਼ਨ ਤਕਨੀਕ ਦੀ ਸ਼ੁਰੂਆਤ ਤੋਂ ਲੈ ਕੇ ਹੁਣ ਤੱਕ ਦੀ ਪੰਜਾਬ ਦੇ ਵੱਖ-ਵੱਖ ਜ਼ਿਲ੍ਹਿਆਂ ਵਿਚ ਇਸ ਤਕਨੀਕ ਨੂੰ 38114 ਲੋਕਾਂ ਨੇ ਅਪਣਾਇਆ ਹੈ। ਇਨ੍ਹਾਂ ਕੇਸਾਂ ਵਿਚ ਅੱਧੇ ਮਾਲਵਾ ਖੇਤਰ ਤੇ ਪੰਜ ਜ਼ਿਲ੍ਹਿਆਂ ਨਾਲ ਸਬੰਧਤ ਹਨ। ਇਸ ਤੋਂ ਸਾਫ਼ ਪਤਾ ਲੱਗਦਾ ਹੈ ਕਿ ਪੰਜਾਬ 'ਚ ਲੋਕਾਂ ਵਿਚ ਬੱਚੇ ਪੈਦਾ ਕਰਨ ਦੀ ਸਮਰੱਥਾ ਘੱਟ ਰਹੀ ਹੈ। ਇਹ ਤਕਨੀਕ ਭਾਰਤ ਵਿਚ 5 ਜਨਵਰੀ 2021 ਤੋਂ ਸ਼ੁਰੂ ਕੀਤੀ ਗਈ ਕੀ ਜਿਸ ਤੋਂ ਬਾਅਦ ਪੰਜਾਬ ਵਿਚ 38114 ਲੋਕਾਂ ਵੱਲੋਂ ਇਸ ਨੂੰ ਅਪਣਾਇਆ ਗਿਆ ।
ਇਸ ਤਕਨੀਕ ਨੂੰ ਅਪਣਾਉਣ ਲਈ ਔਰਤਾਂ ਅਤੇ ਮਰਦਾਂ ਦੀ ਉਮਰ ਸੀਮਾ ਵੀ ਨਿਰਧਾਰਤ ਕੀਤੀ ਗਈ ਹੈ। ਜੇ ਇਹ ਤਕਨੀਕ ਨਿਰਧਾਰਤ ਉਮਰ ਸੀਮਾ ਨਿਰਧਾਰਤ ਕੀਤੀ ਗਈ ਹੈ। ਜੇ ਇਹ ਤਕਨੀਕ ਨਿਰਧਾਰਤ ਉਮਰ ਸੀਮਾ ਤੋਂ ਵੱਧ ਗਲਤ ਤਰੀਕੇ ਨਾਲ ਵਰਤੀ ਜਾਂਦੀ ਹੈ, ਤਾਂ ਜੁਰਮਾਨਾ/ਸਜ਼ਾ ਵੀ ਹੋ ਸਕਦੀ ਹੈ। ਇਸ - ਤਕਨੀਕ ਨੂੰ ਅਪਣਾਉਣ ਲਈ ਔਰਤਾਂ ਦੀ ਮਰ 21-50 ਸਾਲ ਅਤੇ ਮਰਦਾਂ ਦੀ ਉਮਰ 55 ਸਾਲ ਦੇ ਵਿਚਕਾਰ ਨਿਰਧਾਰਤ ਕੀਤੀ ਗਈ ਹੈ। ਪੰਜਾਬ ਵਿਚ ਇਸ ਤਕਨੀਕ ਦੀ ਮਦਦ ਨਾਲ ਹਜ਼ਾਰਾਂ ਲੋਕ ਖੁਸ਼ੀਆਂ ਹਾਸਲ ਕਰ ਚੁੱਕੇ ਹਨ ਪਰ ਪੰਜਾਬ ਵਿਚ ਅਜੇ ਵੀ ਕਈ ਜ਼ਿਲ੍ਹੇ ਅਜਿਹੇ ਹਨ ਜਿਨ੍ਹਾਂ ਵਿਚ ਇਸ ਦੇ ਹਸਪਤਾਲ ਨਹੀਂ ਹਨ।
ਸਿੱਧੂ ਮੂਸੇਵਾਲਾ ਦੇ ਮਾਪਿਆਂ ਨੇ ਵੀ ਲਿਆ ਤਕਨੀਕ ਦਾ ਸਹਾਰਾ , ਇਸ ਤਕਨੀਕ ਸਬੰਧੀ ਤੈਅ ਕੀਤੀ ਗਈ ਹੈ ਉਮਰ ਹੱਦ
ਉਪਰੋਕਤ ਖ਼ੁਲਾਸਾ ਆਰਟਆਈ ਕਾਰਕੁੰਨ ਸੰਜੀਵ ਗੋਇਲ ਵੱਲੋਂ ਆਰਟੀਆਈ ਵਿਚ ਪ੍ਰਾਪਤ ਕੀਤੀ ਗਈ ਜਾਣਕਾਰੀ ਤੋਂ ਹੋਇਆ ਹੈ। ਉਨ੍ਹਾਂ ਦੱਸਿਆ ਕਿ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਦੀ ਮੌਤ ਤੋਂ ਬਾਅਦ ਉਨ੍ਹਾਂ ਦੇ ਮਾਤਾ-ਪਿਤਾ ਨੇ ਵੀ ਇਸੇ ਤਕਨੀਕ ਦਾ ਸਹਾਰਾ ਲਿਆ ਅਤੇ ਇਸ ਤਕਨੀਕ ਦੀ ਮਦਦ ਨਾਲ ਉਨ੍ਹਾਂ ਦੇ ਘਰ 'ਚ ਇਕ ਵਾਰ ਫਿਰ ਕਿਲਕਾਰੀਆਂ ਗੂੰਜੀਆਂ। ਇਸ ਨੂੰ ਅਪਣਾਉਣ ਵਾਲਿਆਂ ਲਈ ਕਈ ਤਰ੍ਹਾਂ ਦੇ ਨਿਯਮ ਬਣਾਏ ਗਏ ਹਨ ਜਿਨ੍ਹਾਂ ਦਾ ਪਾਲਣ ਕਰਨਾ ਬਹੁਤ ਜ਼ਰੂਰੀ ਪਾਲਣਾ ਨਾ ਕਰਨ ਵਾਲੇ ਨੂੰ ਜੁਰਮਾਨਾ ਸਜ਼ਾ ਵੀ ਹੋ ਸਕਦੀ ਹੈ। ਉਨ੍ਹਾਂ ਦੱਸਿਆ ਕਿ ਆਰਟੀਆਈ ਅਪਲਾਈ ਕਰਨ ਨਾਲ ਪੰਜਾਬ ਦੇ ਸਾਰੇ ਜ਼ਿਲ੍ਹਿਆਂ ਵਿਚ ਇਸ ਤਕਨੀਕ ਨੂੰ ਅਪਣਾਉਣ ਵਾਲੇ ਲੋਕਾਂ ਦੀ ਹੈ ਕੁੱਲ ਗਿਣਤੀ, ਗ਼ੈਰ-ਕਾਨੂੰਨੀ ਢੰਗ ਨਾਲ ਇਸ ਤਕਨਾਲੋਜੀ ਨੂੰ ਅਪਣਾਉਣ ਵਾਲੇ ਲੋਕਾਂ ਦੀ ਗਿਣਤੀ, ਜੁਰਮਾਨੇ ਦੀ ਕੁੱਲ ਰਕਮ ਅਤੇ ਭਾਰਤ ਵਿਚ ਇਸ ਤਕਨਾਲੋਜੀ ਨੂੰ ਲਾਗੂ ਕਰਨ ਦੀ ਮਿਤੀ ਅਤੇ ਸਾਰੀਆਂ ਕਾਪੀਆਂ ਇਸ ਤਕਨੀਕ ਨਾਲ ਸਬੰਧਤ ਨਿਯਮਾਂ, ਕਾਨੂੰਨਾਂ, ਹੁਕਮਾਂ ਆਦਿ ਦੀ ਮੰਗ ਕੀਤੀ ਗਈ ਸੀ, ਜਿਸ ਸਬੰਧੀ ਉਨ੍ਹਾਂ ਨੂੰ ਪੰਜਾਬ ਦੇ ਵੱਖ-ਵੱਖ ਜ਼ਿਲ੍ਹਿਆਂ ਤੋਂ 21 ਸਿਵਲ ਸਰਜਨ ਦਫ਼ਤਰਾਂ ਤੋਂ ਪੁੱਤਰ ਪ੍ਰਾਪਤ ਹੋਏ ਹਨ, ਜਿਸ ਤੋਂ ਇਹ ਵੀ ਪਤਾ ਲੱਗਦਾ ਹੈ ਕਿ ਹੁਣ ਤੱਕ ਪੰਜਾਬ ਦੇ ਕੁਝ ਜ਼ਿਲ੍ਹਿਆਂ ਵਿਚ ਆਈਵੀਐੱਫ ਤਕਨਾਲੋਜੀ ਵਾਲੇ ਹਸਪਤਾਲ ਅਤੇ ਕੇਂਦਰ ਮੌਜੂਦ ਨਹੀਂ ਹਨ।
ਭਾਰਤ ਵਿਚ ਇਸ ਤਕਨੀਕ ਨੂੰ ਆਏ 3 ਸਾਲ ਤੋਂ ਵੱਧ ਸਮਾਂ ਹੋ ਗਿਆ ਹੈ। ਇਸ ਸਮੇਂ ਦੌਰਾਨ ਪੰਜਾਬ ਵਿਚ 38114 ਲੋਕ ਇਸ ਤਕਨੀਕ ਦੀ ਵਰਤੋਂ ਕਰ ਚੁੱਕੇ ਹਨ। ਮਾਲਵਾ ਖੇਤਰ ਵਿਚ ਇਸ ਸਭ ਤੋਂ ਵੱਧ ਸੈਂਟਰ ਹਨ ਜਿਸ ਦੇ ਕਈ ਕਾਰਨ ਹਨ। ਅਜੇ ਤਕ ਇਸ ਤਕਨੀਕ ਦਾ ਗਲਤ ਇਸਤੇਮਾਲ ਨਹੀਂ ਹੋਇਆ।
ਜ਼ਿਲ੍ਹਾ ਮੋਗਾ 'ਚ ਸਭ ਤੋਂ ਵੱਧ 11332 ਕੇਸ : ਮੋਗਾ ਜ਼ਿਲ੍ਹੇ ਵਿਚ ਪੰਜਾਬ ਤੋਂ ਸਭ ਵੱਧ 11332 ਕੇਸ ਆਈਵੀਐਫ ਦੇ ਹੋਏ ਜਦੋਂਕਿ ਦੀ ਪੰਜਾਬ ਵਿਚ 10028 ਕੇਸਾਂ ਦੇ ਨਾਲ ਜਲੰਧਰ ਜ਼ਿਲ੍ਹਾ ਦੂਜੇ ਨੰਬਰ 'ਤੇ ਹੈ। ਲੁਧਿਆਣਾ ਜ਼ਿਲ੍ਹਾ ਕੁ 5065 ਕੇਸਾਂ ਨਾਲ ਪੰਜਾਬ ਵਿਚ ਤੀਜੇ ਨੰਬਰ 'ਤੇ ਹੈ। ਐੱਸਏਐੱਸ ਨਗਰ ਆਈਵੀਐੱਫ ਕੇਸਾਂ ਵਿਚ ਚੌਥੇ ਨੰਬਰ 'ਤੇ ਹੈ। ਇਸ ਜ਼ਿਲ੍ਹੇ ਵਿੱਚ 4701 ਮਾਮਲੇ ਸਾਹਮਣੇ ਆਏ ਹਨ। ਬਠਿੰਡਾ ਜ਼ਿਲ੍ਹਾ 2609 ਕੇਸਾਂ ਨਾਲ ਪਿ ਪੰਜਾਬ ਵਿੱਚੋਂ ਪੰਜਵੇਂ ਸਥਾਨ 'ਤੇ ਹੈ। ਜੇਕਰ ਆਰਟੀਆਈ ਦੇ ਅੰਕੜਿਆਂ 'ਤੇ ਨਜ਼ਰ ਮਾਰੀ ਜਾਵੇ ਤਾਂ ਹੁਣ ਤਕ ਕੁੱਲ 38,114 ਲੋਕਾਂ ਵੱਲੋਂ ਅਪਣਾਈ ਆਈਵੀਐੱਫ ਤਕਨੀਕ ਵਿਚ ਬਠਿੰਡਾ, ਮਾਨਸਾ, ਸ੍ਰੀ ਮੁਕਤਸਰ, ਮੋਗਾ, ਫਰੀਦਕੋਟ ਵਿਚ 15,312 ਲੋਕਾਂ ਨੇ ਇਸ ਤਕਨੀਕ ਨੂੰ ਅਪਣਾਇਆ ਹੈ।
ਮਾਲਵਾ ਖੇਤਰ 'ਚ ਆਈਵੀਐੱਫ ਦੇ ਸਭ ਤੋਂ ਵੱਧ ਕੇਂਦਰ : ਮਾਲਵਾ ਖੇਤਰ ਆਈਵੀਐੱਫ ਦੇ ਕੇਂਦਰ ਸਭ ਤੋਂ ਜ਼ਿਆਦਾ ਖੁੱਲ੍ਹੇ ਹੋਏ ਹਨ। ਇਸ ਦਾ ਵੱਡਾ ਕਾਰਨ ਹੈ ਕਿ ਬਹੁਤੇ ਨੌਜਵਾਨਾਂ ਵਿਚ ਬੱਚੇ ਪੈਦਾ ਕਰਨ ਦੀ ਸਮੱਰਥਾ ਘਟ ਰਹੀ ਹੈ, ਜਿਸ ਕਾਰਨ ਧੜਾਧੜ ਇਹ ਸੈਂਟਰ ਖੁੱਲ੍ਹ ਰਹੇ ਹਨ।
ਸੂਬੇ ਦੇ ਕਿਹੜੇ ਜ਼ਿਲ੍ਹੇ 'ਚ ਕਿੰਨੇ ਕੇਸ ਦਰਜ ਕੀਤੇ ਗਏ
ਜ਼ਿਲ੍ਹਾ ਆਈਵੀਐੱਫ ਕੇਸ
ਮੋਗਾ 11332
ਜਲੰਧਰ 10028
ਲੁਧਿਆਣਾ 5065
ਐੱਸਏਐੱਸ ਨਗਰ 4701
ਬਠਿੰਡਾ 2609
ਪਟਿਆਲਾ 1519
ਅੰਮ੍ਰਿਤਸਰ 1031
ਮੁਕਤਸਰ 964
ਫਰੀਦਕੋਟ 354
ਗੁਰਦਾਸਪੁਰ 134
ਪਠਾਨਕੋਟ 128
ਬਰਨਾਲਾ 83
ਸੰਗਰੂਰ 60
ਮਨਸਾ 53
ਸ਼ਹੀਦ ਭਗਤ ਸਿੰਘ ਨਗਰ 53
ਫਤਿਹਗੜ੍ਹ ਸਾਹਿਬ ਕੋਈ ਨਹੀਂ
ਰੂਪਨਗਰ ਕੋਈ ਨਹੀਂ
ਫਾਜ਼ਿਲਕਾ ਇਸ ਦਾ ਹਸਪਤਾਲ ਨਹੀਂ ਹੈ
ਮਲੇਰਕੋਟਲਾ ਇਸ ਦਾ ਕੇਂਦਰ ਨਹੀਂ ਹੈ
ਫ਼ਿਰੋਜ਼ਪੁਰ ਕੋਈ ਕੇਸ ਨਹੀਂ
ਤਰਨਤਾਰਨ ਇਸ ਦਾ ਕੇਂਦਰ ਨਹੀਂ ਹੈ
ਜ਼ਿਲ੍ਹੇ 21, ਕੇਸ 38114
(For more news apart from 38,114 people adopted IVF technology in Punjab News in Punjabi, stay tuned to Rozana Spokesman)
