ਜਲੰਧਰ, 6 ਫ਼ਰਵਰੀ (ਸੁਦੇਸ਼) : ਜਲੰਧਰ ਦਿਹਾਤੀ ਦੇ ਥਾਣਾ ਸ਼ਾਹਕੋਟ ਦੀ ਪੁਲਿਸ ਨੇ ਲੁੱਟਾਂ ਖੋਹਾਂ ਕਰਨ ਵਾਲੇ ਪੰਜ ਮੈਂਬਰੀ ਗਰੋਹ ਦਾ ਪਰਦਾਫਾਸ਼ ਕਰਦੇ ਹੋਏ ਦੋ ਮੈਂਬਰਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ ਜਦਕਿ ਤਿੰਨ ਮੈਂਬਰ ਫ਼ਰਾਰ ਹੈ। ਦੋਸ਼ੀਆਂ ਕੋਲੋਂ 40 ਮੋਬਾਇਲ ਫ਼ੋਨ, 15 ਹੋਡਫੋਨ, 40 ਮੋਬਾਈਲ ਚਾਰਜਰ, 1 ਵੱਡਾ ਬੂਫਰ ਅਤੇ 4 ਛੋਟੇ ਸਪੀਕਰ ਅਤੇ 50 ਗ੍ਰਾਮ ਨਸ਼ੀਲਾ ਪਦਾਰਥ ਬਰਾਮਦ ਕੀਤਾ ਹੈ।  ਐਸ.ਐਸ.ਪੀ ਗੁਰਪ੍ਰੀਤ ਸਿੰਘ ਭੁੱਲਰ ਨੇ ਦਸਿਆ ਗੁਪਤ ਸੂਚਨਾ ਦੇ ਆਧਾਰ ਤੇ ਲੱਟਾ ਖੋਹਾ ਕਰਨ ਵਾਲੇ ਗਿਰੋਹ ਦੇ ਮੈਂਬਰ ਅਮ੍ਰਿੰਤ ਸਿੰਘ ਉਰਫ ਸੋਨੂੰ (21) ਵਾਸੀ ਗਲੀ ਨੰਬਰ 1 ਮੁੱਹਲਾ ਸੁੰਦਰ ਨਗਰ ਕਪੂਰਥਲਾ, ਰਾਜ ਰਾਣੀ ਉਰਫ ਰਜਨੀ (35) ਪਤਨੀ ਚਮਨ ਲਾਲ ਉਰਫ ਬਾਉ ਵਾਸੀ ਗੁਰੂ ਨਾਨਕਪੁਰਾ ਨੇੜੇ ਪੁੱਤਲੀਘਰ ਅੰਮ੍ਰਿਤਸਰ ਹਾਲ ਵਾਸੀ ਮੁੱਹਲਾ ਸੁੰਦਰ ਨਗਰ ਕਪੂਰਥਲਾ, ਸ਼ਾਹਕੋਟ ਏਰੀਆ ਵਿਚ ਘੁੰਮ ਰਹੇ ਹਨ। ਜਿਸ ਤੇ ਏ.ਐਸ.ਆਈ ਮਨਜੀਤ ਸਿੰਘ ਨੇ ਸਮੇਤ ਪੁਲਿਸ ਪਾਰਟੀ ਦੇ ਨਾਕਾਬੰਦੀ ਕਰਕੇ ਇਨ੍ਹਾਂ ਦੋਹਾਂ ਮੁਲਜ਼ਮਾ ਨੂੰ ਗ੍ਰਿਫਤਾਰ ਕਰਕੇ ਇਹਨਾਂ ਪਾਸੋ ਚੋਰੀ ਕੀਤਾ ਸਮਾਨ ਅਤੇ ਨਸ਼ੀਲਾ ਪਦਾਰਥ ਬ੍ਰਾਮਦ ਕਰ ਕੇ ਮੁਕੱਦਮਾ ਨੰਬਰ 21 ਥਾਣਾ ਸ਼ਾਹਕੋਟ ਦਰਜ ਰਜਿਸਟਰ ਕੀਤਾ ਗਿਆ। 

ਇਸ ਪੰਜ ਮੈਬਰੀ ਗਰੋਹ ਵਿਚ ਚਾਰ ਲੜਕੇ ਤੇ ਇਕ ਔਰਤ ਸ਼ਾਮਲ ਹੈ ਅਤੇ ਇਹਨਾਂ ਨੇ ਪਿਛਲੇ ਕਾਫੀ ਦਿਨਾਂ ਤੋ ਕਪੂਰਥਲਾ ਜ਼ਿਲ੍ਹੇ ਦੇ ਅੰਦਰ ਰਾਤ ਸਮੇਂ ਵੱਖ-ਵੱਖ ਦੁਕਾਨਾ ਨੂੰ ਭੰਨ ਕੇ ਕੀਮਤੀ ਸਮਾਨ, ਕੱਪੜਾ, ਬੂਫਰ, ਮੋਬਾਇਲ ਫੋਨ, ਮੋਟਰਸਾਈਕਲ ਚੋਰੀ ਕੀਤੇ ਸੀ ਤੇ ਲੋਕਾਂ ਵਿਚ ਕਾਫੀ ਦਹਿਸ਼ਤ ਮਚਾਈ ਹੋਈ ਸੀ ਅਤੇ ਇਹ ਨਸ਼ਾ ਤਸਕਰੀ ਵੀ ਕਰਦੇ ਹਨ। ਗਰੋਹ ਦੇ ਜੇਲ ਵਿਚ ਬੰਦ ਤਿੰਨ ਸਾਥੀਆਂ ਨੂੰ ਪ੍ਰੋਡੰਕਸ਼ਨ ਵਾਰੰਟ ਤੇ ਲਿਆ ਕੇ ਪੁੱਛ-ਗਿੱਛ ਕਰ ਕੇ ਚੋਰੀ ਕੀਤਾ ਹੋਇਆ ਸਮਾਨ ਬ੍ਰਾਮਦ ਕੀਤਾ ਜਾਵੇਗਾ। ਦੋਹਾਂ  ਮੁਲਜ਼ਮਾ ਨੂੰ ਅੱਜ ਅਦਾਲਤ ਵਿਚ ਪੇਸ਼ ਕਰ ਕੇ ਤਿੰਨ ਦਿਨ ਦਾ ਪੁਲਿਸ ਰਿਮਾਂਡ ਹਾਸਲ ਕੀਤਾ ਹੈ, ਜਿਹਨਾਂ ਪਾਸੋਂ ਡੂੰਘਾਈ ਨਾਲ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।