ਸਾਊਦੀ ਅਰਬ, ਸੰਯੁਕਤ ਅਰਬ ਅਮੀਰਾਤ, ਕੁਵੈਤ, ਓਮਾਨ, ਜਾਰਡਨ ਅਤੇ ਬਹਿਰੀਨ ਦੇ ਨਾਗਰਿਕਾਂ ਨੂੰ ਬ੍ਰਿਟੇਨ ਵਿਚ ਐਂਟਰੀ ਲਈ ਵੀਜ਼ੇ ਦੀ ਲੋੜ ਨਹੀਂ ਹੋਵੇਗੀ।
UK Visa News - ਯੂਕੇ ਸਰਕਾਰ ਨੇ ਇਸ ਸਾਲ 22 ਫਰਵਰੀ ਤੋਂ ਵੱਖ-ਵੱਖ ਅਰਬ ਦੇਸ਼ਾਂ ਦੇ ਯਾਤਰੀਆਂ ਲਈ ਵੀਜ਼ਾ ਮੁਕਤ ਐਂਟਰੀ ਦਾ ਐਲਾਨ ਕੀਤਾ ਹੈ। ਸਰਕਾਰ ਨੇ ਵੀਜ਼ਾ ਨੀਤੀਆਂ ਵਿਚ ਤਬਦੀਲੀ ਕੀਤੀ ਹੈ ਤੇ ਕਿਹਾ ਹੈ ਕਿ ਉਹ ਯੂ.ਕੇ., ਜਾਰਡਨ ਅਤੇ ਸਾਰੇ ਖਾੜੀ ਸਹਿਯੋਗ ਕੌਂਸਲ (ਜੀਸੀਸੀ) ਦੇਸ਼ਾਂ ਦੇ ਨਿਵਾਸੀਆਂ ਲਈ ਐਂਟਰੀ ਆਸਾਨ ਬਣਾਉਣ ਦਾ ਇਰਾਦਾ ਰੱਖਦੇ ਹਨ।
ਸਾਊਦੀ ਅਰਬ, ਸੰਯੁਕਤ ਅਰਬ ਅਮੀਰਾਤ, ਕੁਵੈਤ, ਓਮਾਨ, ਜਾਰਡਨ ਅਤੇ ਬਹਿਰੀਨ ਦੇ ਨਾਗਰਿਕਾਂ ਨੂੰ ਬ੍ਰਿਟੇਨ ਵਿਚ ਐਂਟਰੀ ਲਈ ਵੀਜ਼ੇ ਦੀ ਲੋੜ ਨਹੀਂ ਹੋਵੇਗੀ। ਇਸ ਸਾਲ ਫਰਵਰੀ ਤੋਂ ਯੂ.ਕੇ. ਜਾਣ ਲਈ ਉਹਨਾਂ ਨੂੰ ਸਿਰਫ਼ ਇੱਕ ਇਲੈਕਟ੍ਰਾਨਿਕ ਟਰੈਵਲ ਆਥਰਾਈਜੇਸ਼ਨ (ETA) ਦੀ ਲੋੜ ਹੋਵੇਗੀ। ਯੂ.ਕੇ. ਦੀ ਯਾਤਰਾ ਕਰਨ ਵਾਲੇ ਕਤਰ ਦੇ ਵਸਨੀਕ ਪਹਿਲਾਂ ਹੀ 15 ਨਵੰਬਰ, 2023 ਤੋਂ ETA ਦੀ ਵਰਤੋਂ ਕਰ ਰਹੇ ਹਨ।
ਬ੍ਰਿਟਿਸ਼ ਸਰਕਾਰ ਵੱਲੋਂ ਜਾਰੀ ਕੀਤੇ ਗਏ ਇੱਕ ਬਿਆਨ ਵਿਚ ਦੱਸਿਆ ਗਿਆ ਹੈ ਕਿ ਇੱਕ ਇਲੈਕਟ੍ਰਾਨਿਕ ਟਰੈਵਲ ਆਥਰਾਈਜ਼ੇਸ਼ਨ (ETA) ਪ੍ਰਣਾਲੀ ਵਿਜ਼ਿਟ ਵੀਜ਼ਾ ਪ੍ਰਾਪਤ ਕਰਨ ਦੀ ਜ਼ਰੂਰਤ ਨੂੰ ਦੂਰ ਕਰਦੇ ਹੋਏ, ਐਂਟਰੀ ਪ੍ਰਕਿਰਿਆ ਨੂੰ ਅਸਾਨ ਬਣਾਉਣ ਲਈ ਤਿਆਰ ਹੈ। ਇਸ ਨਵੀਂ ਪ੍ਰਣਾਲੀ ਦੇ ਤਹਿਤ, ਹਰ ਉਮਰ ਸਮੂਹ ਦੇ ਸੈਲਾਨੀਆਂ ਨੂੰ 10 ਪੌਂਡ ਦੀ ਕੀਮਤ ਵਾਲੇ ਇੱਕ ਯਾਤਰਾ ਪਰਮਿਟ ਲਈ ਇਲੈਕਟ੍ਰਾਨਿਕ ਤੌਰ 'ਤੇ ਅਰਜ਼ੀ ਦੇਣੀ ਪਵੇਗੀ
ਜਿਸ ਨੂੰ ਬਾਅਦ ਵਿਚ 2 ਸਾਲ ਲਈ ਉਨ੍ਹਾਂ ਦੇ ਯਾਤਰਾ ਦੇ ਉਦੇਸ਼ਾਂ ਲਈ ਜਾਰੀ ਕੀਤਾ ਜਾਵੇਗਾ। ਵੀਜ਼ਾ ਨਿਯਮਾਂ ਵਿਚ ਇਸ ਰਣਨੀਤਕ ਤਬਦੀਲੀ ਦਾ ਉਦੇਸ਼ ਐਂਟਰੀ ਪ੍ਰਕਿਰਿਆਵਾਂ ਨੂੰ ਸੁਚਾਰੂ ਬਣਾਉਣਾ, ਯੂ.ਕੇ. ਦੀ ਯਾਤਰਾ ਕਰਨ ਦੇ ਇਛੁੱਕ ਇਨ੍ਹਾਂ ਦੇਸ਼ਾਂ ਦੇ ਨਾਗਰਿਕਾਂ ਲਈ ਨਿਰਵਿਘਨ ਅਤੇ ਵਧੇਰੇ ਪਹੁੰਚਯੋਗ ਯਾਤਰਾ ਨੂੰ ਉਤਸ਼ਾਹਿਤ ਕਰਨਾ ਹੈ।
(For more news apart from UK Visa News, stay tuned to Rozana Spokesman)
