ਓਂਟਾਰੀਓ ਤੋਂ ਵਿਧਾਨ ਸਭਾ ਦੇ ਮੈਂਬਰ ਹਨ ਗੁਰਰਤਨ ਸਿੰਘ 

ਕੈਨੇਡਾ- ਕੈਨੇਡਾ ਵਿਚ ਐਨਡੀਪੀ ਦੇ ਪ੍ਰਧਾਨ ਜਗਮੀਤ ਸਿੰਘ ਦੇ ਭਰਾ ਗੁਰਰਤਨ ਸਿੰਘ ਵੀ ਅਪਣੇ ਭਰਾ ਦੀਆਂ ਪੈੜਾਂ ’ਤੇ ਚੱਲ ਰਹੇ ਹਨ। ਇਸ ਦੀ ਤਾਜ਼ਾ ਮਿਸਾਲ ਉਦੋਂ ਦੇਖਣ ਨੂੰ ਮਿਲੀ ਜਦੋਂ ਉਨ੍ਹਾਂ ਨੇ ਓਂਟਾਰੀਓ ਵਿਚ ਇਕ ਇਸਲਾਮ ਵਿਰੋਧੀ ਗੋਰੇ ਦੀ ਬੋਲਤੀ ਬੰਦ ਕਰ ਦਿੱਤੀ। ਬਰੈਂਪਟਨ ਪੂਰਬੀ ਹਲਕੇ ਤੋਂ ਉਂਟਾਰੀਓ ਵਿਧਾਨ ਸਭਾ ਦੇ ਮੈਂਬਰ ਗੁਰਰਤਨ ਸਿੰਘ ਬੀਤੇ ਦਿਨੀਂ ਜਦੋਂ ਟੋਰਾਂਟੋ ਦੇ ਉੱਪ ਨਗਰ ਮਿਸੀਸਾਗਾ ਵਿਚ ‘ਮੁਸਲਿਮ ਫ਼ੈਸਟ’ ਨਾਂਅ ਦੇ ਇਕ ਜਨਤਕ ਸਮਾਰੋਹ ’ਚ ਭਾਗ ਲੈਣ ਲਈ ਗਏ

Ontario MLA Gurratan Singh  

ਤਾਂ ‘ਨੈਸ਼ਨਲ ਸਿਟੀਜ਼ਨਸ ਅਲਾਇੰਸ’ ਦੇ ਬਾਨੀ ਸਟੀਫ਼ਨ ਗਾਰਵੇ ਨੇ ਉਨ੍ਹਾਂ ਨੂੰ ਪੁੱਛਿਆ ‘ਕੀ ਤੁਸੀਂ ਸ਼ਰ੍ਹੀਅਤ ਕਾਨੂੰਨ ਦੀ ਹਮਾਇਤ ਕਰਦੇ ਹੋ ਤੇ ਸਿਆਸੀ ਇਸਲਾਮ ਬਾਰੇ ਤੁਹਾਡਾ ਸਟੈਂਡ ਕੀ ਹੈ?’ ਇਸ ’ਤੇ ਗੁਰਰਤਨ ਸਿੰਘ ਨੇ ਜਵਾਬ ਦਿੱਤਾ ਕਿ ਉਹ ਨਸਲਵਾਦ ਦੀ ਸਖ਼ਤ ਨਿਖੇਧੀ ਕਰਦੇ ਨੇ ਤੇ ਕਿਸੇ ਵੀ ਕਿਸਮ ਦੀ ਨਫ਼ਰਤ ਨੂੰ ਗ਼ਲਤ ਸਮਝਦੇ ਹਨ। ਇਸ ਘਟਨਾ ਤੋਂ ਬਾਅਦ ’ਚ ਗੁਰਰਤਨ ਸਿੰਘ ਨੇ ਇਕ ਟਵੀਟ ਵੀ ਕੀਤਾ,

My brother @theJagmeetSingh taught me to always confront racism.

I will never respond to an Islamophobe by stating, "I am not a Muslim".

Instead, I will always stand with my Muslim brothers and sisters and say hate is wrong ✊?. https://t.co/MaBPc3sBb1

— Gurratan Singh (@GurratanSingh) September 2, 2019

ਜਿਸ ਵਿਚ ਉਸ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਉਨ੍ਹਾਂ ਦੇ ਭਰਾ ਜਗਮੀਤ ਸਿੰਘ ਨੇ ਉਨ੍ਹਾਂ ਨੂੰ ਸਦਾ ਨਸਲਵਾਦ ਦਾ ਟਾਕਰਾ ਕਰਨਾ ਸਿਖਾਇਆ। ‘ਮੈਂ ਇਸਲਾਮ ਨਾਲ ਨਫ਼ਰਤ ਕਰਨ ਵਾਲੇ ਕਿਸੇ ਵਿਅਕਤੀ ਦੇ ਕਿਸੇ ਸਵਾਲ ਦਾ ਕੋਈ ਜਵਾਬ ਨਹੀਂ ਦੇਵਾਂਗਾ।’ ਗੁਰਰਤਨ ਸਿੰਘ ਦੇ ਇਸ ਸਟੈਂਡ ਦੀ ਚਾਰੇ ਪਾਸੇ ਸ਼ਲਾਘਾ ਹੋ ਰਹੀ ਹੈ। ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਜਗਮੀਤ ਸਿੰਘ ਨੇ ਵੀ ਇੰਝ ਇਕ ਨਸਲੀ ਮਾਨਸਿਕਤਾ ਵਾਲੀ ਔਰਤ ਨੂੰ ਬਹੁਤ ਹੀ ਵਧੀਆ ਤਰੀਕੇ ਨਾਲ ਜਵਾਬ ਦਿੱਤਾ ਸੀ। 

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।